Нымӕцтӕ 15:29 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

²⁹ Иу уагӕвӕрд уӕм хъуамӕ уа, чи фӕрӕдийа, уыдонӕн: израилаг бынӕттон цӕрджытӕн дӕр ӕмӕ се ’хсӕн цӕрӕг ӕцӕгӕлӕттӕн дӕр.

Нымӕцтӕ 15:29 ပူးပေါင်းရင်းမြစ်များ

3 Паддзахӕдтӕ 8:41

Дӕ адӕмӕй, Израилӕй, чи нӕ уа, ахӕм исчи, ӕддагон, дард бӕстӕй Дӕ номы сӕраппонд куы ӕрбацӕуа, —

Рацыд 12:49

Уыцы иу ӕгъдау уӕм уӕд израилагӕн дӕр ӕмӕ, уе ’хсӕн ӕрцӕуӕггаг чи у, уымӕн дӕр».

Левит 16:29

Мӕнӕ уын мыггагмӕйы уагӕвӕрд: ӕвдӕм мӕйы дӕсӕм бон ком дарут, мачи уӕ мацы кусӕд: нӕдӕр бынӕттон цӕрӕг, нӕдӕр, уе ’хсӕн чи ӕрцӕра, уыцы ӕрцӕуӕггаг.

Левит 17:15

Хӕдмӕл фосы кӕнӕ, сырдтӕ кӕй ныттоной, уымӕн йӕ фыд чидӕриддӕр бахӕра — израилаг уа ӕви ӕрцӕуӕггаг — йӕ дарӕс-иу ныхсӕд ӕмӕ йӕхи цынайӕд. Изӕрмӕ уыдзӕн ӕнӕсыгъдӕг, уый фӕстӕ ссыгъдӕг уыдзӕн.

Левит 4:2

цӕмӕй израилӕгтӕн зӕгъа: «Исчи Дунедарӕджы фӕдзӕхстытӕй искӕцыйы сӕрты ӕнӕбары куы ахиза, цы не ’мбӕлы, ахӕм исты куы ракӕна,

Нымӕцтӕ 15:15

Ӕхсӕнады фӕтк иу у сымахӕн дӕр ӕмӕ ӕрцӕуӕггӕгтӕн дӕр. Уый уын — мыггагмӕйы уагӕвӕрд, ӕмӕ йӕ ӕххӕст кӕнут фыдӕй-фыртмӕ. Дунедарӕджы раз ӕрцӕуӕггаг дӕр хъуамӕ кӕна, сымах куыд кӕнут, афтӕ.

Нымӕцтӕ 15:28

Ӕгъдаумӕ гӕсгӕ ссыгъдӕг кӕнӕд сауджын Дунедарӕджы раз, ӕнӕбары чи фӕрӕдыд, уыцы адӕймаджы. Ссыгъдӕг ӕй кӕндзӕн ӕгъдаумӕ гӕсгӕ, ӕмӕ уыцы адӕймагӕн хатыргонд уыдзӕн йӕ тӕригъӕд.

Нымӕцтӕ 15:30

Фӕлӕ зонгӕ-зонын куы бакӕна тӕригъӕд ми адӕймаг, уӕд, бынӕттон цӕрӕг уа ӕви ӕрцӕуӕггаг, уый уымӕй Дунедарӕджы ӕфхӕры, ӕмӕ йӕ адӕмӕй фӕхъӕудзӕн.

Нымӕцтӕ 9:14

Уе ’хсӕн цӕрӕг ӕрцӕуӕггаджы куы фӕнда Дунедарӕджы Куадзӕн скӕнын, уӕд ӕй хъуамӕ Куадзӕны фӕтк ӕмӕ ӕгъдаумӕ гӕсгӕ скӕна — уыцы иу уагӕвӕрдтӕ уӕм хъуамӕ уа ӕцӕгӕлонӕн дӕр ӕмӕ бынӕттон цӕрӕгӕн дӕр».

Лука 12:48

Йӕ хицауы фӕндон чи нӕ зыдта, афтӕмӕй нады аккаг митӕ чи фӕкодта, уый та къаддӕр ӕфхӕрд баййафдзӕн. Хуыцау бирӕ кӕмӕн радта, уымӕй бирӕ ӕрдомдзӕн, йӕ бӕрны фылдӕр кӕмӕн бакодта, уымӕй фылдӕр ӕрцагурдзӕн.

Нуны фырт Йешуа 8:33

Адӕм иууылдӕр — бындурон цӕрӕг израилӕгтӕ ӕмӕ ӕрцӕуӕггӕгтӕ Израилы хистӕртимӕ, чапартимӕ, тӕрхонгӕнджытимӕ — лӕууыдысты Дунедарӕджы Фидыды Чырыны фӕйнӕфарс, Левийы байзӕддӕгты, Фидыды Чырын чи хаста, уыцы сауджынты акомкоммӕ. Адӕмы иу ӕмбис лӕууыди Геризимы хохы фахсыл, иннӕ ӕмбис та — Эвалы хохы фахсыл. Израилы адӕмӕн ахӕм арфӕ ракӕнын бафӕдзӕхста йӕ заманы Дунедарӕджы цагъар Моисей.