Фӕлхатгонд ӕгъдау 2:8 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

⁸ Нӕхи иуварс айстам не ’фсымӕртӕй, Исавы байзӕддӕгтӕй, Сеиры цӕрджытӕй, Аравӕмӕ фӕндагӕй, Елат ӕмӕ Ецион-Геверӕй, ӕмӕ нӕ ных Моавы ӕдзӕрӕг быдырмӕ сарӕзтам.

Фӕлхатгонд ӕгъдау 2:8 ပူးပေါင်းရင်းမြစ်များ

Райдиан 25:23

Дунедарӕг ын дзуапп радта: «Дыууӕ адӕмы рантысдзӕн дӕ гуыбынӕй, дыууӕ адӕмыхатты ис дӕ мидӕг — сӕ фӕндӕгтӕ фӕхицӕн уыдзысты. Сӕ иу суыдзӕн иннӕмӕй тыхджындӕр, хистӕр лӕггад кӕндзӕни кӕстӕрӕн».

3 Паддзахӕдтӕ 9:26

Сырх денджызы былгӕрон Ецион-Геверы, Елотмӕ хӕстӕг, Едомы зӕххыл, Соломон арӕзта наутӕ.

4 Паддзахӕдтӕ 14:22

Йӕ фыды амӕлӕты фӕстӕ Азариа фӕстӕмӕ байста Елаты сахар ӕмӕ йӕ ногӕй рацарӕзта.

4 Паддзахӕдтӕ 16:6

Уыцы заман Рецин фӕстӕмӕ Сирийы бархъомыс ӕрӕвӕрдта Елаты сахарыл. Уырдыгӕй фӕсырдта иудейӕгты ӕмӕ дзы фӕстӕмӕ ӕрцӕрыны фадат радта сириӕгтӕн. Ныронг дӕр уым цӕрынц.

Нымӕцтӕ 21:4

Ӕмӕ рараст сты Оры хохӕй Сырх денджызмӕ фӕндагыл, цӕмӕй Едомы бӕстӕйы иувӕрсты ацӕуой. Фӕндагыл адӕм бастадысты.

Нымӕцтӕ 33:35

Рараст сты Авронайӕ ӕмӕ рӕсӕнуат скодтой Ецион-Геверы.

Фӕлхатгонд ӕгъдау 1:1

Мӕнӕ, Моисей ӕппӕт израилӕгтӕн Иорданы фале, Аравӕйы ӕдзӕрӕг быдыры, Суфмӕ ӕввахс, Паран, Тофел, Лаван, Хацерот ӕмӕ Ди-Захавы астӕу цы загъта, уый.

Фӕтӕгтӕ 11:18

Уый фӕстӕ та ногӕй ӕдзӕрӕг быдырыл ацыдысты, Едом ӕмӕ Моавы рӕзты ахызтысты. Моавӕй скӕсӕнӕрдӕм араст сты ӕмӕ Арноны фале рӕсӕнуат скодтой, Моавы зӕхмӕ нӕ бахызтысты, афтӕмӕй. Арнон та ис Моавы арӕныл.