Рацыд 26:31 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

³¹ Бауаф мидӕмбӕрзӕн ӕрвхуыз, тар сырх ӕмӕ сӕнт сырх тӕбын ӕмӕ здыхт гӕнӕй. Йӕ уӕлӕ — херувимты дӕсны уафт фӕлгонцтӕ.

Рацыд 26:31 ပူးပေါင်းရင်းမြစ်များ

2 Азфыстытӕ 3:14

Рухсмонуатӕн Соломон бауафын кодта мидӕмбӕрзӕн, ӕрвхуыз, сӕнт сырх ӕмӕ сырх-сырхид ӕндӕхтӕй, стӕй лыстӕг гӕнӕй. Сфӕлыстой йӕ херувимты нывӕфтыдтӕй.

Псаломтӕ 137:5

Стаудзысты уыдон Дунедарӕджы фӕндӕгтӕ, уымӕн ӕмӕ стыр у Дунедарӕджы кад.

Рацыд 25:18

Йӕ фӕйнӕ кӕроныл ын ныффидар кӕн сыгъзӕрины фӕйнӕ ӕнӕхъӕн къӕрттӕй арӕзт дыууӕ херувимы.

Рацыд 25:4

ӕрвхуыз, тар сырх ӕмӕ сӕнт сырх тӕбын, лыстӕг гӕнӕй уафт хъуымӕцтӕ ӕмӕ тинтъычъи,

Рацыд 26:1

Цатырӕн сцӕттӕ кӕн дӕс уӕфтӕджы — здыхт гӕнӕй, ӕрвхуыз, тар сырх ӕмӕ сӕнт сырх тӕбынӕй. Сӕ уӕлӕ — херувимты дӕсны уафт фӕлгонцтӕ.

Рацыд 26:32

Ӕрцауындз ӕй сыгъзӕринастӕрд цыппар акъаци цӕджындзыл, сыгъзӕрин къӕпсыртӕ сыл, цӕджындзтӕн — цыппар ӕвзист бынӕнцайӕны.

Рацыд 27:16

Кулдуарӕн бауаф нывӕфтыд дуарӕмбӕрзӕн, ссӕдз ӕлмӕрины дӕргъӕн. Хъуамӕ уа ӕрвхуыз, тар сырх ӕмӕ сӕнт сырх тӕбынӕй ӕмӕ здыхт гӕнӕй. Кулдуарӕн уӕд цыппар цӕджындзы, фӕйнӕ бынӕнцайӕнимӕ.

Рацыд 27:21

Аарон ӕмӕ йӕ фырттӕ сӕ цӕст дарӕнт, цӕмӕй цырагъдарӕны цырӕгътӕ изӕрӕй райсоммӕ судзой Дунедарӕджы раз — Фембӕлды Цатыры мидӕг, Фидыды Чырын цы мидӕмбӕрзӕны фӕстӕ ис, уый раз. Уый — мыггагмӕйы уагӕвӕрд израилӕгтӕн фӕлтӕрӕй-фӕлтӕрмӕ.

Рацыд 28:15

Ноджы ма скӕн Дунедарӕджы амындтыты риуылдарӕн, уый дӕр, ефодау, — сыгъзӕрин ӕндӕхтӕй, ӕрвхуыз, тар сырх ӕмӕ сӕнт сырх тӕбынӕй, стӕй здыхт гӕнӕй, нывӕфтыдтимӕ.

Рацыд 35:12

Фидыды Чырын, йӕ хӕссӕн хъилтӕ ӕмӕ йӕ сӕр, стӕй мидӕмбӕрзӕн,

Рацыд 35:25

Къухмимӕ чи арӕхст, уыцы сылгоймӕгтӕ иууылдӕр ӕлвыстой ӕмӕ хастой ӕрвхуыз, тар сырх ӕмӕ сӕнт сырх тӕбын, стӕй лыстӕг гӕн.

Рацыд 35:35

Дунедарӕг сын радта нывӕфтауӕджы курдиат, стӕй ӕрвхуыз, сӕнт сырх, игӕрхуыз тӕбын ӕмӕ гӕнӕй нывӕфтыд ӕмӕ хуымӕтӕг хъуымӕцтӕ уафыны курдиат — радта сын алы дӕсныйад ӕмӕ алы арӕхстдзинад.

Рацыд 35:6

ӕрвхуыз, тар сырх ӕмӕ сӕнт сырх тӕбын, лыстӕг гӕн ӕмӕ тинтычъи,

Рацыд 36:35

Бауӕфтой мидӕмбӕрзӕн — ӕрвхуыз, сӕнт сырх ӕмӕ игӕрхуыз тӕбын ӕмӕ здыхт гӕнӕй. Херувимты нывӕфтыд сурӕттӕй йӕ сфӕлыстой.

Рацыд 36:36

Дуарӕмбӕрзӕнӕн скодтой цыппар акъаци цӕджындзы, састӕрдтой сӕ сыгъзӕринӕй, бакодтой сыл сыгъзӕрин къӕпсыртӕ ӕмӕ сын рацагътой цыппар ӕвзист бынӕнцайӕны.

Рацыд 36:8

Цатыраразӕг ӕрмдӕснытӕ здыхт гӕн, стӕй ӕрвхуыз, сӕнт сырх ӕмӕ игӕрхуыз тӕбынӕй сцӕттӕ кодтой дӕс уӕфтӕджы. Уӕфтӕгтӕ аив сфӕлыстой херувимты нывӕфтыдтӕй.

Рацыд 38:23

Йемӕ ӕмгуыст кодта Ахисамахы фырт Охолиав — Даны хӕдзарвӕндагӕй, нывӕфтауӕг, стӕй ӕрвхуыз, игӕрхуыз ӕмӕ сӕнт сырх тӕбынӕй ӕмӕ гӕнӕй нывӕфтыд хъуымӕцтӕ уафӕг ӕрмдӕсны.

Рацыд 40:21

Стӕй Фидыды Чырын бахаста ӕмӕ, Дунедарӕг ын куыд бафӕдзӕхста, афтӕ йӕ мидӕмбӕрзӕнӕй сӕхгӕдта.

Рацыд 40:3

Бахӕсс Фидыды Чырын ӕмӕ йӕ мидӕмбӕрзӕнӕй сӕхгӕн.

Зарджыты зарӕг 7:1

— О, раздӕх-ма, раздӕх, Суламитӕ! Раздӕх-ма, ӕмӕ дӕм бакӕсӕм! — Цӕмӕн кӕсут Суламитӕмӕ, раст цыма маханаимаг кафт кӕны, уыйау?

Левит 16:15

Уый фӕстӕ Аарон адӕмы тӕригъӕдтӕ ссыгъдӕг кӕныны тыххӕй аргӕвдӕд цӕуы. Йӕ туг ын мидӕмбӕрзӕны уылты бахӕссӕд ӕмӕ, галы тугӕй куыд бапырх кодта, афтӕ уымӕй дӕр бапырх кӕнӕд Фидыды Чырыны сӕр ӕмӕ йӕ разы зӕхх.

Левит 16:2

Дунедарӕг Моисейӕн загъта: «Де ’фсымӕр Ааронӕн бафӕдзӕхс, цӕмӕй алы рӕстӕджы ма хиза мидӕмбӕрзӕны уылты — Рухсмонуатмӕ, Фидыды Чырыны сӕры размӕ, науӕд амӕлдзӕн, уымӕн ӕмӕ-иу Ӕз Фидыды Чырыны сӕрмӕ фӕзындзынӕн ӕврагъы мидӕг.

Нымӕцтӕ 4:5

Фӕндагмӕ рӕвдз кӕнгӕйӕ, Аарон йӕ фырттимӕ дуарӕмбӕрзӕн хъуамӕ сиса ӕмӕ дзы Фидыды Чырын ӕрӕмбӕрза,

Матфей 27:51

Уӕд Кувӕндоны мидӕмбӕрзӕн уӕлейӕ дӕлӕмӕ ӕрфасти ӕмӕ дыууӕ дихы фӕцис. Зӕхх нынкъуысыд, ӕмӕ къӕдзӕхтӕ аскъуыдтӕ сты.

Марк 15:38

Уӕд Кувӕндоны мидӕмбӕрзӕн уӕлейӕ дӕлӕмӕ дыууӕ дихы фӕцис.

Лука 23:45

уымӕн ӕмӕ хур рухс нал кодта. Кувӕндоны мидӕмбӕрзӕн уӕлейӕ бынмӕ дыууӕ дихы фӕцис.

Эфесӕгтӕм 2:14

Чырысти у нӕ фидауынгӕнӕг. Уый дзуттӕгтӕй ӕмӕ муртаттӕгтӕй скодта иу адӕм — фехӕлдта, се ’хсӕн цы фыдӕхы гӕрӕн уыди, уый,