Фӕтӕгтӕ 3:28 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

²⁸ Ехуд йӕ адӕмӕн загъта: «Цомут мӕ фӕдыл! Дунедарӕг уын уе знӕгты, моавӕгты, уӕ къухмӕ радта». Израилӕгтӕ Ехуды фӕдыл хӕхтӕй рацыдысты. Иорданы цӕугӕдоны донуайӕнтӕ бацахстой ӕмӕ се знӕгтӕй, моавӕгтӕй, фаллаг фарсмӕ бахизын никӕй уагътой.

Фӕтӕгтӕ 3:28 ပူးပေါင်းရင်းမြစ်များ

3 Паддзахӕдтӕ 20:21

Ӕмӕ уӕд Израилы паддзах дӕр абырста сириӕгты бӕхтӕ ӕмӕ тохуӕрдӕтты фӕдыл ӕмӕ сӕ саубыны дӕрӕн ныккодта.

Нуны фырт Йешуа 2:7

Фӕдисӕттӕ Иорданы ’рдӕм атындзыдтой, донахизӕнты раз балӕууыдысты. Сахарӕй куыд федде сты, афтӕ сахары кулдуар ӕхгӕд ӕрцыд.

Фӕтӕгтӕ 10:11

Дунедарӕг сын дзуапп радта: «Сымах ӕфхӕрдтой мысырӕгтӕ, аморӕгтӕ, аммонӕгтӕ, филистимӕгтӕ,

Фӕтӕгтӕ 12:5

Галаадӕгтӕ Иорданы донуайӕнтӕ бацахстой. Чи аирвӕзт, уыцы ефремонтӕй-иу исчи доны фаллаг фарсмӕ бахизынмӕ куы хъавыд, уӕд-иу ӕй галаадӕгтӕ бафарстой: «Ефремон нӕ дӕ?» Уый-иу дзуапп радта: «Нӕ дӕн».

Фӕтӕгтӕ 3:29

Моавӕгтӕй амардтой дӕс минмӕ ’ввахс тыхджын ӕмӕ ӕхсарджын хӕстоны, иу дӕр сын дзы нӕ аирвӕзт.

Фӕтӕгтӕ 4:10

Барак Неффалим ӕмӕ Зевулоны хӕдзарвӕндӕгтӕм Кедешы сахармӕ фӕсидти. Йӕ фӕдыл рацыди дӕс мин хӕстоны, Деворӕ дӕр уыдис йемӕ.

Фӕтӕгтӕ 7:14

Уӕд ын йе ’мбал афтӕ зӕгъы: «Уый израилаг Гедеоны, Иоасы фырты, хъама у. Дунедарӕг ын уӕлахиз радта, ӕмӕ ацы мидианӕгты рӕсӕнуат бацахсдзӕн».

Фӕтӕгтӕ 7:15

Гедеон, фын цы амоны, уый куы фехъуыста, уӕд йӕ зонгуытыл ӕрхауд ӕмӕ Дунедарӕгӕн арфӕ ракодта. Уый фӕстӕ израилӕгты рӕсӕнуатмӕ раздӕхт ӕмӕ ныхъхъӕр кодта: «Сыстут! Дунедарӕг уын мидианӕгты рӕсӕнуат уӕ къухмӕ радта!»

Фӕтӕгтӕ 7:17

Бафӕдзӕхста сын: «Ӕз-иу цы кӕнон, сымах дӕр — уый. Мидианӕгты рӕсӕнуатмӕ куы бацӕуӕм, уӕд-иу мӕн бафӕзмут.

Фӕтӕгтӕ 7:24

Ефремы хӕхтӕм дӕр Гедеон фӕдисӕттӕ арвыста: «Хӕхтӕй ӕрхизут ӕмӕ мидианӕгтӕн цӕугӕдонмӕ фӕндаг сӕхгӕнут! Иорданы былгӕрон суанг Бет-Барыйы онг бацахсут!» Ефремы байзӕддӕгтӕ ӕрбамбырд сты ӕмӕ цӕугӕдонмӕ фӕндаг сӕхгӕдтой, Иорданы былгӕрон Бет-Барыйы онг бацахстой.

Фӕтӕгтӕ 7:9

Ӕхсӕвы Дунедарӕг Гедеонӕн загъта: «Ныццу дӕлӕмӕ ӕмӕ мидианӕгты рӕсӕнуатмӕ бабырс. Ӕз демӕ дӕн, фӕуӕлахиз сыл уыдзынӕ.

1 Паддзахӕдтӕ 17:47

Уадз ӕмӕ мӕнӕ ацы дзыллӕ дӕр, Израилы адӕм, базоной, Дунедарӕг кард ӕмӕ арцы руаджы кӕй нӕ дӕтты уӕлахиз, уый. Ныр Дунедарӕг Йӕхӕдӕг хӕцы ӕмӕ уӕ ратдзӕни нӕ къухтӕм».