Исайа 33:11 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

¹¹ Хосӕнхъӕлӕй хъӕмп ныййардзыстут. Уӕхи комулӕфт уын артау уӕхи басудздзӕн.

Исайа 33:11 ပူးပေါင်းရင်းမြစ်များ

Иовы чиныг 15:35

Ахӕм адӕймаг йӕ зӕрдӕйы бын фыдбылыз хӕссы, аргӕ бӕллӕх кӕны, йӕ мидӕг ӕрмӕстдӕр мӕнгарддзинад ӕвзӕры».

Псаломтӕ 2:1

Цӕмӕн змӕнтынц адӕмтӕ, кӕмӕй ницы рауайдзӕн, ахӕм фӕнд цӕмӕн нывӕндынц дзыллӕтӕ?

Псаломтӕ 7:14

Райсы мӕлӕтхӕссӕг гӕрзтӕ, ӕрцӕттӕ кӕны судзгӕ фӕттӕ.

Псаломтӕ 7:15

Фыддзинад саразынмӕ чи хъавы, гуырдзау фыдвӕнд йӕ зӕрдӕйы чи хӕссы, уымӕй райгуыры мӕнгдзинад.

Исайа 1:31

Йӕхи хъомысджын чи хоны, уый фӕскъауы хуызӕн суыдзӕн, йӕ митӕ та — зынджы стъӕлфӕнау. Ссудздзысты иумӕ, ӕмӕ сӕ ахуыссынгӕнӕг нӕ уыдзӕн.

Исайа 17:13

Ӕмбухынц дзыллӕтӕ, знӕт фурды уылӕнтау. Фӕлӕ сӕм Хуыцау бартхъирӕн кодта, ӕмӕ фӕстӕмӕ лидзӕг фесты дардмӕ, дымгӕ зыгуымы муртӕ хӕхтыл куыд ахӕссы, зилгӕ уад рыг куыд сыздухы, уыйау.

Исайа 26:18

Мах дӕр сылгоймагау уыдыстӕм ӕвгъӕддон, фӕлӕ дымгӕ йеддӕмӕ ницы ныййардтам. Нӕ бон нӕу ацы зӕхх фыдӕвзарӕнӕй бахизын, ног цӕрджытӕ йыл рантысын кӕнын.

Исайа 5:24

Уымӕ гӕсгӕ, хъӕмп зынджы амӕттаг куыд бавӕййы, хосы мӕкъуылтӕ пиллон арты куыд асудзынц, афтӕ сӕ уидаг амбидзӕн, сӕ дидинвӕлыст рыг фестдзӕн, уымӕн ӕмӕ уыдон се ’ргом аздӕхтой Уӕларвӕфсады Бардарӕджы ӕгъдауӕй, ницӕмӕ ӕрдардтой Израилы Уаз Хуыцауы ныхас.

Исайа 59:4

Рӕстдзинады сӕрыл чи сдзура, йӕ фарс чи рахӕца, иу ахӕм сӕм нӕ разынд. Сӕ зӕрдӕ дарынц сӕ ницӕйаг, сӕ мӕнг ныхӕстыл. Сӕхи хъарынц фыдбылызтӕ, бӕллӕхтӕ аразыныл.

Исайа 9:17

Уымӕ гӕсгӕ сын Дунедарӕг нӕ бацин кӕндзӕни сӕ лӕппутыл, нӕ сын батӕригъӕд кӕндзӕни сӕ сидзӕртӕ ӕмӕ сӕ идӕдзтӕн, уымӕн ӕмӕ иууылдӕр цӕстфӕлдахджытӕ ӕмӕ фыдгӕнджытӕ сты, сӕ дзыхы ныхас — ӕлгъаг. Фӕлӕ Дунедарӕджы маст ууыл дӕр нӕ басабыр уыдзӕн, ӕвзиддзӕни сӕм ноджыдӕр.

Апостолты хъуыддӕгтӕ 5:4

Мыййаг, дӕ мулк дӕхи нӕ уыд, зӕхх ауӕй кӕнынӕй цы райстай, ууыл дӕ бар нӕ цыди? Цӕмӕн дӕм фӕзынд асайыны хъуыды? Ды асайдтай адӕмы нӕ, фӕлӕ Хуыцауы».

Йаков 1:15

Монц ауадзы йӕ уидӕгтӕ, ӕмӕ дзы рацӕуы тӕригъӕд, тӕригъӕд та расайы мӕлӕт.