Рацыд 30:33 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

³³ Ахӕм сӕрдӕн чи сараза ӕмӕ дзы ӕндӕр искӕй чи байсӕрда, уый йӕ адӕмӕй фӕхъӕудзӕн».

Рацыд 30:33 ပူးပေါင်းရင်းမြစ်များ

Райдиан 17:14

Сунӕтгонд цы нӕлгоймаг не ’рцӕуа, уый та йӕ адӕмӕй фӕхъӕудзӕн, уымӕн ӕмӕ фехӕлдта Мӕ фидыд».

Рацыд 12:15

Авд боны дӕргъы хъуамӕ хӕрат донгонд дзултӕ. Фыццаг бонӕй фӕстӕмӕ уӕ хӕдзӕртты ӕнхъизӕн куыннӕ уа, афтӕ бакӕнут. Уыцы авд боны дӕргъы ӕнхъизӕнджын дзулӕй чи фӕхъӕстӕ уа, уый Израилы адӕмӕй фӕхъӕудзӕн.

Рацыд 12:19

Авд боны дӕргъы уӕ хӕдзӕртты ӕнхъизӕнӕн йӕ кой дӕр ма уӕд. Ӕнхъизӕнӕй конд дзул чи бахӕра, фӕнды ӕрцӕуӕггаг уӕд, фӕнды израилаг — Израилы адӕмӕй фӕхъӕудзӕн.

Рацыд 29:33

Хъуамӕ сӕхӕдӕг бахӕрой, ссыгъдӕг кӕнын, сауджын скӕнын ӕмӕ срухс кӕныны тыххӕй сын цы нывӕндтӕ ӕрхастӕуыди, уыдон. Ӕддагон дзы ма саходӕд — уаз у.

Рацыд 30:34

Дунедарӕг Моисейӕн загъта: «Райс хӕрздӕфгӕнӕнтӕ: натаф, шехелет, хелбена, стӕй се ’ппӕты бӕрц сыгъдӕг буд.

Рацыд 30:38

Чи сараза ӕмӕ йӕм чи басмуда, уый йӕ адӕмӕй фӕхъӕудзӕн».

Рацыд 31:14

Ӕххӕст кӕнут сабаты уагӕвӕрдтӕ — уый уаз у сымахӕн. Сабат чи фӕчъизи кӕна, уый мард ӕрцӕуӕд: сабаты чидӕриддӕр куса, уый йӕ адӕмӕй фӕхъӕудзӕн.

Левит 17:10

Израилӕгтӕй кӕнӕ се ’хсӕн цӕрӕг ӕцӕгӕлӕттӕй исчи йӕхи туджы хъӕстӕ куы фӕкӕна, уӕд ӕй Ӕз мӕ азары хай бакӕндзынӕн, хъодыгонд ӕй фӕкӕндзынӕн йӕ адӕмы ’хсӕнӕй,

Левит 17:14

уымӕн ӕмӕ алы цӕрӕг удӕн дӕр йӕ цард йӕ туджы ис, ӕмӕ Ӕз израилӕгтӕн бафӕдзӕхстон, цӕмӕй тугимӕ мацы фыд хӕрой. Алы цӕрӕг удӕн дӕр йӕ цард йӕ туджы ис, ӕмӕ, тугимӕ чидӕриддӕр бахӕра, уый йӕ адӕмӕй фӕхъӕудзӕн.

Левит 17:4

Фембӕлды Цатыры къӕсӕрмӕ йӕ куынӕ ӕрбакӕна ӕмӕ йӕ Дунедарӕджы цӕрӕны раз нывондӕн куынӕ ӕрхӕсса Дунедарӕгӕн, уӕд уыцы адӕймаг азымджын фӕуыдзӕн: туг ныккалдта, ӕмӕ йӕ адӕмӕй фӕхъӕудзӕн.

Левит 17:9

ӕмӕ, Дунедарӕджы номыл хаст нывондӕн куыд ӕмбӕлы, афтӕ йӕ нывондаджы Фембӕлды Цатыры къӕсӕры цурмӕ куынӕ ӕрбакӕна, уӕд уыцы адӕймаг йӕ адӕмӕй фӕхъӕудзӕн.

Левит 18:29

Уыцы ӕлгъаг митӕ чидӕриддӕр кӕна, уый йӕ адӕмӕй фӕхъӕудзӕн.

Левит 19:8

Чи дзы бахӕра, уый уыдзӕнис азымджын, уымӕн ӕмӕ Дунедарӕджы уаз хай фӕчъизи кодта; йӕ адӕмӕй фӕхъӕудзӕн.

Левит 20:17

Исчи йӕ хойы куы ракура, иу фыд кӕнӕ иу мадӕй гуырд кӕимӕ у, ахӕмы ӕмӕ йемӕ куы ӕрӕмуат уа, уӕд уый стыр худинаг у, ӕмӕ сӕ дыууӕ дӕр мард ӕрцӕуӕнт адӕмы раз ӕмӕ сӕ адӕмӕй фӕхъӕуӕнт. Йӕ хоимӕ ӕмуат кӕй ӕрцыд, уымӕ гӕсгӕ хъуамӕ ӕфхӕрд баййафа.

Левит 20:18

Исчи сылгоймагимӕ йе ’рвылмӕйон тугцыды рӕстӕг ӕмуат куы ’рцӕуа, уӕд ын уымӕй раргом кӕндзӕн йӕ тугцыд; сылгоймаг дӕр афтӕмӕй ӕвдисы йӕ тугцыд, ӕмӕ сӕ дыууӕйы дӕр амардзысты, сӕ адӕмы ’хсӕнӕй фӕхъӕудзысты.

Левит 20:3

Ӕз уыцы адӕймаджы Мӕ азары хай бакӕндзынӕн, фесафдзынӕн ӕй, йӕ адӕмы ’хсӕнӕй хъодыгонд ӕрцӕудзӕн, уымӕн ӕмӕ йӕ сывӕллоны Молохӕн нывондӕн ӕрхаста. Уымӕй Мын фӕчъизи кодта Мӕ Уаз Цӕрӕн ӕмӕ фегад кодта Мӕ уаз ном.

Левит 22:3

Фӕлтӕрӕй-фӕлтӕрмӕ израилӕгтӕ Дунедарӕгӕн цы кувинӕгтӕ хӕссынц, уыдонмӕ уӕ байзӕддӕгтӕй ӕнӕсыгъдӕгӕй исчи куы бавнала, уӕд ӕй Ӕз фесафдзынӕн, нал ӕрлӕудзӕн Мӕ разы. Ӕз — Дунедарӕг.

Левит 23:29

Уыцы бон ком чи нӕ дара, уый йӕ адӕмӕй фӕхъӕудзӕн.

Нымӕцтӕ 15:30

Фӕлӕ зонгӕ-зонын куы бакӕна тӕригъӕд ми адӕймаг, уӕд, бынӕттон цӕрӕг уа ӕви ӕрцӕуӕггаг, уый уымӕй Дунедарӕджы ӕфхӕры, ӕмӕ йӕ адӕмӕй фӕхъӕудзӕн.

Нымӕцтӕ 15:31

Уый Дунедарӕджы ныхас ницӕмӕ ӕрдардта, Йӕ фӕдзӕхсты сӕрты Йын ахызт, ӕмӕ йӕ адӕмы ’хсӕнӕй фӕхъӕудзӕн, йӕ тӕригъӕд бафиддзӕн».

Нымӕцтӕ 19:13

Марды буарыл чи андзӕва ӕмӕ йӕхи чи не ссыгъдӕг кӕна, уый Дунедарӕджы цӕрӕнуат чъизи кӕны ӕмӕ Израилы ’хсӕнӕй фӕхъӕудзӕн. Уымӕн ӕмӕ уый сыгъдӕггӕнӕн донӕй нӕ бапырх кодтой, ӕмӕ чъизи у, йӕ чъизи ис йӕ уӕлӕ.

Нымӕцтӕ 19:20

Чи фӕчъизи ис, уый йӕхи куынӕ ссыгъдӕг кӕна, уӕд та дзыллӕйӕ фӕхъӕудзӕн, уымӕн ӕмӕ Дунедарӕджы Уаз Цӕрӕн чъизи кӕны: сыгъдӕггӕнӕн донӕй йыл нӕ бапырх кодтой, ӕмӕ чъизи у.

Нымӕцтӕ 4:18

«Левитты ’хсӕнӕй Кехаты хӕдзарвӕндаг ма бауадзут фесафын.

Нымӕцтӕ 9:13

Сыгъдӕг чи у, фӕндагыл чи нӕ уыд ӕмӕ афтӕмӕй Куадзӕны нывонд чи не ’рхаста, уый йӕ адӕмӕй фӕхъӕудзӕн, уымӕн ӕмӕ Дунедарӕгӕн йӕ афоныл нывонд не ’рхаста; тӕригъӕды азар баййафдзӕн уыцы адӕймаджы.