Исайа 30:24 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

²⁴ Уӕ галтӕ ӕмӕ уӕ хӕрджытӕ — уӕ хуымтӕ уын чи бакусы, уыдон — хӕрдзысты, бел ӕмӕ сагойӕ дымгӕмӕ кӕй ныддардтой, ахӕм холлаг, хуырхӕгимӕ хӕццӕйӕ.

Исайа 30:24 ပူးပေါင်းရင်းမြစ်များ

Райдиан 24:25

Ноджы ма йын загъта: «Фосӕн нӕм хъӕмп ӕмӕ холлаг бирӕ ис. Кӕм бахсӕвиуат кӕнат, уый дӕр ссардзыстӕм».

Райдиан 45:6

Зӕххыл стонг заман куы скодта, уӕдӕй дыууӕ азы рацыд, ӕмӕ ма ноджыдӕр фондз азы дӕргъы нӕдӕр хуым кӕндзысты, нӕдӕр хуым кӕрддзысты.

Рацыд 34:21

Ӕхсӕз боны дӕргъы кусут, ӕвдӕм бон та баулӕфут. Хуымгӕнӕнтӕ уой ӕви хуымгӕрдӕнтӕ — уӕ куыст-иу бауромут.

Исайа 32:20

Тӕхудиаг уыдзыстут: байтаудзыстут донӕфсӕст хуымтӕ иууылдӕр, алы ран хиздзыстут уӕ галтӕ ӕмӕ уӕ хӕрджыты.

Матфей 3:12

Йӕ фыййаг Йӕ къухы ис, ӕмӕ Йӕ мус ссыгъдӕг кӕндзӕн. Мӕнӕу Йӕ хордоны бафснайдзӕн, зыгуым та ӕнӕхуысгӕ арты басудздзӕн».

Лука 3:17

Йӕ фыййаг Йӕ къухы ис, ӕмӕ Йӕ мус ссыгъдӕг кӕндзӕн. Мӕнӕу бафснайдзӕни Йӕ хордоны, зыгуым та басудздзӕн ӕнӕхуысгӕ арты».

Фӕлхатгонд ӕгъдау 21:4

Акӕнӕнт дыгӕрдыджы, хуымгонд дӕр чи никуыма уыд ӕмӕ кӕй никуы байтыдӕуыд, ахӕм дӕлвӕзмӕ ӕмӕ йын уыцы ран йӕ бӕрзӕй асӕттӕнт.

Фӕлхатгонд ӕгъдау 25:4

Найгӕнӕг галӕн йӕ дзых ма бӕтт.

1 Паддзахӕдтӕ 8:12

Иуты йе ’фсады минонтӕ ӕмӕ фӕндзайонты хицӕуттӕй сӕвӕрдзӕн, иннӕтӕ йын кӕндзысты хуым ӕмӕ йын ӕфснайдзысты йӕ тыллӕг, аннӕтӕ та йын араздзысты хотыхтӕ ӕмӕ ифтонг кӕндзысты тохуӕрдӕттӕ.