Фӕтӕгтӕ 20:42 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

⁴² Ӕмӕ израилӕгтӕй, ӕдзӕрӕг быдырмӕ цы фӕндаг цыди, ууылты алыгъдысты. Израилӕгтӕ сӕ фӕсте сурын байдыдтой. Израилӕгты хӕстон къорд сахары ’рдыгӕй рацыди ӕмӕ, цы хӕстонтыл ӕрхъула кодтой, уыдоны цӕгъдын байдыдтой.

Фӕтӕгтӕ 20:42 ပူးပေါင်းရင်းမြစ်များ

Хъарӕг 1:3

Уӕ, сурынц иудейӕгты сӕ зӕххӕй! Цагъартӕ сты, о, сау бон сыл куы ’ркодта! Ӕцӕгӕлӕтты ’хсӕн ӕмбӕхсынц, ӕнцой нӕ арынц, баййӕфтой сӕ знӕгтӕ! Уӕ, додойаг куы фесты!

Осиа 10:9

Гевӕйы заман цы тӕригъӕд ракодтай, уымӕй ныр стырдӕр тӕригъӕды бацыдтӕ, Израил! Фервӕзтысты уым, ӕнӕхуыцӕутты ныхмӕ хӕст куы цыди, уӕд баззадысты ӕвыдӕй.

Осиа 9:9

Фехӕлдысты бынтондӕр, раст Гевӕйы куыд уыд, афтӕ. Хуыцау сын се ’нӕхуыцау митӕ ӕрхъуыды кӕндзӕн, сӕ тӕригъӕдты тыххӕй сӕ бафхӕрдзӕн.

Нуны фырт Йешуа 8:15

Йешуа ӕмӕ йе ’фсад, цыма саст ӕрцыдысты, уыйау сӕ разӕй ӕфсоны лыгъд акодтой ӕдзӕрӕг быдыры ’рдӕм.

Нуны фырт Йешуа 8:24

Гайы фӕдисӕттӕ израилӕгты кӕдӕм фӕцӕйсырдтой, уыцы ӕдзӕрӕг быдыры сӕхӕдӕг карды амӕттаг куы баисты фӕстаджы онг, уӕд израилӕгтӕ иууылдӕр разылдысты Гаймӕ ӕмӕ дзы чи баззад, уыдоны дӕр бындзагъд ныккодтой кардӕй.