Нымӕцтӕ 20:5 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

⁵ Цӕмӕн нӕ ракодтат Мысырӕй ацы ӕлгъыст ранмӕ, исты байтауӕн кӕм нӕй, легъуи, сӕнӕфсир, гранат кӕм нӕ зайы, уырдӕм? Дон дӕр дзы куы нӕй нуазынӕн!»

Нымӕцтӕ 20:5 ပူးပေါင်းရင်းမြစ်များ

Неемиа 9:21

Дыууиссӕдз азы сӕ фӕхастай ӕдзӕрӕг быдыры, хъуаг ницӕмӕй ӕййӕфтой. Сӕ дарӕс нӕ ихсыди, сӕ къӕхтӕ нӕ рӕсыдысты.

Йеремиа 2:2

Ацу ӕмӕ Йерусалимы хъӕлӕсыдзагӕй фехъусын кӕн: афтӕ зӕгъы Дунедарӕг: «Ӕз хъуыды кӕнын, де ’взонджы бонты Мыл куырдуаты бадӕг чызгау ӕнувыд кӕй уыдтӕ, уый, ӕдзӕрӕг быдырмӕ, ӕнӕконд зӕхмӕ, рацыдтӕ Мӕ фӕдыл.

Йеремиа 2:6

Дунедарӕджы не ’рцагуырдтой ӕмӕ афтӕ нӕ загътой: «Уый нӕ ракодта Мысыры зӕххӕй; ӕдзӕрӕг быдыры, ӕнӕдон ӕмӕ саудалынг бӕстӕйы, лӕджы къах кӕм никуы ’рлӕууыд ӕмӕ цӕрӕг кӕм нӕ уыди, уым-иу нӕ размӕ кодта».

Езекиел 20:36

Уӕ фыдӕлтӕн Мысыры ӕдзӕрӕг быдыры куыд тӕрхон кодтон, афтӕ тӕрхон кӕндзынӕн сымахӕн дӕр, — зӕгъы Дунедарӕг Хуыцау. —

Нымӕцтӕ 16:14

Кӕд нӕ, мыййаг, йӕ зӕххӕй ӕхсыр ӕмӕ мыд кӕмӕн хъары, уыцы бӕстӕм не ’рбакодтай ӕмӕ нын хуымгӕндтӕ ӕмӕ сӕндӕттӕ нӕ радтай! Афтӕ ӕнхъӕлыс, ӕмӕ адӕмыл цӕстытӕ нӕй? Нӕ дӕм бацӕудзыстӕм!»

Нымӕцтӕ 20:24

«Аарон хъуамӕ йӕ сыджытыл бафта. Меривайы раз Мӕ коммӕ кӕй нӕ бакастыстут, уый тыххӕй Аарон, Ӕз израилӕгтӕн кӕй дӕттын, уыцы зӕхмӕ нӕ бацӕудзӕн.

Нымӕцтӕ 27:14

Уымӕн ӕмӕ сымах Мӕ ныхасмӕ нӕ байхъуыстат Цины ӕдзӕрӕг быдыры, адӕм куы сызмӕстой, уӕд: цӕмӕй уыдон, Ӕз уаз кӕй дӕн, уый сӕхи цӕстӕй феной, уыцы суадоны был». (Уыцы суадон уыди Меривайы, Кадешы, Цины ӕдзӕрӕг быдыры.)

Фӕлхатгонд ӕгъдау 8:15

Уый уӕ ракодта, цӕст кӕуыл не ’ххӕссы, ахӕм тасӕфтауӕг ӕдзӕрӕг быдырыл, хус ӕмӕ ӕнӕдон зӕххыл, маргджын кӕлмытӕ ӕмӕ уырынгонты ӕхсӕнты, айнӕг къӕдзӕхы риуӕй уын дон рауагъта.