Нымӕцтӕ 35:2 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

² «Зӕгъ израилӕгтӕн, цӕмӕй сӕ исбоны хӕйттӕй левиттӕн сахартӕ раттой цӕрынӕн, ӕмӕ сын уыцы сахарты алфамбылай быдыртӕ дӕр раттут.

Нымӕцтӕ 35:2 ပူးပေါင်းရင်းမြစ်များ

1 Азфыстытӕ 13:2

Израилы адӕмы ӕмбырдӕн загъта: «Кӕд разы стут ӕмӕ Дунедарӕгӕн, нӕ Хуыцауӕн, фӕндон у, уӕд ардӕм ӕрсидӕм, Израилы алы рӕтты нын чи баззад, уыцы ӕфсымӕртӕм, уыдонимӕ сӕ сахарты ӕмӕ сӕ уӕтӕрты цӕрӕг сауджынтӕ ӕмӕ левиттӕм дӕр,

2 Азфыстытӕ 11:14

Левиттӕ ныууагътой сӕ фосы хизӕнуӕттӕ, сӕ исбон ӕмӕ ӕрцыдысты Иудеймӕ, Йерусалиммӕ, уымӕн ӕмӕ сӕ Йоровам ӕмӕ йӕ фырттӕ Дунедарӕгӕн лӕггад кӕнын нал уагътой.

2 Азфыстытӕ 31:19

Аароны байзӕддӕгтӕй, сауджынтӕй, сӕ сахарты алыварс сын цы зӕххы хӕйттӕ уыд, уымыты чи цард, уыдоны тыххӕй алы сахары дӕр номхыгъдӕй снысан кодтой бӕрнон лӕгты, цӕмӕй хӕйттӕ уарой сауджынты бинонты нӕлгоймӕгтӕн ӕмӕ, левитты хӕдзарвӕндӕгты номхыгъдты фыст чи уыди, уыдонӕн.

Неемиа 13:10

Уымӕй уӕлдай ма базыдтон, левиттыл сӕ хай кӕй нӕ сӕмбӕлы ӕмӕ уымӕ гӕсгӕ левиттӕ ӕмӕ зарӕггӕнджытӕй алчи ам лӕггад кӕныны бӕсты йӕ хуымы куыст бакӕнынмӕ кӕй азгъордта, уый.

Езекиел 48:8

Иудӕйы хӕдзарвӕндаджы ӕмарӕн уыдзӕни уаз зӕххы хай; цӕгатӕй хуссарӕрдӕм йӕ уӕрх — фондз ӕмӕ ссӕдз мин ӕлмӕрины, йӕ дӕргъ та скӕсӕнӕй ныгуылӕнӕрдӕм — иннӕ зӕххы хӕйтты хуызӕн. Йӕ астӕу уыдзӕни Кувӕндон.

Нымӕцтӕ 35:1

Ӕмӕ загъта Дунедарӕг Моисейӕн Моавы быдырты, Иорданы раз, Йерихоны бакомкоммӕ:

Нымӕцтӕ 35:3

Сахартӕ сын цӕрынӕн уыдзысты, быдыртӕ та — сӕ фосӕн ӕмӕ сӕ царды алы хабӕрттӕн.

Фӕлхатгонд ӕгъдау 18:6

Израилы сахартӕй кӕцыфӕндыйы цӕрӕг левит дӕр, Дунедарӕг Йӕ номыл цы бынат равзӕрста, уырдӕм йӕ зӕрдӕйы фӕндонмӕ гӕсгӕ куы бацӕуа