Рацыд 23:14 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

¹⁴ Афӕдзӕй-афӕдзмӕ Мын бӕрӕгбон кӕнут ӕртӕ хатты.

Рацыд 23:14 ပူးပေါင်းရင်းမြစ်များ

3 Паддзахӕдтӕ 9:25

Соломон Дунедарӕгӕн цы нывондхӕссӕн сарӕзта, ууыл афӕдз ӕртӕ хатты хаста иууылсудзинӕгтӕ ӕмӕ фидыды нывӕндтӕ, ноджы ма йыл сыгъта буд. Афтӕмӕй Кувӕндон арӕзт фӕци.

2 Азфыстытӕ 8:13

Кӕддӕр Моисей куыд бафӕдзӕхста, афтӕ уыцы нывондхӕссӕныл хаста иууылсудзинаг нывӕндтӕ — сабӕттӕ, мӕйноджы бӕрӕгбӕттӕ ӕмӕ афӕдзы ӕртӕ стыр бӕрӕгбоны рӕстӕг: Донгонд дзулты бӕрӕгбоны, Къуыриты бӕрӕгбоны ӕмӕ Халагъудты бӕрӕгбоны.

Рацыд 23:17

Уӕ нӕлгоймӕгтӕ се ’ппӕт дӕр афӕдз ӕртӕ хатты хъуамӕ ӕрлӕууой Бардарӕг Дунедарӕджы раз.

Рацыд 34:17

Уӕхи къухӕй хуыцӕуттӕ ма аразут уӕхицӕн.

Рацыд 34:18

Бӕрӕг кӕнут Донгонд дзулты бӕрӕгбон. Авд боны дӕргъы-иу хӕрут донгонд дзултӕ, куыд уын бафӕдзӕхстон, афтӕ — авивы мӕйы, нысангонд бонты, уымӕн ӕмӕ авивы мӕйы рацыдыстут Мысырӕй.

Езекиел 46:9

Бӕстӕйы адӕм бӕрӕгбӕтты заман Дунедарӕджы размӕ куы цӕуой, уӕд, бакувынмӕ цӕгатварс кулдуарыл чи бацӕуа, уый-иу фӕстӕмӕ та рацӕуӕд хуссарварс кулдуарыл, хуссарварс кулдуарыл чи бацӕуа, уый та-иу фӕстӕмӕ рацӕуӕд цӕгатварс кулдуарыл. Мидӕмӕ цы кулдуарыл бацыд, ууыл-иу ма рацӕуӕд фӕстӕмӕ, фӕлӕ рацӕуӕд уымӕн йӕ бакомкоммӕ кулдуарыл.

Левит 23:16

Фӕндзайӕм бон-иу, ӕвдӕм сабаты фӕстӕ, Дунедарӕгӕн уӕ ног тыллӕгӕй хойраджы хуын ӕрбахӕссут.

Левит 23:34

ӕвдӕм мӕйы фынддӕсӕм бонӕй фӕстӕмӕ авд боны дӕргъы уыдзӕни Халагъудты бӕрӕгбон — Дунедарӕджы кадӕн.

Левит 23:4

Мӕнӕ Дунедарӕджы бӕрӕгбӕттӕ, уазӕмбырдтӕ. Бӕрӕг кӕнын сӕ хъӕуы бӕлвырд афонты.

Левит 23:5

Фыццаг мӕйы цыппӕрдӕсӕм бон, дыууӕизӕрастӕу — Дунедарӕджы Куадзӕн.

Фӕлхатгонд ӕгъдау 16:1

Дӕ зӕрдыл дар авивы мӕй ӕмӕ бӕрӕг кӕн Дунедарӕджы, дӕ Хуыцауы, Куадзӕн: авивы мӕйы дӕ ӕхсӕвыгон ракодта Дунедарӕг, дӕ Хуыцау, Мысырӕй.

Фӕлхатгонд ӕгъдау 16:16

Уӕ нӕлгоймӕгтӕ се ’ппӕт дӕр афӕдз ӕртӕ хатты хъуамӕ ӕрлӕууой Дунедарӕджы, уӕ Хуыцауы раз, Йӕ номыл цы бынат равзара, уым: Донгонд дзулты, Къуыриты ӕмӕ Халагъудты бӕрӕгбӕтты. Афтидармӕй мачи ӕрбацӕуӕд!

1 Паддзахӕдтӕ 1:3

Лӕг-иу алы аз дӕр йӕ сахарӕй араст ис Силоммӕ, цӕмӕй Уӕларвӕфсады Бардарӕгмӕ скува ӕмӕ Йын нывонд ӕрхӕсса. Уым Дунедарӕджы сауджынтӕ уыдысты Елиа ӕмӕ йӕ дыууӕ фырты, Хофни ӕмӕ Пинхас.