Исайа 49:17 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

¹⁷ Дӕ цӕрджытӕ дӕм батагъд кӕндзысты, цӕмӕй дӕ ног саразой, дӕ халджытӕ ӕмӕ дӕ гӕныстонгӕнджытӕ та ацӕудзысты, сӕхи дӕ айсдзысты.

Исайа 49:17 ပူးပေါင်းရင်းမြစ်များ

Езра 1:5

Уыйадыл Иудӕйы хӕдзарвӕндаджы ӕмӕ Бениамины хӕдзарвӕндаджы мыггӕгты хистӕртӕ, сауджынтӕ ӕмӕ левиттӕ, Хуыцау кӕй сразӕнгард кодта, уыдонӕй алчидӕр ацыд ӕмӕ февнӕлдта, Йерусалимы чи ис, Дунедарӕджы уыцы хӕдзар аразынмӕ.

Неемиа 2:17

Загътон сын, цы бӕллӕхы бахаудтам, уый уӕхӕдӕг уынут, зӕгъгӕ: Йерусалим гӕныстон фӕци, йӕ кулдуӕрттӕ арты хай баисты. Уӕдӕ бавдӕлӕм, ӕмӕ йын йӕ къул самайӕм, цӕмӕй нырау ӕгад мауал уӕм фидӕны.

Псаломтӕ 137:3

Цы бон Дӕм скуывтон, уыцы бон мын дзуапп радтай, ныфс бауагътай мӕ зӕрдӕйы.

Исайа 10:6

Ассириӕгты арвитдзынӕн ӕнӕхуыцау адӕмы, Мӕ маст кӕмӕ ссыгъди, уыдоны ныхмӕ — уадз ӕмӕ сӕ бастигъой, сафтид сӕ кӕной, уынгты рыгау сӕ бассӕндой.

Исайа 37:18

Ӕцӕгдӕр, о Дунедарӕг, Ассирийы паддзӕхтӕ ныггӕныстон кодтой ӕппӕт ацы бӕстӕтӕ,

Исайа 49:19

Дӕ хӕлддзӕгтӕ, дӕ заууаты зӕхх ныр фӕкъуындӕг уыдзысты уыдонӕн, дӕ гӕныстонгӕнджытӕн та дӕ арӕнтыл сӕ кой, сӕ хъӕр дӕр нал уыдзӕн.

Исайа 51:13

Цӕмӕн ферох кодтат Дунедарӕджы, уе Скӕнӕджы, уӕлӕрвтӕ Чи айтыгъта ӕмӕ зӕхх Чи сарӕзта, Уый? Фыр тӕссӕй цы ризут тыхгӕнджыты раз, цы сӕ бон у, цы уын ракӕндзысты? Уадз ӕмӕ абухой!

Исайа 60:4

Афӕлгӕс-ма алырдӕм! Адӕмтӕ се ’ппӕт дӕр ӕмбырдтӕ кӕнынц, ӕрбацӕуынц дӕм. Дӕ фырттӕ дӕм ӕрбацӕуынц дардӕй, сӕ хъӕбысы ӕрбахӕссынц дӕ чызджыты.

Исайа 62:5

Лӕппу чызгимӕ куыд баиу вӕййы, афтӕ баиу уыдзӕни демӕ дӕ Саразӕг, усгур йӕ усагыл куыд бацин кӕны, афтӕ дыл бацин кӕндзӕни дӕ Хуыцау.

Езекиел 28:24

Ӕмӕ уӕдӕй фӕстӕмӕ Израилы адӕмӕн нал уыдзӕни, рӕхойӕг какон сындзау, бӕхсындзау ӕй чи тыхсын кӕна ӕмӕ йыл ӕлгъ чи кӕна, ахӕм сыхӕгтӕ“. Ӕмӕ уӕд базондзысты, Ӕз Дунедарӕг Хуыцау кӕй дӕн, уый».

Езекиел 36:10

Сымахыл ӕрцӕрын кӕндзынӕн бирӕ адӕм — ӕппӕт израилӕгты. Уыдон сахарты ӕрцӕрдзысты ӕмӕ хӕлддзӕгтӕ рацараздзысты.