Нуны фырт Йешуа 3:3 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

³ ӕмӕ адӕмӕн бафӕдзӕхстой: «Сауджын левиттӕ Дунедарӕджы, уӕ Хуыцауы, Фидыды Чырын рахӕссынц, уый куы фенат, уӕд сымах дӕр уӕ бынатӕй фенкъуысут ӕмӕ йӕ фӕдыл араст ут.

Нуны фырт Йешуа 3:3 ပူးပေါင်းရင်းမြစ်များ

2 Паддзахӕдтӕ 6:13

Дунедарӕджы Фидыды Чырын чи хаста, уыдон-иу размӕ ӕхсӕз санчъехы куы акодтой, уӕд та-иу Давид нывондӕн ӕрхаста гал ӕмӕ хӕрзхаст род.

2 Паддзахӕдтӕ 6:3

Хуыцауы Фидыды Чырын сӕвӕрдтой ног уӕрдоныл ӕмӕ йӕ раластой Авинадавы хӕдзарӕй, уӕлкъуыбырӕй. Уӕрдон бакодтой Авинадавы фырттӕ Узза ӕмӕ Ахйойы бар. Фидыды Чырынӕн йӕ разӕй цыди Ахйо.

3 Паддзахӕдтӕ 8:3

Израилы хистӕртӕ куы ӕрӕмбырд сты, уӕд сауджынтӕ Фидыды Чырын се уӕхсчытӕм систой.

Йеремиа 33:18

Сауджын левиттӕ кӕддӕриддӕр Мӕ разы иууылсудзинӕгтӕ ӕмӕ ӕрвылбоны нывӕндтӕ хӕсдзысты, хойраджы хуынтӕ Мын судздзысты».

Нымӕцтӕ 10:33

Араст сты Дунедарӕджы хохӕй ӕмӕ ӕртӕ боны фӕцыдысты. Дунедарӕджы Фидыды Чырын ӕртӕ бонцауы раздӕр цыди сӕ разӕй, цӕмӕй сын, ӕхсӕв кӕм ӕрлӕууой, уыцы бынӕттӕ амона.

Нымӕцтӕ 4:15

Фӕндагмӕ уӕхи куы рӕвдз кӕнат, уӕд уал раздӕр Аарон ӕмӕ йӕ фырттӕ Цатыр ӕмӕ йӕ уаз дзауматӕ иууылдӕр ӕрӕмбӕрзӕнт, ӕмӕ сӕм ӕрмӕстдӕр уый фӕстӕ Кехаты фырттӕ хӕссынмӕ бацӕуӕнт: уаз дзауматӕй сын андзӕвӕн ницӕуыл ис, науӕд амӕлдзысты. Фембӕлды Цатыры уаз дзауматӕ хӕссын у Кехаты фыртты хӕс.

Матфей 16:24

Уӕд Йесо Йӕ ахуыргӕнинӕгтӕн загъта: «Мӕ фӕдыл цӕуын кӕй фӕнды, уый йӕхи ферох кӕнӕд, райсӕд йӕ дзуар ӕмӕ рацӕуӕд Мӕ фӕдыл.

Матфей 8:19

Уӕд Ӕм иу динамонӕг бацыд ӕмӕ Йын загъта: «Ахуыргӕнӕг, Ды кӕдӕмфӕнды куы цӕуай — ӕз дӕр ацӕудзынӕн Дӕ фӕдыл».

Фӕлхатгонд ӕгъдау 31:25

уӕд загъта левиттӕн, Дунедарӕджы Фидыды Чырын хӕсджытӕн:

Фӕлхатгонд ӕгъдау 31:9

Моисей ныффыста уыцы Ӕгъдау ӕмӕ йӕ, Дунедарӕджы Фидыды Чырын чи хаста, уыцы сауджынтӕм, Левийы байзӕддӕгтӕм, стӕй Израилы хистӕртӕм радта.

Нуны фырт Йешуа 3:4

Афтӕмӕй, кӕуылты уын цӕугӕ у, уый базондзыстут, уымӕн ӕмӕ ныронг ацы фӕндагыл никуыма цыдыстут. Уӕвгӕ, сымах Чырынӕй хъуамӕ уат дыууӕ мин ӕлмӕрины дарддӕр — ӕгӕр ӕм ма баввахс ут».

Нуны фырт Йешуа 3:6

Сауджынтӕн дӕр бафӕдзӕхста: «Фидыды Чырын сисут ӕмӕ адӕмӕн сӕ разӕй цӕугӕут». Сауджынтӕ систой Фидыды Чырын ӕмӕ адӕмӕн сӕ разӕй ӕрлӕууыдысты.

Нуны фырт Йешуа 3:8

Чырынхӕссӕг сауджынтӕ куыддӕр Иорданы донмӕ бахизой, афтӕ-иу сӕ ӕрлӕууын кӕн».

Нуны фырт Йешуа 4:10

Чырын хӕссӕг сауджынтӕ Иорданы бӕстастӕу лӕууыдысты, Дунедарӕг Йешуайы дзыхӕй адӕмӕн цытӕ бафӕдзӕхста, уыдӕттӕ иууылдӕр цалынмӕ ӕххӕстгонд ӕрцыдысты, уӕдмӕ. Ахӕм уыди Моисейы фӕдзӕхст дӕр Йешуайӕн. Адӕм тагъд-тагъд ахызтысты доны фаллаг фарсмӕ.

Нуны фырт Йешуа 6:6

Адӕмӕн та загъта: «Цӕут ӕмӕ сахары алыварс ӕрзилут! Хотыхджынты раззаг къорд Дунедарӕджы Фидыды Чырыны разӕй цӕуӕд».

Ӕргомад 14:4

Уыдон сӕхи нӕ фӕчъизи кодтой сылгоймӕгтӕй, уымӕн ӕмӕ сылгоймаджы хъӕстӕ нӕ фесты. Уӕрыкк кӕдӕм цӕуы, уыдон дӕр уырдӕм цӕуынц Йӕ фӕдыл. Уыдоны балхӕдӕуыд адӕмы ’хсӕнӕй ӕмӕ сӕ Хуыцауӕн ӕмӕ Уӕрыккӕн снывонд чындӕуыд хоры сӕрау.

1 Паддзахӕдтӕ 6:15

Уый размӕ левиттӕ уӕрдонӕй ӕристой Дунедарӕджы Фидыды Чырын ӕмӕ йемӕ цы сыгъзӕрин дзауматы къопп уыд, уый ӕмӕ сӕ стыр дурыл ӕрӕвӕрдтой. Уыцы бон Бет-Шемешы адӕм Дунедарӕгӕн иууылсудзинаг нывӕндтӕ ӕрхастой ӕмӕ Йын Йӕ номыл кусӕрттӕ фӕкодтой.