Хъарӕг 3:66 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

⁶⁶ О Дунедарӕг, зил сӕ фӕдыл, бынысӕфт сӕ фӕкӕн! Сӕ кой дӕр мауал уӕд Дӕ арвы бын!

Хъарӕг 3:66 ပူးပေါင်းရင်းမြစ်များ

4 Паддзахӕдтӕ 14:27

Ӕмӕ Дунедарӕджы нӕ бафӕндыд Израилы ном арвы бынӕй бынтондӕр сыскъуынын, ӕмӕ сӕ фервӕзын кодта Йоашы фырт Йеровоамы фӕрцы.

Псаломтӕ 35:5

Суанг йӕ хуыссӕны дӕр аразы фыдвӕндтӕ.

Псаломтӕ 35:6

О Дунедарӕг! Дӕ хорзӕх хӕццӕ кӕны уӕлӕрвтӕм, Дӕ иузӕрдиондзинад — ӕврӕгъты онг!

Псаломтӕ 73:15

Ды айгӕрстай фӕндаг донгуырӕнтӕн ӕмӕ суадӕттӕн, Дӕ хъомысӕй стыр цӕугӕдӕттӕ байсыстысты.

Псаломтӕ 8:3

Чысыл сабитӕ ӕмӕ дзидзидайтӕн сыстауын кодтай Дӕхи, Де знӕгтӕн Ды равдыстай Дӕ хъару, цӕмӕй фыдгултӕ базоной сӕ бон.

Исайа 66:1

Афтӕ зӕгъы Дунедарӕг: «Уӕларв Мӕ бадӕн у, зӕхх — Мӕ къӕхтӕвӕрӕн. Цавӕр хӕдзар Мын хъуамӕ саразат сымах? Кӕм ис Мӕн аккаг ӕрӕнцайӕн бынат?

Йеремиа 10:11

Зӕгъут сын: «Арв ӕмӕ зӕхх цы гуымирытӕ не сфӕлдыстой, уыдон фӕдӕлдзӕх уыдзысты».

Йеремиа 15:15

О Дунедарӕг, Ды алцыдӕр зоныс! Ӕрымыс мӕ, ӕркӕс мӕм, мӕ сурджытӕй мын мӕ маст райс! Ды бирӕбыхсаг дӕ, ма мӕ фесаф; Дӕ сӕраппонд хынджылӕггаг кӕй сдӕн, уый зоныс.

Хъарӕг 3:43

Дӕ маст ссыгъд, ӕмӕ нӕ сурыс, ӕгъатырӕй нӕ сафыс!

Осиа 8:3

Израилӕн хорздзинад бӕсты нӕ цӕуы, ӕмӕ знаг зилдзӕни йӕ фӕдыл.

Фӕлхатгонд ӕгъдау 25:19

Дунедарӕг, уӕ Хуыцау, сымах куы фервӕзын кӕна уӕ алыварс знӕгтӕй ӕмӕ уын исбонӕн кӕй радта, уыцы зӕххыл уӕ куы ’рбынӕттон кӕна, уӕд-иу уӕ ма ферох уӕнт амалекӕгтӕ — сӕ кой дӕр-иу сын фесафут зӕххыл.

Фӕлхатгонд ӕгъдау 29:20

Ахӕм адӕймагӕн Дунедарӕг нӕ ныххатыр кӕндзӕн, Йӕ маст пиллон артау ссудздзӕн уыцы адӕймагмӕ, ацы чиныджы ӕлгъыстытӕ йыл ӕрцӕудзысты, ӕмӕ арвы бын йӕ кой дӕр нал фӕзындзӕн.

Фӕлхатгонд ӕгъдау 7:24

Сӕ паддзӕхты уын уӕ къухмӕ ратдзӕн, ӕмӕ сын сӕ кой дӕр фесафдзыстут арвы бынӕй. Ничи фӕлӕудзӕн уӕ ныхмӕ, се ’ппӕты дӕр ныццӕгъддзыстут.