Неемиа 13:15 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

¹⁵ Уыцы бонты ӕз федтон: сабаты Иудейы сӕн дыгътой, куыристӕ ластой ӕмӕ хӕрджытыл сӕн, сӕнӕфсир, легъуи ӕмӕ ӕндӕр уӕргътӕ ӕвӕрдтой. Сабаты ӕппӕт уыдӕттӕ Йерусалиммӕ ластой. Тӕккӕ уыцы бон сын ӕз карзӕй загътон, цӕмӕй сабаты мацы уӕй кӕной.

Неемиа 13:15 ပူးပေါင်းရင်းမြစ်များ

2 Азфыстытӕ 24:19

Уый сӕм Йӕ пехуымпарты ӕрвыста, цӕмӕй сӕ фӕстӕмӕ Дунедарӕгмӕ раздахой, ӕмӕ-иу пехуымпартӕ сӕ ныхмӕ дзырдтой, фӕлӕ сӕм уыдон нӕ хъуыстой.

Неемиа 10:31

ӕцӕгӕлон адӕмтӕ исты уӕй кӕнынмӕ ӕрбаластой сабаты, зӕгъгӕ, уӕд сын дзы сабаты дӕр ӕмӕ бӕрӕгбоны дӕр кӕй не ’лхӕндзысты; цыфӕнды хӕс ма уӕд, ӕвдӕм аз-иу ӕй сӕ хӕсджынӕн кӕй ныббардзысты, стӕй ма — ӕвдӕм аз зӕххӕн улӕфыны фадат кӕй дӕтдзысты, уый тыххӕй.

Неемиа 10:32

Ноджы ма нӕхицӕн фӕткыл банымадтам, нӕ Хуыцауы хӕдзар хъуаг цӕмӕй ӕййафа, уыдӕттӕн афӕдз шекелы ӕртыккаг хай дӕттын:

Неемиа 13:16

Иудейы цӕрӕг тирӕгтӕ дӕр ластой кӕсаг ӕмӕ ӕндӕр уӕййӕгтӕ ӕмӕ сӕ сабатбон уӕй кодтой Иудейы ӕмӕ Йерусалимы цӕрджытӕн.

Неемиа 13:21

Ӕз сын рагацау фӕдзӕхстон, дзӕгъӕлы ӕхсӕвиуат кӕнут къулы рӕбын, зӕгъгӕ. Искуы ма афтӕ куы бакӕной, уӕд тӕрхоны раз кӕй ӕрлӕудзысты, уымӕй сын зӕрдӕ бавӕрдтон. Уӕдӕй фӕстӕмӕ сабаты никуыуал ӕрбацыдысты.

Неемиа 9:29

Фӕдзӕхстай сӕ, цӕмӕй сӕ Де ’Гъдаумӕ раздахай, фӕлӕ-иу уыдон хиваст уыдысты ӕмӕ нӕ хъуыстой Дӕ фӕдзӕхстытӕм, афтӕмӕй та Дӕ уагӕвӕрдтӕ, чи сӕ ӕххӕст кӕны, уыдонӕн царддӕттӕг сты. Хиваст ӕмӕ нӕсӕттон уыдысты, хъусын сӕ нӕ фӕндыди.

Иовы чиныг 39:12

Дӕ хор дын ӕрӕмбырд кӕндзӕни ӕмӕ йӕ мусы бафснайдзӕни, ууыл баууӕнддзынӕн?

Псаломтӕ 50:7

Тӕригъӕдджынӕй райгуырдтӕн, тӕригъӕдджынӕй сӕвзӕрдтӕн мӕ мады гуыбыны.

Рацыд 31:12

Дунедарӕг Моисейӕн бафӕдзӕхста:

Рацыд 31:16

Израилӕгтӕ ӕххӕст кӕнӕнт сабаты уагӕвӕрдтӕ, бӕрӕг кӕнӕнт сабаты бӕрӕгбон фӕлтӕрӕй-фӕлтӕрмӕ. Уый уӕд мыггагмӕйы нысан Мӕн ӕмӕ уыдоны ’хсӕн. Уымӕн ӕмӕ Дунедарӕг ӕхсӕз бонмӕ сфӕлдыста арв ӕмӕ зӕхх, ӕвдӕм бон та ӕрӕнцад Йӕ алы куыстӕй ӕмӕ улӕфыд».

Рацыд 34:21

Ӕхсӕз боны дӕргъы кусут, ӕвдӕм бон та баулӕфут. Хуымгӕнӕнтӕ уой ӕви хуымгӕрдӕнтӕ — уӕ куыст-иу бауромут.

Рацыд 35:2

Ӕхсӕз боны дӕргъы кусут, ӕвдӕм бон та уын уӕд уаз ӕнцойбон, сабат, Дунедарӕгӕн — уаз. Уыцы бон чидӕриддӕр бакуса, уый мард ӕрцӕудзӕн.

Ӕмбисӕндтӕ 28:4

Хуыцауы ӕгъдау чи ферох кодта, уыдон ӕнӕхуыцӕуттӕй феппӕлынц, фӕлӕ, Хуыцауы ’гъдау чи хъахъхъӕны, уыдон сӕ ныхмӕ тох кӕнынц.

Исайа 58:13

Дунедарӕг зӕгъы: «Сабат Мӕ уаз бон кӕй у, уый уӕ макуы ферох уӕд, ӕмӕ йӕ нымайут. Нымайут ӕй цытджын бӕрӕгбоныл ӕмӕ уӕхиуыл хӕцут, сабатбон мацы хъуыддаг кӕнут. Кад ын скӕндзыстут уымӕй дӕр, стӕй, уыцы бон уӕ алы зӕрдиаг фӕндтӕ куы аиргъӕват, ноджы ма ӕдзӕлгъӕд ныхӕстӕ дӕр куынӕ кӕнат, уӕд.

Йеремиа 17:24

Куы Мӕм байхъусат, — зӕгъы Дунедарӕг, — ӕмӕ сабаты ацы сахары кулдуӕртты уылты куы ницы хӕссат, сабат уын уаз куы уа ӕмӕ уыцы бон ӕппындӕр куы ницы кусат, уӕд, Давиды бадӕны цы паддзӕхтӕ сбадынц, уыдон, уӕздӕттӕ, стӕй Иудей ӕмӕ Йерусалимы иннӕ цӕрджытӕ бӕхтӕ ӕмӕ бӕхуӕрдӕттыл кӕддӕриддӕр ацы сахары кулдуӕртты уылты цӕудзысты, сахар та лӕудзӕни мыггагмӕ.

Йеремиа 17:27

Куынӕ Мӕм байхъусат, сабатбон уын уаз куынӕ уа ӕмӕ уыцы бон Йерусалимы кулдуарыл уӕ уӕргътимӕ куы цӕуат, уӕд Ӕз ацы кулдуар басудздзынӕн, ӕмӕ уыцы ӕнӕ ахуысгӕ арт Йерусалимы галуантӕ иууылдӕр бабын кӕндзӕн».

Йеремиа 42:19

Иудӕйы байзӕддӕгтӕ, Дунедарӕг уын афтӕ зӕгъы: «Ма ацӕут Мысырмӕ». Зонут: уый уын ӕз абон рагацау фӕдзӕхсын.

Езекиел 20:13

Фӕлӕ Израилы адӕм ӕдзӕрӕг ран Мӕ ныхмӕ фесты. Мӕ уагӕвӕрдтӕ Мын не ’ххӕст кодтой, Мӕ амындтытыл Мын суӕлӕхох сты, афтӕмӕй та уыдон, чи сӕ ӕххӕст кӕны, уымӕн цард дӕттынц. Фӕчъизи Мын кодтой Мӕ сабӕттӕ, ӕмӕ Ӕз загътон, ӕдзӕрӕг ран сыл Мӕ азар ныххуырсдзынӕн ӕмӕ сӕ бабын кӕндзынӕн, зӕгъгӕ.

Амос 8:5

Сымах дзурут: «Мӕйноджы бӕрӕгбон куы фӕуа, уӕд та хор уӕй кӕндзыстӕм, сабаты фӕстӕ байгом кӕндзыстӕм нӕ хордӕттӕ. Ефӕйы уӕз та фӕкъаддӕр кӕндзыстӕм, шекелы аргъ фӕфылдӕр кӕндзыстӕм, раст чи нӕ бары, ахӕм барӕнтӕй адӕмы фӕливдзыстӕм.

Михей 6:3

Мӕ адӕм, цы уын кодтон? Цавӕр маст уӕ бауагътон? Дзуапп Мын раттут.

Апостолты хъуыддӕгтӕ 2:40

Петр сын дзырдта бирӕ ӕндӕр ныхӕстӕ ӕмӕ сӕм сидти: «Уӕхи бахизут ацы хӕлд фӕлтӕримӕ фесӕфынӕй».

Апостолты хъуыддӕгтӕ 20:21

Иудейӕгтӕм дӕр ӕмӕ муртаттӕгтӕм дӕр сидтӕн Хуыцауы раз сӕ тӕригъӕдтыл ӕрфӕсмон кӕнынмӕ ӕмӕ нӕ Бардарӕг Йесойыл ӕууӕндынмӕ.

Галатӕгтӕм 5:3

Сунӕт чидӕриддӕр кӕны, уыдонӕн ма ноджы иу хатт зӕгъын: Ӕгъдау уын ӕнӕхъӕнӕй ӕххӕстгӕнинаг у.

Эфесӕгтӕм 4:17

Уымӕ гӕсгӕ уын зӕгъын ӕмӕ Бардарӕджы номӕй фӕдзӕхсын, цӕмӕй мауал цӕрат, муртаттӕгтӕ сӕ рӕузонды аххосӕй куыд цӕрынц, афтӕ.

Фӕлхатгонд ӕгъдау 8:19

Сымах Дунедарӕджы, уӕ Хуыцауы, куы ферох кӕнат ӕмӕ ӕндӕр хуыцӕутты фӕдыл куы адзӕгъӕл уат, уӕд, кӕй бабын уыдзыстут, уый уын ӕз абон рагацау зӕгъын.

1 Фессалоникӕгтӕм 4:6

Хуыцауы фӕнды, цӕмӕй сымахӕй уыцы хъуыддаджы йе ’фсымӕры тӕригъӕды мачи бацӕуа ӕмӕ йӕ ма асайа йӕхи пайдайӕн. Уымӕн ӕмӕ уын мах раздӕр куыд дзырдтам ӕмӕ уӕ рагацау куыд фӕдзӕхстам, афтӕ ӕппӕт уыдӕтты тыххӕй адӕймаг ӕфхӕрд баййафдзӕн.