Иовы чиныг 4:8 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

⁸ Ӕрӕййӕфтон афтӕ: тӕригъӕды хуым-иу чи бакодта ӕмӕ-иу дзы фыддзинад чи байтыдта, уыдонӕн-иу сӕхи кӕрдинаг фӕци,

Иовы чиныг 4:8 ပူးပေါင်းရင်းမြစ်များ

Иовы чиныг 15:31

Тутт ныфсытӕ ма ’вӕрӕд йӕхицӕн: уыдон ын ницы пайда ӕрхӕсдзысты.

Иовы чиныг 15:35

Ахӕм адӕймаг йӕ зӕрдӕйы бын фыдбылыз хӕссы, аргӕ бӕллӕх кӕны, йӕ мидӕг ӕрмӕстдӕр мӕнгарддзинад ӕвзӕры».

Ӕмбисӕндтӕ 1:31

уый аххосӕй сӕ хъуыддӕгты дыргътӕй бафсӕддзысты, ӕмӕ сӕ фӕндтӕ бафтдзысты сӕ къухы.

Ӕмбисӕндтӕ 22:8

Фыдракӕндтӕ чи тауы, уый фыдбылызы бахаудзӕн, йӕ фыдӕхы лӕдзӕг ӕвӕдӕй фесӕфдзӕн.

Исайа 17:11

Цы бон сӕ ныссагътай, уыцы бонӕй фӕстӕмӕ сӕм зылдтӕ, цӕмӕй сырӕзой ӕмӕ дидинӕг ракалой. Фӕлӕ дыл тыллӕгӕфснайӕн заман сау низ йеддӕмӕ ницы бафтдзӕни.

Йеремиа 4:18

Ды уыдӕттӕ дӕ фӕндӕгтӕ ӕмӕ дӕ хъуыддӕгты тыххӕй ӕвзарыс, дӕ фыдракӕндты аххосӕй хъизӕмарӕй мӕлыс.

Осиа 8:7

Дымгӕ кӕм байтыдтой, уым уад ӕркӕрддзысты. Сӕ хуымы ӕфсиртыл иу нӕмыг дӕр куынӕ уа, уӕд ӕнӕ хорӕй баззайдзысты. Куы уа, уӕд та — ӕцӕгӕлӕттӕн хӕринаг.

2 Коринфӕгтӕм 9:6

Уӕ зӕрдыл дарут: чъынды тауӕгӕн йӕ хор дӕр мӕгуырау уыдзӕни, рӕдауӕй чи тауы, уымӕн та йӕ хор тугыл аскъуыйдзӕн.