Рацыд 22:13 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

¹³ Фосы сырд куы ныттона, уӕд ын, йӕ цӕст ӕм чи дардта, уый йӕ мард йӕ хицауӕн равдисӕд: тынд фос ын фиддон ма уӕд.

Рацыд 22:13 ပူးပေါင်းရင်းမြစ်များ

Рацыд 22:12

Фос давд куы ’рцӕуа, уӕд та, йӕ цӕст ӕм чи дардта, уый фосы хицауӕн бафидӕд.

Рацыд 22:14

Иу лӕг иннӕмӕн йӕ фос куы ракура рӕстӕгмӕ, ӕмӕ, фосы хицау йӕ разы нӕ уыд, афтӕмӕй йын куы фӕсахъат уа кӕнӕ куы фӕхӕдмӕл уа, уӕд ын йӕ ныхмӕ йӕ хицауӕн бафидӕд.

Езекиел 4:14

Уӕд ӕз загътон: «О Дунедарӕг Хуыцау! Ӕз мӕхи никуыма фӕчъизи кодтон. Нӕдӕр холы, нӕдӕр, сырдтӕ кӕй ныттыдтой, ахӕм дзидза никуы бахордтон ме ’взонгӕй нырмӕ. Ницы чъизи фыд схастон мӕ дзыхмӕ».

Амос 3:12

Дунедарӕг афтӕ зӕгъы: фыййау иуӕй-иу хатт домбайы дзыхӕй фысы дыууӕ къахы кӕнӕ хъусы ’рдӕг куыд фелвасы, раст афтӕ фервӕздзысты, Самарийы хуыссӕнты ӕмӕ Дамаскы къӕлӕтджынты цы израилӕгтӕ улӕфынц, уыдон.

Михей 5:8

Йаковы байзӕддӕгтӕй чи аирвӕза, уыдон ӕнӕнымӕц адӕмтӕ ӕмӕ знӕмты астӕу уыдзысты, домбай хъӕды сырдты, лӕппын домбай фысты рӕгъауы ’хсӕн куыд вӕййы, афтӕ: куы сӕм бабырсы, уӕд сӕ ныссӕнды ӕмӕ сӕ аскъуыдтӕ кӕны.