Фӕлхатгонд ӕгъдау 17:8 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

⁸ Туг ныккалди, быцӕу рауади, исчи фӕцӕф ис, ӕмӕ раст тӕрхон рахӕссыныл дӕ сахары дӕ зӕрдӕ нӕ дарыс, зӕгъгӕ, уӕд фӕцу, Дунедарӕг, дӕ Хуыцау, цы бынат равзӕрста, уырдӕм.

Фӕлхатгонд ӕгъдау 17:8 ပူးပေါင်းရင်းမြစ်များ

2 Паддзахӕдтӕ 15:2

Сӕумӕраджы-иу фестад, сахары кулдуармӕ фӕндаджы раз-иу ӕрлӕууыд ӕмӕ, паддзахмӕ йӕ хъуыддаг равзарыны тыххӕй чидӕриддӕр цыди, уыдонмӕ-иу фӕдзырдта ӕмӕ сӕ фарста: «Кӕцы сахарӕй дӕ?» Уый-иу, Израилы уыцы хӕдзарвӕндагӕй у дӕ цагъар, зӕгъгӕ, дзуапп куы радта,

1 Азфыстытӕ 26:29

Ицхары байзӕддагӕй: Кенаниа ӕмӕ йӕ фырттӕ. Адон Кувӕндоны нӕ куыстой, Израилӕн сӕ баурӕдтой бӕрнылӕгтӕ ӕмӕ тӕрхоны лӕгтӕй.

Рацыд 18:15

Моисей дзуапп радта йӕ каисӕн: «Адӕм мӕм ӕрбацӕуынц, цӕмӕй сын фӕрсон Хуыцауы.

Рацыд 18:26

Уыдон адӕмӕн систы тӕрхоны лӕгтӕ; уӕззау хъуыддӕгтӕ лӕвӕрдтой Моисеймӕ, рогдӕртӕ та ӕвзӕрстой сӕхӕдӕг.

Рацыд 21:20

Исчи йӕ цагъары, нӕлгоймаг кӕнӕ сылгоймаджы, лӕдзӕгӕй куы ныццӕва ӕмӕ йӕ афтӕмӕй куы ӕрбамара, уӕд ахӕм хицау бафхӕринаг у.

Рацыд 21:22

Нӕлгоймӕгтӕ хыл кӕнынц, ӕмӕ сӕ афтӕмӕй исчи ӕнхъӕлцау сылгоймаджы ныццавта, ӕмӕ уый февзӕр ис, фӕлӕ уымӕй дарддӕр йӕхи удӕн ницы уыди, зӕгъгӕ, уӕд, кӕй аххосӕй фефтыдта, уый сылгоймагӕн бафидӕд, йӕ сӕрыхицау цас зӕгъа, уыйас.

Рацыд 21:28

Гал йӕ сыкъатӕй нӕлгоймаг кӕнӕ сылгоймаджы мӕлӕтдзаг цӕф куы ныккӕна, уӕд ӕй дурты бын фӕкӕнын хъӕуы. Йӕ дзидза йын хӕрӕн нӕй. Галы хицау ницы аххосджын у.

Рацыд 22:2

Давӕджы сисы бын къахгӕ чи баййафа, афтӕмӕй йӕ чи ныццӕва ӕмӕ амара, уый азымджын нӕу.

Рацыд 22:8

Давӕджы не ссардтой, зӕгъгӕ, уӕд та хӕдзары хицау Хуыцауы раз ӕрлӕууӕд, кӕйдӕр исбонмӕ кӕй нӕ фӕныхылдта, уый сбӕлвырд кӕныны тыххӕй.

Езекиел 44:24

Быцӕйуаг хъуыддӕгты тыххӕй-иу ӕрлӕууӕнт тӕрхоны раз ӕмӕ-иу алы хъуыддаг дӕр райхалӕнт Мӕ амындтытӕм гӕсгӕ. Ӕххӕст Мын кӕнӕнт Ме ’гъдӕуттӕ ӕмӕ Мӕ уагӕвӕрдтӕ, стӕй Мӕ сабаты ӕгъдӕуттӕ.

Аггей 2:11

«Уӕларвӕфсады Бардарӕг афтӕ зӕгъы: бафӕрс-ма сауджынты мӕнӕ ахӕм хабарӕй.

Малахиа 2:7

Сауджыны дзыхӕй хъуамӕ, Хуыцауы базонынӕн пайда цы у, уыдӕттӕ хъуысой, йӕ ныхӕсты йын Хуыцауы Ӕгъдау агурынц, уымӕн ӕмӕ уый Уӕларвӕфсады Бардарӕджы минӕвар у.

Нымӕцтӕ 35:11

уӕд уӕхицӕн ӕмбӕхсӕн сахартӕ снысан кӕнут, ӕмӕ-иу ӕнӕбары чи фӕтуджджын ис, уый йӕ сӕр уым бафснайдзӕн.

Нымӕцтӕ 35:16

Исчи ӕфсӕйнагӕй искӕй ныццавта, зӕгъгӕ, ӕмӕ йӕ амардта, уӕд ныццӕвӕг у марӕг; марӕгӕн ӕнӕ амаргӕ нӕй.

Фӕлхатгонд ӕгъдау 1:17

Тӕрхон кӕнгӕйӕ, хъулон макӕй кӕнут: стырмӕ дӕр ӕмӕ чысылмӕ дӕр хъусут, макӕмӕй тӕрсут — тӕрхон Хуыцауӕй лӕвӕрд у. Зынӕвзарӕн уын цы хъуыддаг уа, уый та-иу мӕнмӕ фӕхӕццӕ кӕнут, ӕмӕ йӕм ӕз ӕркӕсдзынӕн“.

Фӕлхатгонд ӕгъдау 12:11

уӕд-иу, Дунедарӕг, уӕ Хуыцау, Йӕхӕдӕг кӕй равзара ӕмӕ Йӕ номы аккаг кӕй скӕна, уыцы бынатмӕ сӕмбӕлын кӕнут, цы уын фӕдзӕхсын, уыдон иууылдӕр: уӕ иууылсудзинаг нывӕндтӕ ӕмӕ уӕ иннӕ кусӕрттӕгтӕ, уӕ исбонӕй алцӕмӕн дӕр йӕ дӕсӕймаг хай ӕмӕ уӕ къухвӕллойы ӕппӕт хуынтӕ, Дунедарӕгӕн ӕй ратдзынӕн, зӕгъгӕ, цӕмӕйдӕриддӕр загътат, уыдон.

Фӕлхатгонд ӕгъдау 12:14

Уӕ мыггӕгтӕй иуы зӕххыл цы бынат равзара Дунедарӕг, уӕ Хуыцау, уым-иу хӕссут уӕ иууылсудзинаг нывӕндтӕ ӕмӕ-иу, цыдӕриддӕр уын фӕдзӕхсын, уыдӕттӕ кӕнут.

Фӕлхатгонд ӕгъдау 12:5

Уӕ мыггӕгтӕй иуы зӕххыл Дунедарӕг, уӕ Хуыцау, Йӕхицӕн бынат равзардзӕн. Уыцы бынат уыдзӕни Йӕ номыл, ӕмӕ-иу уырдӕм цӕут.

Фӕлхатгонд ӕгъдау 19:17

уӕд быцӕугӕнджытӕ дыууӕйӕ дӕр хъуамӕ ӕрлӕууой Дунедарӕджы раз: уыцы рӕстӕджы сауджынтӕ ӕмӕ тӕрхонгӕнджытӕ чи уа, уыдоны раз.

Фӕлхатгонд ӕгъдау 19:4

Туджджынӕн уыцы сахартӕй искӕцымӕ алидзӕн ӕмӕ уым йӕ сӕр бафснайӕн ис, знаг ын нӕ уыди, афтӕмӕй искӕй ӕнӕбары куы амара, уӕд.

Фӕлхатгонд ӕгъдау 21:5

Стӕй ӕрбацӕуӕнт сауджынтӕ, Левийы байзӕддӕгтӕ: уыдоны равзӕрста Дунедарӕг, уӕ Хуыцау, цӕмӕй Йын лӕггадгӕнӕг уой ӕмӕ Дунедарӕджы номӕй арфӕ кӕной, ӕмӕ уымӕ гӕсгӕ цыфӕнды быцӕу дӕр ӕмӕ уӕнгсаст фӕкӕныны фӕдыл цыфӕнды хъуыддаг равзарын дӕр уыдонмӕ хауы.

Фӕлхатгонд ӕгъдау 25:1

Исчи искӕимӕ фӕбыцӕу ис, зӕгъгӕ, уӕд сӕ тӕрхоны раз ӕрлӕууын хъӕуы: уадз ӕмӕ хъуыддаг ӕвзӕрст ӕрцӕуа ӕмӕ рабӕрӕг уа, раст чи у ӕмӕ зылын чи у, уый.