Исайа 37:2 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

² Йӕ галуаны бӕрнылӕг Елиакимы, нымӕрдар Шевнайы ӕмӕ хистӕр сауджынты, сӕ уӕлӕ сӕхъистӕ, афтӕмӕй арвыста Амоцы фыртмӕ, пехуымпар Исайамӕ.

Исайа 37:2 ပူးပေါင်းရင်းမြစ်များ

4 Паддзахӕдтӕ 18:18

Паддзахмӕ фӕдзурын кодтой, фӕлӕ сӕм йӕ бӕсты рацыдысты йӕ галуаны уагдар Елиаким, Хилкиайы фырт, нымӕрдар Шевна ӕмӕ фидиуӕг Йоах, Асафы фырт.

4 Паддзахӕдтӕ 19:2

Йӕ галуаны уагдар Елиаким, нымӕрдар Шевна ӕмӕ хистӕр сауджынты, сӕ уӕлӕ сӕхъистӕ, афтӕмӕй арвыста пехуымпар Исайамӕ, Амоцы фыртмӕ.

2 Азфыстытӕ 20:20

Сӕумӕцъӕхӕй Текоайы ӕдзӕрӕг быдыры ’рдӕм сӕ фӕндаг адардтой. Куы рацӕйцыдысты, уӕд Иосафат сыстади ӕмӕ загъта: «Ӕрбайхъусут мӕм, Иудей ӕмӕ Йерусалимы цӕрджытӕ! Ӕууӕндут Дунедарӕгыл, уӕ Хуыцауыл, ӕмӕ нӕ фӕцуддзыстут! Ӕууӕндут Ын Йӕ пехуымпартыл ӕмӕ ӕнтыстджын уыдзыстут!»

Естер 4:1

Мардохей хабар куы фехъуыста, уӕд адӕргӕй йӕ дарӕс арӕдывта фӕйнӕрдӕм, йӕ буар бызгъуыртӕй ӕрбамбӕрзта, рыджы йӕхи сӕвдылдта ӕмӕ, бон ӕм арвы рухс нал зынди, афтӕмӕй, хъӕрӕй ӕрдиаггӕнгӕ, сахары уынгты азгъордта.

Исайа 1:1

Дунедарӕг Хуыцау иудейаг паддзӕхтӕ Озиа, Иотам, Ахаз ӕмӕ Езекиайы заманты Иудей ӕмӕ Йерусалимы сомбоны фӕдыл Амоцы фырт Исайайӕн рагагъоммӕ кӕй равдыста, уыцы цӕстылуайӕнтӕ.

Исайа 20:2

раст уыцы заман Дунедарӕг Амоцы фырт Исайайӕн бафӕдзӕхста: «Дӕ сӕхъис пӕлӕз ӕмӕ дӕ дзабыртӕ ралас». Исайа раласта йӕ пӕлӕз ӕмӕ йӕ дзабыртӕ ӕмӕ бӕгънӕг-бӕгъӕввадӕй цыди.

Исайа 22:12

Дунедарӕг, Уӕларвӕфсады Бардарӕг, сымахӕн фӕдзӕхста, цӕмӕй уыцы бон сау дарат ӕмӕ дзыназат, уӕ сӕрыхил алвынат ӕмӕ уӕ уӕлӕ сӕхъис скӕнат.

Исайа 22:15

Дунедарӕг, Уӕларвӕфсады Бардарӕг, загъта: «Бацу-ма уыцы Шевнамӕ, паддзахы галуаны фӕткдармӕ, ӕмӕ йын зӕгъ,

Исайа 22:20

Дунедарӕг загъта: «Уыцы бон Ӕз фӕсиддзынӕн Мӕ цагъар Елиакиммӕ, Хилкиайы фыртмӕ,

Исайа 36:3

Уырдӕм ӕм рацыдысты Хилкиайы фырт Елиаким — паддзахы галуаны бӕрнон, Шевна — нымӕрдар, Асафы фырт Йоах — азфыссӕг.

Исайа 37:14

Езекиа минӕвӕртты къухӕй фыстӕг райста ӕмӕ йӕ бакаст. Уый фӕстӕ Дунедарӕджы хӕдзармӕ бацыд ӕмӕ йӕ Дунедарӕджы раз райхӕлдта.

Исайа 37:21

Амоцы фырт Исайа арвыста Езекиамӕ, цӕмӕй йын рафӕзмой Дунедарӕджы, Израилы Хуыцауы, ныхӕстӕ: «Ды Мӕм ӕххуысагур скуывтай Ассирийы паддзах Санхерибы ныхмӕ,

Исайа 38:1

Уыцы бонты Езекиа фӕци мӕлӕтдзаг рынчын. Амоцы фырт, пехуымпар Исайа йӕм ӕрбацыд ӕмӕ загъта: «Дунедарӕг дын фӕдзӕхсы, дӕ хӕдзаронтӕн, дам, ныууадз ныстуан, уымӕн ӕмӕ мӕлӕтдзаг низӕй нал сдзӕбӕх уыдзынӕ».

Иоел 1:13

Сауджынтӕ, уӕ уӕлӕ сӕхъис скӕнут ӕмӕ дзыназут! Додой кӕнут, нывондхӕссӕны лӕггадгӕнджытӕ! Ӕрбацӕут, мӕ Хуыцауы лӕггадгӕнджытӕ, сӕхъисты арвитут уе ’хсӕв! Уымӕн ӕмӕ уӕ Хуыцауы хӕдзармӕ сӕн ӕмӕ хойраджы хуынтӕ нал хӕссынц!