Левит 27:26 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

²⁶ Фосы фыццаг цӕуӕт Дунедарӕгӕн снывонд кӕнын никӕй бон у, уымӕн ӕмӕ фыццаггуырдтӕ афтӕ дӕр Йӕ исбон сты. Гал уа ӕви фыс — Дунедарӕджы исбон у.

Левит 27:26 ပူးပေါင်းရင်းမြစ်များ

4 Паддзахӕдтӕ 7:5

Изӕрмилты араст сты сириӕгты асадӕны ’рдӕм. Йӕ дӕлбазырмӕ куы бахӕццӕ сты, уӕд дын кӕсынц, ӕмӕ дзы цъиуызмӕлӕг дӕр нӕ.

Неемиа 10:36

Ноджы ма нӕ Хуыцауы хӕдзары лӕггадгӕнӕг сауджынты къухмӕ хъуамӕ, Ӕгъдаумӕ гӕсгӕ, раттӕм нӕ хистӕр фыртты, стӕй нӕ стурвос ӕмӕ фысвосы сӕртӕ.

Рацыд 13:2

«Израилӕгты алы фыццаг цӕуӕт дӕр нывонд кӕнут Мӕнӕн — ныййарӕг мады хистӕр фырт дӕр ӕмӕ фосы фыццаг нӕлтӕ дӕр Мӕн сты».

Рацыд 22:30

Афтӕ — уе стуртӕ ӕмӕ лыстӕг фосы зӕйц дӕр: авд боны-иу фӕуӕнт сӕ мадӕлты раз фыццаг нӕл род ӕмӕ фыццаг нӕл уӕрыкк, ӕстӕм бон сӕ Мӕнӕн ратт.

Левит 27:27

Фӕлӕ ӕнӕсыгъдӕг фосы фыццаг цӕуӕт фӕстӕмӕ балхӕнӕн уыдзӕн, нысангонд аргъмӕ ма йӕ фӕндзӕм хай бафтаугӕйӕ. Фӕстӕмӕ ӕлхӕд куынӕ ӕрцӕуа, уӕд та йӕ нысангонд аргъыл ауӕй кӕнын хъӕудзӕн.

Нымӕцтӕ 18:17

Фӕлӕ стурвос ӕмӕ фысвосы фыццаг цӕуӕты ныхмӕ мацы ис — уаз сты уыдон. Сӕ туг-иу сын бапырх кӕн нывондхӕссӕныл, сӕ фиу-иу сын ӕрхӕсс арты нывондӕн, Дунедарӕгӕн ӕхцон хӕрздӕфӕн.

Нымӕцтӕ 3:13

Уымӕн ӕмӕ Мӕн у алы фыццаг зӕнӕг дӕр. Мысыры алы фыццаг цӕуӕты куы ныццагътон, уӕд Мӕхицӕн рахицӕн кодтон Израилы алы фыццаг цӕуӕты дӕр — адӕймагӕй фосы онг. Мӕн сты уыдон. Ӕз — Дунедарӕг».

Фӕлхатгонд ӕгъдау 15:19

Де стуртӕ ӕмӕ дӕ фысвосӕн сӕ фыццаг цӕуӕт кӕддӕриддӕр нывонд кӕн Дунедарӕгӕн, дӕ Хуыцауӕн. Фыццаг гайлаг кусынӕн нӕу, фыццаг фыры ӕлвынӕн нӕй.