Рацыд 12:33 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

³³ Мысырӕгтӕ израилӕгты тагъд кодтой; ӕвӕстиатӕй сӕ фӕндаг куыд дарой, ууыл архайдтой, науӕд иууылдӕр цагъды фӕуыдзыстӕм, зӕгъгӕ.

Рацыд 12:33 ပူးပေါင်းရင်းမြစ်များ

Райдиан 20:3

Фӕлӕ ӕхсӕвы Хуыцау Авимелехмӕ фыны ӕргом рацыд ӕмӕ йын загъта: «Ныртӕккӕ амӕлдзынӕ, ацы сылгоймаджы дӕхимӕ кӕй ӕрбакодтай, уый тыххӕй, уымӕн ӕмӕ моймӕдзыд у».

Псаломтӕ 105:38

ныккалдтой-иу ӕнаххос туг — сӕ лӕппутӕ ӕмӕ сӕ чызджыты туг. Нывондӕн сӕ хастой Ханааны мӕнгхуыцӕуттӕн, ӕмӕ зӕхх фӕчъизи кодтой тугӕй.

Рацыд 10:7

Фараонӕн йӕ дӕлдӕртӕ загътой: «Ацы лӕг ма нӕ бирӕ тухӕнӕй мардзӕн? Ауадз сӕ, ӕмӕ скувой Дунедарӕгмӕ, сӕ Хуыцаумӕ. Ау, Мысыр сӕфтмӕ кӕй ӕрцыд, уый нӕ уыныс?»

Рацыд 11:1

Дунедарӕг Моисейӕн загъта: «Ног бӕллӕх бафтаудзынӕн фараон ӕмӕ мысырӕгтыл, ӕмӕ уӕ уый фӕстӕ фараон ауадздзӕн ардыгӕй. Уыимӕ уӕ хуымӕтӕджы уагъд нӕ ракӕндзӕн, фӕлӕ уӕ асурдзӕн ӕвӕстиатӕй.

Рацыд 12:39

Мысырӕй цы хыссӕ рахастой, уымӕй афыхтой донгонд дзултӕ. Хыссӕйыл ӕнхъизӕн нӕ уыди, уымӕн ӕмӕ израилӕгты Мысырӕй сургӕ ракодтой, ӕмӕ сӕ фӕндагмӕ хӕринаг сцӕттӕ кӕныны бон нал фӕци.

Рацыд 6:1

Дунедарӕг Моисейӕн загъта: «Фендзынӕ, Ӕз фараонӕн цытӕ бакӕндзынӕн, уый. Мӕ къухы уӕз ыл ӕруадздзынӕн, ӕмӕ уӕд уый ауадздзӕнис израилӕгты. Мӕ хъомысджын къухы бын сӕ суанг сургӕ дӕр фӕкӕндзӕни йӕ зӕххӕй».

Исайа 52:12

Сындӕг-иу рацӕут, тындзгӕ цыдӕй нӕ, фӕлӕ. Ма-иу разгъорут, уымӕн ӕмӕ уыл разӕй дӕр ӕмӕ фӕсте дӕр ауддзӕни Дунедарӕг, Израилы Хуыцау.

Даниил 3:22

Паддзахы карз ныхасмӕ гӕсгӕ пец афтӕ ссырхзынг кодтой, ӕмӕ, Шадрах, Мешах ӕмӕ Авед-Негойы пецы размӕ чи бакодта, уыцы лӕгтӕ бавзалы сты.