Рацыд 20:23 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

²³ Ма аразут уӕхицӕн ӕвзист ӕмӕ сыгъзӕрин хуыцӕуттӕ ӕмӕ сӕ Мӕ разы ма ӕвӕрут.

Рацыд 20:23 ပူးပေါင်းရင်းမြစ်များ

4 Паддзахӕдтӕ 17:33

Дунедарӕгӕн дӕр куывтой ӕмӕ сӕхи хуыцӕуттӕн дӕр лӕггад кодтой — сӕ фыдызӕххыл цы ’гъдау уыдис, уымӕ гӕсгӕ.

4 Паддзахӕдтӕ 17:41

Дунедарӕгӕн кад кодтой, фӕлӕ сӕхи гуымирытӕн дӕр кодтой лӕггад. Суанг сӕ байзӕддӕгтӕ ӕмӕ уыдоны байзӕддӕгтӕ дӕр ныронг дӕр фӕзмынц сӕ фыдӕлты.

Рацыд 32:31

Аздӕхти Дунедарӕгмӕ ӕмӕ Йын загъта: «О Дунедарӕг! Ацы адӕм стыр тӕригъӕд ракодтой. Сӕхицӕн сыгъзӕринӕй скодтой хуыцау.

Рацыд 34:17

Уӕхи къухӕй хуыцӕуттӕ ма аразут уӕхицӕн.

Езекиел 20:39

Сымах та, Израилы адӕм, — зӕгъы Дунедарӕг Хуыцау, — уӕ гуымирытӕм ацӕут ӕмӕ сын лӕггад кӕнут, кӕд Мӕнмӕ нӕ хъусут, уӕд, фӕлӕ Мын Мӕ уаз ном уӕ лӕвӕрттӕ ӕмӕ уӕ гуымирытӕй мауал фӕчъизи кӕнут.

Езекиел 43:8

Сӕ къӕсӕртӕ ӕвӕрдтой Мӕ къӕсӕрты цур, сӕ тарвӕзтӕ — Мӕ тарвӕзты цур ӕмӕ ӕмкъул цардысты Мемӕ. Афтӕмӕй Мын се ’наккаг митӕй ӕгад кодтой Мӕ уаз ном ӕмӕ сӕ Мӕ фыр мӕстӕй бабын кодтон.

Даниил 5:23

Дӕхи уӕларвы Бардарӕгӕй уӕлдӕр сӕвӕрдтай. Йӕ Хӕдзары кӕхцытӕ дын дӕ размӕ ӕрбахастой, ӕмӕ де ’лдӕрттӕ, дӕ устытӕ ӕмӕ дӕ номылустытимӕ уыдонӕй сӕн нуӕзтай. Ӕвзист, сыгъзӕрин, ӕрхуы, ӕфсӕйнаг, хъӕдын ӕмӕ дурӕй конд хуыцӕутты кады аккаг скодтай. Уыдон та сты куырм, къуырма ӕмӕ ӕнӕзонд. Дӕ царды комулӕфт кӕй къухы ис ӕмӕ Дӕ фӕндӕгтӕ кӕй бар сты, уыцы Хуыцауы та кады аккаг не скодтай.

Левит 19:4

Гуымирытӕм уе ’ргом ма здахут ӕмӕ уӕхицӕн джиппыуагъд гуымирытӕ ма аразут. Ӕз Дунедарӕг дӕн, уӕ Хуыцау.

Софониа 1:5

уӕлхӕдзӕрттыл стъалытӕм чи кувы, стӕй Дунедарӕгмӕ дӕр ӕмӕ Милкоммӕ дӕр чи кувы, сӕ дыууӕйӕ дӕр сомы чи кӕны,

Фӕлхатгонд ӕгъдау 27:15

„Ӕлгъыст фӕуӕд, Дунедарӕгӕн ӕлгъаг чи у, ахӕм гуымиры чи сараза, ӕрмдӕсныйы конд гуымиры сусӕгӕй чи сӕвӕра, уый!“ Адӕм та иууылдӕр иумӕ зӕгъӕнт: „Аммен!“

Фӕлхатгонд ӕгъдау 29:17

Се ’лгъӕгтӕ — хъӕдын ӕмӕ дурын, ӕвзист ӕмӕ сыгъзӕрин гуымирытӕ сын федтат.

Ӕргомад 22:15

Куыйтӕ ӕмӕ кӕлӕнгӕнджытӕ, хӕлд адӕм ӕмӕ лӕгмартӕ, мӕнгхуыцӕуттӕм кувджытӕ, стӕй, фӕливӕн митыл хӕст чи у ӕмӕ сӕ чи уарзы, уыдон та баззайдзысты ӕдде.

Фӕтӕгтӕ 17:3

Ӕмӕ йын Миха мин ӕмӕ сӕдӕ шекелы ӕвзист фӕстӕмӕ куы радта, уӕд ын загъта: «Ацы ӕвзист мӕ лӕппуйы номыл нывонд кӕнын Дунедарӕгӕн. Уадз ӕмӕ дзы хуыцауы кӕрдгӕныв ӕмӕ джиппыуагъд гуымиры саразой».