Лука 9:38 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

³⁸ Се ’хсӕнӕй Йӕм чидӕр рахъӕр кодта: «Ахуыргӕнӕг, уый курӕг Дӕ дӕн, ӕмӕ мын баххуыс кӕн мӕ фыртӕн, иунӕг хъӕбул мын у!

Лука 9:38 ပူးပေါင်းရင်းမြစ်များ

Райдиан 44:20

Мах не ’лдарӕн дзуапп радтам, зӕгъгӕ, ис нын зӕронд фыд, уымӕн та ма — кӕстӕр фырт, йӕ зӕры бонты йын райгуырди. Лӕппуйӕн йе ’фсымӕр мард у, ӕмӕ ма мады зӕнӕгӕй иунӕг уый баззади. Нӕ фыд ыл ӕнувыд у.

Захариа 12:10

Ӕз Давиды байзӕддӕгтӕн ӕмӕ Йерусалимы цӕрджытӕн тӕригъӕдгӕнаг ӕмӕ кувӕг зӕрдӕтӕ ратдзынӕн. Кӕй барӕхуыстой, Уымӕ скӕсдзысты ӕмӕ Йыл, иунӕг фырты, фыццаггуырды мардыл куыд фӕхъыг кӕнынц, афтӕ ныккӕудзысты.

Матфей 15:22

Уым Йӕ размӕ рацыди уырдыгон ханаанаг сылгоймаг ӕмӕ Йӕм хъӕр кодта: «Батӕригъӕд мын кӕн, Бардарӕг, Давиды Фырт! Мӕ чызг хӕйрӕджджын сси, ӕмӕ йӕ удхарӕй марынц».

Лука 7:12

Сахары кулдуармӕ куы баввахс ис, уӕд дзы мард рацӕйхастой — идӕдз усы иунӕг лӕппуйы. Сылгоймагимӕ сахарӕй рацыди бирӕ адӕм.

Лука 9:37

Дыккаг бон хохӕй куы ӕрцыдысты, уӕд Йесойы размӕ рацыд бирӕ адӕм.

Лука 9:39

Дӕлимоны ахӕсты ис ӕмӕ ӕваст ныцъцъӕхахст кӕны, йӕ гӕндзӕхтӕ ныццӕгъды, ӕмӕ йӕ комӕй фынк акӕлы. Дӕлимон ӕй хъизӕмарӕй мары, йӕхи адыл ӕй нӕ уадзы.

Иоанн 4:47

Ӕмӕ уыцы лӕг, Йесо Иудейӕ Галилеймӕ кӕй ацыди, уый куы фехъуыста, уӕд Ӕм бахӕццӕ ис ӕмӕ Йын лӕгъстӕ кодта, мӕ фырт мӕлӕты къахыл лӕууы, ӕрцу ӕмӕ мын ӕй сдзӕбӕх кӕн, зӕгъгӕ.