Фӕлхатгонд ӕгъдау 3:20 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

²⁰ цалынмӕ Дунедарӕг уе ’фсымӕртӕн дӕр сымахау ратта ӕнцой ӕмӕ сын Дунедарӕг, уӕ Хуыцау, Иорданы фале цы зӕхх дӕтты, уый сӕхи бакӕной, уӕдмӕ. Уый фӕстӕ уӕ алчидӕр ӕрбаздӕхдзӕн, цы зӕхх ын схай кодтон, уырдӕм“.

Фӕлхатгонд ӕгъдау 3:20 ပူးပေါင်းရင်းမြစ်များ

Нымӕцтӕ 32:18

Не ’рбаздӕхдзыстӕм нӕ хӕдзӕрттӕм, цалынмӕ израилӕгтӕй алчидӕр йӕ хай нӕ райса, уӕдмӕ.

Нымӕцтӕ 32:22

ӕмӕ бӕстӕ нӕ басӕтта, уӕдмӕ тох кӕнат, уӕд, фӕстӕмӕ ӕрбаздӕхгӕйӕ, ӕназым уыдзыстут Дунедарӕг ӕмӕ Израилы раз, ӕмӕ ацы бӕстӕ сымахӕн баззайдзӕн.

Фӕлхатгонд ӕгъдау 12:9

Нырма нӕ бацыдыстут, Дунедарӕг, уӕ Хуыцау, сымахӕн кӕй дӕтты, уыцы ӕнцойады бынатмӕ, уӕ зӕххы хаймӕ.

Фӕлхатгонд ӕгъдау 3:21

Йешуайӕн дӕр загътон уӕд: „Дӕхи цӕстӕй федтай, Дунедарӕг, уӕ Хуыцау, ацы дыууӕ паддзахӕн цытӕ бакодта, уый. Ды цы паддзахӕдты сӕрты фӕцӕйцӕуай, уыдонӕн се ’пӕттӕн дӕр Дунедарӕг афтӕ бакӕндзӕн.

Нуны фырт Йешуа 1:15

Дунедарӕг сымах хуызӕн уыдонӕн дӕр цалынмӕ ӕнцой ӕрхӕсса, уӕдмӕ. Дунедарӕг, уӕ Хуыцау, уыдонӕн цы зӕхх дӕтты, уый куы райсой уе ’фсымӕртӕ дӕр, уӕд фӕстӕмӕ раздӕхут ӕмӕ уӕ исбон уыдзӕни, Дунедарӕджы цагъар Моисей уын Иорданӕй скӕсӕнӕрдӕм цы зӕхх радта, уый».

Нуны фырт Йешуа 22:2

«Сымах сӕххӕст кодтат, Дунедарӕджы минӕвар Моисей уын цыдӕриддӕр бафӕдзӕхста, уыдон. Мӕ бардзырдтыл мын дыууӕ никуы загътат.

Нуны фырт Йешуа 22:4

Ныр Дунедарӕг, уӕ Хуыцау, уе ’фсымӕртӕн зӕрдӕ куыд бавӕрдта, афтӕ сын ӕнцой цард ралӕвар кодта. Гъемӕ уын Дунедарӕджы минӕвар Моисей Иорданы фале исбонӕн цы зӕххытӕ радта, уыдонмӕ аздӕхут.

Нуны фырт Йешуа 22:8

уӕд сын загъта: «Стыр мулкимӕ здӕхут уӕ хӕдзӕрттӕм, тынг бирӕ фосимӕ, ӕвзистимӕ, сыгъзӕринимӕ, ӕрхуыимӕ ӕмӕ ӕфсӕйнагимӕ, дарӕсы фӕлыстытимӕ. Ӕмӕ уӕ фыдгултӕй цы бирӕ мулк байстат, уый уе ’фсымӕртимӕ байуарут».

Нуны фырт Йешуа 22:9

Рувим ӕмӕ Гады байзӕддӕгтӕ, стӕй Менассиайы хӕдзарвӕндаджы ӕмбис Ханааны сахар Силомӕй, се ’фсымӕр израилӕгты цурӕй, аздӕхтысты Галаадмӕ, сӕ зӕхмӕ, Дунедарӕг сын Моисейы уылты цы бардзырд радта, уымӕ гӕсгӕ кӕй бацахстой, уырдӕм.