Фӕлхатгонд ӕгъдау 7:3 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

³ Хӕстӕгдзинад ма кӕнут семӕ, уӕ чызджыты сӕ лӕппутӕм моймӕ ма дӕттут ӕмӕ сын сӕ чызджыты дӕр уӕ фырттӕн ма курут,

Фӕлхатгонд ӕгъдау 7:3 ပူးပေါင်းရင်းမြစ်များ

Райдиан 24:3

ӕмӕ мын Дунедарӕгӕй, арв ӕмӕ зӕххы Хуыцауӕй, ард бахӕр, мӕ фыртӕн мын, кӕй ӕхсӕн цӕрын, уыцы ханаанӕгты чызджытӕй кӕй никӕй ракурдзынӕ,

3 Паддзахӕдтӕ 11:2

кӕд ӕмӕ Дунедарӕг израилӕгтӕн уыцы адӕмты тыххӕй афтӕ фӕдзӕхста, семӕ хӕстӕгдзинад ма бакӕнут, намӕ уӕ ӕнӕмӕнг сӕ хуыцӕуттӕм кувыныл фӕцахуыр кӕндзысты, зӕгъгӕ, уӕддӕр. Фӕлӕ Соломоны зӕрдӕ ӕгӕр уарзӕгой разынд уыцы ӕндӕрбӕстаг сылгоймӕгтӕм.

3 Паддзахӕдтӕ 16:31

Наваты фырт Йоровамы тӕригъӕдджын митӕ кӕй фӕзмыдта, уый йын ӕгъгъӕд нӕ уыди, фӕлӕ ма ракуырдта сидойнӕгты паддзах Етбаалы чызг Иезавелы ӕмӕ кувын байдыдта Баалӕн.

Езра 10:3

Бавдӕлӕм ӕмӕ нӕ Хуыцауимӕ бафидауӕм ӕмӕ дӕ фӕндӕй, нӕ хистӕр, ӕмӕ, Хуыцауы фӕдзӕхстытӕ йӕ зӕрдӕйы арф ӕвӕрд кӕмӕн сты, ӕппӕт уыдоны фӕндӕй нӕ уыцы устыты ӕмӕ, кӕй нын ныййардтой, уыцы сывӕллӕтты иууылдӕр нӕхицӕй арвитӕм. Ӕгъдау куыд амоны, афтӕ фӕуӕд!

Езра 9:12

Уӕ чызджыты сын сӕ лӕппутӕн ма дӕттут, сӕ чызджыты та сын уӕ лӕппутӕн ма курут. Уыцы зӕххыл цӕмӕй ӕрфидар уат ӕмӕ уын йӕ хорзӕхтӕй хай уа, цӕмӕй йӕ уӕ байзӕддӕгтӕн мыггагмӕйы исбонӕн ныууадзат, уый тыххӕй уӕ уымы адӕмы сӕр ничердӕм хъӕуы“.

Неемиа 10:30

сӕ чызджыты ӕцӕгӕлон адӕмтӕм моймӕ кӕй нӕ дӕтдзысты ӕмӕ сын сӕ чызджыты та сӕ фырттӕн кӕй нӕ курдзысты;

Фӕтӕгтӕ 14:3

Фӕлӕ йын йӕ фыд ӕмӕ йӕ мад загътой: «Ау, нӕ мыггаг ӕмӕ нӕ адӕмы ’хсӕн сылгоймӕгтӕ нал ис? Ӕнӕсунӕт филистимӕгтӕй ус ракурын цӕмӕн сфӕнд кодтай?» Самсон дзуапп радта: «Ракурут мын уыцы чызджы, мӕ зӕрдӕмӕ фӕцыди».