Фӕлхатгонд ӕгъдау 6:5 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

⁵ Уарз Дунедарӕджы, дӕ Хуыцауы, ӕппӕт зӕрдӕйӕ, ӕппӕт уд ӕмӕ ӕппӕт хъаруйӕ.

Фӕлхатгонд ӕгъдау 6:5 ပူးပေါင်းရင်းမြစ်များ

3 Паддзахӕдтӕ 3:3

Соломон уарзта Дунедарӕджы ӕмӕ ӕххӕст кодта йӕ фыд Давиды фӕдзӕхстытӕ. Ӕцӕг уый дӕр кувӕн къуыбыртыл кусӕрттӕ кодта ӕмӕ буд сыгъта.

4 Паддзахӕдтӕ 23:25

Йӕ размӕ уый хуызӕн паддзах никуыма уыди, йӕ уд, йӕ зӕрдӕ ӕмӕ йе ’ппӕт хъарутӕ Дунедарӕгӕн чи снывонд кодта ӕмӕ Моисейы Ӕгъдауы ӕппӕт фӕдзӕхстытӕ чи ӕххӕст кодта, стӕй йӕ фӕстӕ дӕр ахӕм паддзах никуыуал уыд.

2 Азфыстытӕ 15:12

Афтӕмӕй Дунедарӕгимӕ, сӕ фыдӕлты Хуыцауимӕ, фидыд сарӕзтой ӕмӕ дзырд радтой, сӕ уд, сӕ зӕрдӕ кӕй хъардзысты кад Ын кӕныныл,

2 Азфыстытӕ 34:31

Уый фӕстӕ паддзах йӕ бынаты ӕрлӕууыд ӕмӕ Дунедарӕджы раз сфидар кодта фидыд: Дунедарӕгыл иузӕрдион кӕй уыдзӕн, зӕрдиагӕй ӕмӕ удуӕлдайӕ Йын кӕй ӕххӕст кӕндзӕн Йӕ фӕдзӕхстытӕ, Йӕ уагӕвӕрдтӕ ӕмӕ Йӕ амындтытӕ, стӕй, Фидыды чиныджы цы ныхӕстӕ фыст ис, уыдон.

Псаломтӕ 119:2

Ӕз загътон: «О Дунедарӕг, фӕлитой дзых, мӕнгард ӕвзагӕй мӕ бахиз».

Матфей 10:37

Йӕ фыды кӕнӕ йӕ мады Мӕнӕй фылдӕр чи уарзы, уый Мӕн аккаг нӕу. Йӕ фырты кӕнӕ йӕ чызджы Мӕнӕй фылдӕр чи уарзы, уый дӕр Мӕн аккаг нӕу.

Матфей 22:37

Йесо йын дзуапп радта: «„Уарз дӕ Бардарӕг Хуыцауы ӕппӕт зӕрдӕйӕ, ӕппӕт удӕй ӕмӕ ӕппӕт зондӕй“.

Марк 12:30

Ӕмӕ уарз дӕ Бардарӕг Хуыцауы ӕппӕт зӕрдӕйӕ, ӕппӕт удӕй, ӕппӕт зондӕй ӕмӕ ӕппӕт хъаруйӕ“.

Марк 12:33

Ӕмӕ „Йӕ ӕппӕт зӕрдӕйӕ, ӕппӕт зондӕй, ӕппӕт хъаруйӕ уарзын“, стӕй, „дӕхи куыд уарзыс, дӕ хионы дӕр афтӕ уарзын“ — уый ӕппӕт иууылсудзинаг ӕмӕ ӕппӕт иннӕ нывӕндтӕй ахсджиагдӕр у».

Лука 10:27

Уый Йын дзуапп радта: «„Уарз дӕ Бардарӕг Хуыцауы ӕппӕт зӕрдӕйӕ, ӕппӕт удӕй, ӕппӕт хъаруйӕ ӕмӕ ӕппӕт зондӕй“. Ноджы ма: „Уарз хионы, дӕхи куыд уарзыс, афтӕ“».

Фӕлхатгонд ӕгъдау 10:12

Уӕдӕ ма мын зӕгъут ныр сымах, израилӕгтӕ, цы уӕ агуры Дунедарӕг, уӕ Хуыцау? Ӕрмӕстдӕр уый, цӕмӕй Дунедарӕгӕй, уӕ Хуыцауӕй, тӕрсат ӕмӕ Йын кад кӕнат, кӕддӕриддӕр Йӕ фӕдыл цӕуат, уарзат Ӕй, Дунедарӕгӕн, уӕ Хуыцауӕн, зӕрдӕбынӕй ӕмӕ удуӕлдайӕ лӕггад кӕнат;

Фӕлхатгонд ӕгъдау 11:1

Уӕдӕ уарз Дунедарӕджы, дӕ Хуыцауы, кӕддӕриддӕр Ын ӕххӕст кӕн Йӕ домӕнтӕ, макуы ахиз Йе ’гъдӕуттӕ, Йӕ уагӕвӕрдтӕ ӕмӕ Йӕ фӕдзӕхстыты сӕрты.

Фӕлхатгонд ӕгъдау 11:13

Мӕ фӕдзӕхстытӕ Мын куы ӕххӕст кӕнат, абон уын кӕй хъусын кӕнын, уыдон, Дунедарӕджы, уӕ Хуыцауы, куы уарзат, зӕрдӕбынӕй ӕмӕ Йын удуӕлдайӕ лӕггад куы кӕнат,

Фӕлхатгонд ӕгъдау 13:3

уӕд уыцы пехуымпар кӕнӕ фынтӕхалӕгмӕ ма хъус — уый уӕ Дунедарӕг, уӕ Хуыцау, фӕлваргӕ кӕны, ӕппӕт зӕрдӕйӕ ӕмӕ ӕппӕт уды хъаруйӕ Дунедарӕджы, уӕ Хуыцауы, уарзут ӕви нӕ, уый базонынӕн.

Фӕлхатгонд ӕгъдау 13:4

Дунедарӕджы, уӕ Хуыцауы, фӕдыл цӕут, Уымӕй тӕрсут, Йӕ фӕдзӕхстытӕ Йын ӕххӕст кӕнут ӕмӕ Йӕм хъусут, лӕггад Ын кӕнут ӕмӕ Йыл иузӕрдион ут.

Фӕлхатгонд ӕгъдау 19:9

(афтӕ уыдзӕн, ӕз уын абон кӕмӕй зӕгъын, ӕппӕт уыцы фӕдзӕхстытӕ бӕстон куы ӕххӕст кӕнат, Дунедарӕджы, уӕ Хуыцауы, куы уарзат ӕмӕ цард-цӕрӕнбонты Йӕ фӕдыл куы цӕуат), уӕд ма-иу уыцы ӕртӕ сахармӕ ноджыдӕр ӕртӕ бафтаут.

Фӕлхатгонд ӕгъдау 30:10

Дунедарӕджы, уӕ Хуыцауы, коммӕ куы кӕсат, ацы Ӕгъдауы чиныджы цы фӕдзӕхстытӕ ӕмӕ уагӕвӕрдтӕ фыст ис, уыдон куы ӕххӕст кӕнат, Дунедарӕгмӕ, уӕ Хуыцаумӕ, ӕппӕт зӕрдӕйӕ ӕмӕ ӕппӕт уды хъаруйӕ уе ’ргом куы раздахат, уӕд.

Фӕлхатгонд ӕгъдау 30:16

Абон уын куыд зӕгъын, афтӕ Дунедарӕджы, уӕ Хуыцауы, куы уарзат, Йӕ фӕндӕгтыл куы цӕуат ӕмӕ Йын Йӕ фӕдзӕхстытӕ, Йӕ фӕтк ӕмӕ Йӕ уагӕвӕрдтӕ куы ӕххӕст кӕнат, уӕд цӕрдзыстут ӕмӕ сбирӕ уыдзыстут; Дунедарӕгӕй, уӕ Хуыцауӕй, арфӕгонд уыдзыстут, уӕхи бакӕнынмӕ цы бӕстӕм цӕут, уым.

Фӕлхатгонд ӕгъдау 30:20

уарзут Дунедарӕджы, уӕ Хуыцауы, хъусут Ӕм ӕмӕ Йыл уӕ зӕрдӕ ма ивут, уымӕн ӕмӕ Уымӕй аразгӕ у уӕ цард, уӕ цӕрӕнбон, Дунедарӕг нӕ фыдӕлтӕ Авраам, Исаак ӕмӕ Йаковӕн цы бӕстӕ раттыныл басомы кодта, уым».

Фӕлхатгонд ӕгъдау 30:6

Дунедарӕг, уӕ Хуыцау, сунӕт скӕндзӕн уӕ зӕрдӕтӕн, стӕй уӕ байзӕддӕгты зӕрдӕтӕн дӕр, цӕмӕй Дунедарӕджы, уӕ Хуыцауы, уарзат ӕппӕт зӕрдӕйӕ ӕмӕ баззайат сӕрӕгасӕй.

Фӕлхатгонд ӕгъдау 4:29

Уым райдайдзыстут агурын Дунедарӕджы, уӕ Хуыцауы, ӕмӕ Йӕ удуӕлдайӕ, зӕрдиагӕй куы ӕрцагурат, уӕд Ӕй ссардзыстут.

Нуны фырт Йешуа 22:5

Ӕрмӕст уӕхи хъарут, Дунедарӕджы минӕвар Моисей уын цытӕ фӕдзӕхста, уыдӕттӕ ӕмӕ уын цы дин ныууагъта, уый биноныг ӕххӕст кӕныныл. Уарзут Дунедарӕджы, уӕ Хуыцауы, Йӕ амынд фӕндӕгтыл Ын цӕут, Йӕ фӕдзӕхстытыл Ын иузӕрдион ут, уӕхи Йыл ныхасут ӕмӕ Йын зӕрдиагӕй, уӕ уды ӕппӕт хъарутӕй лӕггад кӕнут».

1 Иоанн 5:3

Хуыцауы кӕй уарзӕм, уый мах ӕвдисӕм Йӕ фӕдзӕхстытӕ ӕххӕст кӕнынӕй. Йӕ фӕдзӕхстытӕ та ӕнцон ӕххӕстгӕнӕн сты.