Иоанн 19:19 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

¹⁹ Пилат дзуарыл фӕйнӕджы гӕбаз ныххуыйын кодта ахӕм фыстимӕ: «Назаретаг Йесо, иудейаг Паддзах».

Иоанн 19:19 ပူးပေါင်းရင်းမြစ်များ

Матфей 2:23

Ӕрцыдис уырдӕм ӕмӕ ӕрцарди, Назарет цы сахар хуынди, уым. Афтӕмӕй хъуамӕ сӕххӕст уыдаид, пехуымпартӕ цы загътой, уый: «Схондзысты Йӕ Назорей».

Матфей 27:37

Йӕ сӕрмӕ Йын дзуарыл фӕйнӕджы гӕбаз ныххуыдтой, фыст ыл уыди Йӕ азым: «АЙ У ЙЕСО, ИУДЕЙӔГТЫ ПАДДЗАХ».

Марк 15:26

Цӕй тыххӕй Йӕ азымджын кодтой, уый уыди Йӕ сӕрмӕ фыст: «Иудейӕгты Паддзах».

Лука 18:37

Загътой йын: «Назаретаг Йесо ӕрбацӕуы».

Лука 23:38

Йӕ сӕрмӕ [бердзенаг, ромаг ӕмӕ дзуттаг ӕвзӕгтыл] уыди фыст: «Ацы адӕймаг у иудейаг Паддзах».

Иоанн 1:49

Нафанаил Ын загъта: «Равви, Ды дӕ Хуыцауы Фырт, Израилы Паддзах!»

Иоанн 18:33

Уӕд Пилат ногӕй бацыди галуанмӕ, фӕсидти Йесомӕ ӕмӕ Йӕ бафарста: «Ды иудейаг Паддзах дӕ?»

Иоанн 19:12

Уӕдӕй фӕстӕмӕ Пилат архайдта Йӕ рауадзыныл. Иудейӕгтӕ та хъӕр кодтой: «Куы Йӕ рауадзай, уӕд кесӕры лымӕн нӕ дӕ. Йӕхицӕй паддзах чидӕриддӕр аразы, уый кесӕры знаг у».

Иоанн 19:14

Уый уыди Куадзӕны размӕ бон, ӕхсӕз сахатмӕ ӕввахс. Пилат иудейӕгтӕн загъта: «Мӕнӕ уӕ Паддзах!»

Иоанн 19:21

Иудейаг хистӕр сауджынтӕ Пилатӕн дзырдтой: «Ма ныффыс: „Иудейаг Паддзах“. Ныффысс афтӕ: „Ацы лӕг йӕхи хуыдта иудейаг Паддзах“».

Иоанн 19:3

Хӕстӕг-иу Ӕм бацыдысты ӕмӕ хъӕр кодтой: «Ӕгас цӕуӕд иудейаг Паддзах!» Ӕмӕ Йӕ дзӕхстытӕ кодтой.

Апостолты хъуыддӕгтӕ 26:9

Ӕз дӕр афтӕ ӕнхъӕл уыдтӕн, Назаретаг Йесойы номы ныхмӕ мын мӕ тых, мӕ бонӕй тохгӕнгӕ у.

Апостолты хъуыддӕгтӕ 3:6

Фӕлӕ йын Петр загъта: «Ӕвзист ӕмӕ мӕм сыгъзӕрин нӕй, фӕлӕ дын дӕттын, цы мӕм ис, уый: Назаретаг Йесо Чырыстийы номыл сыст ӕмӕ райдай цӕуын».