Фӕлхатгонд ӕгъдау 28:54 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

⁵⁴ Хъал цардыл ахуыр чи уыди, уыцы уӕздан лӕг бирӕгъы каст кӕндзӕни йе ’фсымӕрмӕ, йӕ бинойнагмӕ, ӕгас ма йын чи уа, уыцы хъӕбултӕм.

Фӕлхатгонд ӕгъдау 28:54 ပူးပေါင်းရင်းမြစ်များ

2 Паддзахӕдтӕ 12:3

мӕгуыр лӕгмӕ та ницы уыд, иунӕг далыс йеддӕмӕ. Уӕрыккӕй йӕ балхӕдта ӕмӕ йӕ афтӕмӕй схаста — мӕгуыр лӕгӕн йӕ сабитимӕ иумӕ бахъомыл. Йемӕ иу къӕбӕр хордта ӕмӕ иу къусӕй нуӕзта, фынӕй дӕр йӕ хъӕбысы кодта. Раст цыма йӕ чызг у, афтӕ йӕм зылди.

Псаломтӕ 103:13

Ды Дӕ бӕрзӕндӕй донхорыг кӕныс хӕхтӕ, зӕхх дӕр Дӕ фӕрцы у ӕфсӕст.

Ӕмбисӕндтӕ 23:6

Чъынды лӕгимӕ иу фынгыл ма бад, йӕ дзаджджын хӕринӕгтӕм ын ма хӕлӕг кӕн, уымӕн ӕмӕ йӕ зӕрдӕ у гуыдырӕй ӕхгӕд. Зӕгъдзӕн дын: «Хӕр ӕмӕ нуаз», йӕ хъуыдытӕ та ӕндӕр уыдзысты.

Ӕмбисӕндтӕ 28:22

Фыд зыд хъӕздыгдзинадмӕ тагъд кӕны, йӕ фӕдыл гӕвз кӕй цӕуы, уый нӕ зоны.

Исайа 49:15

Фӕлӕ Дунедарӕг загъта: «Мад йӕ дзидзидай хъӕбулы куыд хъуамӕ ферох кӕна, куыннӕ хъуамӕ фӕтӕригъӕд кӕна, цы сабийы ныййардта, уымӕн? Чи зоны ӕмӕ уый ферох кӕна йӕ сабийы, фӕлӕ Ӕз нӕ ферох кӕндзынӕн сымах.

Михей 7:5

Ма ӕууӕнд дӕ хионыл, де ’рдхордыл дӕ зӕрдӕ ма дар, дӕ хуыссӕнуаты чи фынӕй кӕны, уымӕн дӕр-иу мацы схъӕр кӕн.

Матфей 11:8

Уӕддӕр цы уынынмӕ цыдыстут? Зынаргъ дарӕс кӕуыл ис, ахӕм адӕймаджы? О, фӕлӕ зынаргъ дарӕс чи дары, уыдон паддзӕхты галуанты цӕрынц.

Матфей 20:15

Мӕн цы у, ууыл мӕ бар нӕ цӕуы? Ӕви мын рӕдау уӕвын дӕ цӕст нӕ уарзы?“

Фӕлхатгонд ӕгъдау 13:6

Дӕ хӕрз ӕфсымӕр дӕ куы ардауа сусӕгӕй, дӕ фырт, дӕ чызг, дӕ уарзон бинойнаг кӕнӕ дын дӕ адджын ӕмбал куы дзура, цом ӕмӕ лӕггад кӕнӕм, дӕхӕдӕг дӕр ӕмӕ дӕ фыдӕлтӕ дӕр кӕй нӕ зыдтой, уыцы хуыцӕуттӕн,

Фӕлхатгонд ӕгъдау 15:9

Ӕвдӕм аз, хӕстӕ барыны аз, ӕрбахӕццӕ кӕны, зӕгъгӕ, уӕд ӕнаккаг хъуыды ма бахъуызӕд дӕ зӕрдӕмӕ ӕмӕ дӕ мӕгуыр ӕфсымӕрыл дӕхи ма атигъ кӕн: йӕ дзыназын Дунедарӕгмӕ фехъуысдзӕн, ӕмӕ тӕригъӕды бацӕудзынӕ.

Фӕлхатгонд ӕгъдау 28:53

Знаг уӕ цъысыммӕ куы батӕра, уӕд уӕ хъӕбултӕн, Дунедарӕг, уӕ Хуыцау, сымахӕн кӕй радта, уыцы фырттӕ ӕмӕ чызджытӕн сӕ фыд хӕрынмӕ ӕрцӕудзыстут.

Фӕлхатгонд ӕгъдау 28:55

Йӕ хъӕбулты фыдӕй никӕмӕн бахай кӕндзӕн, йӕхӕдӕг ыл рабаддзӕн, уымӕн ӕмӕ уӕ сӕргой фӕкӕндзысты уе знӕгтӕ, уӕ сахартӕ иууылдӕр цъысымы бахаудзысты, ӕмӕ уын ӕндӕр бахӕринаг ницы уыдзӕн.