Фӕлхатгонд ӕгъдау 3:22 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

²² Ма сӕ тӕрсут, уымӕн ӕмӕ Дунедарӕг, уӕ Хуыцау, Йӕхӕдӕг хӕцы уӕ фарс“.

Фӕлхатгонд ӕгъдау 3:22 ပူးပေါင်းရင်းမြစ်များ

2 Азфыстытӕ 13:12

Махӕн нӕ раздзог Хуыцау у. Йӕ сауджынтӕ хӕтӕлтӕй ныууасыдысты — уӕ фыдбылызӕн тохы хъӕр хъуысы! Израилӕгтӕ, ма хӕцут Дунедарӕгимӕ, уӕ фыдӕлты Хуыцауимӕ! Ницы уын дзы рауайдзӕн!

2 Азфыстытӕ 20:17

Фӕлӕ ацы хатт сымах нӕ хӕцдзыстут семӕ. Ӕнцад-иу лӕуут ӕмӕ кӕсут, Дунедарӕг уӕ куыд фервӕзын кӕндзӕн, уымӕ. Иудейӕгтӕ ӕмӕ Йерусалимы цӕрджытӕ! Ма тӕрсут ӕмӕ тасы ма бацӕут. Райсом-иу сӕ ныхмӕ хӕцынмӕ рацӕут. Дунедарӕг уыдзӕни уемӕ».

2 Азфыстытӕ 20:29

Бӕстӕйы алыварс цы паддзахӕдтӕ уыди, уыдоны цӕрджыты стыр тас бацыди, Дунедарӕг Израилы фыдгулты ныхмӕ Йӕхӕдӕг хӕцыд, уый куы фехъуыстой, уӕд.

Неемиа 4:20

Уымӕ гӕсгӕ уӕ хъус дарут, ӕмӕ уӕм хӕтӕлы уаст кӕцӕй фехъуыса, уырдӕм-иу ӕвӕстиатӕй ӕрбамбырд ут. Нӕ Хуыцау нӕ бӕсты тох кӕндзӕни».

Псаломтӕ 44:3

Ды дӕ ӕппӕт адӕмӕй хуыздӕр, Дӕ дзыхӕй фарн кӕлы, — Хуыцау Дын арфӕ ракодта ӕнусмӕ.

Рацыд 14:14

Ӕрсабыр ут! Уӕ бӕсты Дунедарӕг хӕцы семӕ!»

Рацыд 14:25

Афтӕ сын бакодта, ӕмӕ сӕ уӕрдӕтты цӕлхытӕ фӕтахтысты, мысырӕгтӕн размӕ цӕуын нал ӕнтыст. Загътой: «Лидзгӕ нын у израилӕгтӕй — сӕ сӕрыл Дунедарӕг растад нӕ ныхмӕ».

Нымӕцтӕ 21:34

Дунедарӕг Моисейӕн загъта: «Ма дзы тӕрс: дӕ къухмӕ дын дӕттын Ӕз йӕхи дӕр, йӕ адӕмы дӕр ӕмӕ йӕ бӕстӕ дӕр. Сигонӕн, аморӕгты паддзахӕн, Хешбоны цӕрӕгӕн куыд бакодтай, уымӕн дӕр афтӕ бакӕн».

Фӕлхатгонд ӕгъдау 1:30

Дунедарӕг, уӕ Хуыцау, цӕуы уӕ разӕй ӕмӕ хӕцдзӕн уӕ фарс, Мысыры, уӕ тӕккӕ цӕсты раз, куыд хӕцыд, афтӕ.

Фӕлхатгонд ӕгъдау 20:1

Уе знӕгты ныхмӕ хӕстмӕ куы ацӕуат ӕмӕ уый бӕрц бӕхтӕ, тохуӕрдӕттӕ, уӕхицӕй бирӕ фылдӕр ӕфсад куы фенат, уӕд-иу ма фӕтӕрсут! Дунедарӕг, уӕ Хуыцау, Мысырӕй уӕ Чи ракодта, Уый уемӕ ис!

Фӕлхатгонд ӕгъдау 20:4

Уымӕн ӕмӕ Дунедарӕг, уӕ Хуыцау, хӕстмӕ уемӕ цӕуы, цӕмӕй уе знагыл фӕуӕлахиз уат“.

Фӕлхатгонд ӕгъдау 3:21

Йешуайӕн дӕр загътон уӕд: „Дӕхи цӕстӕй федтай, Дунедарӕг, уӕ Хуыцау, ацы дыууӕ паддзахӕн цытӕ бакодта, уый. Ды цы паддзахӕдты сӕрты фӕцӕйцӕуай, уыдонӕн се ’пӕттӕн дӕр Дунедарӕг афтӕ бакӕндзӕн.

Фӕлхатгонд ӕгъдау 3:23

Ӕмӕ скуывтон уӕд ӕз Дунедарӕгмӕ:

Нуны фырт Йешуа 10:42

Иу ныббырстӕй Йешуа басаста ӕппӕт паддзӕхты дӕр ӕмӕ сын бацахста сӕ зӕххытӕ. Уый Дунедарӕг Йӕхӕдӕг хӕцыд Израилы адӕмы сӕрыл.

Нуны фырт Йешуа 23:10

Сымахӕй иу лӕг йӕ хъӕлӕсы ахӕссы мин фыдгулы, уымӕн ӕмӕ уын Дунедарӕг, уӕ Хуыцау, куыд дзырдта, афтӕ Йӕхӕдӕг хӕцы уӕ фарс.