Фӕлхатгонд ӕгъдау 15:8 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

⁸ Дзагармӕй ӕрбалӕуу дӕ тыхст ӕфсымӕры фарсмӕ ӕмӕ йын, хъуаг цӕмӕй ӕййафы, уый ратт ӕфстау.

Фӕлхатгонд ӕгъдау 15:8 ပူးပေါင်းရင်းမြစ်များ

Ӕмбисӕндтӕ 19:17

Мӕгуыр лӕгӕн чи ӕххуыс кӕны, уый Дунедарӕгӕн ӕфстау дӕтты, йӕ хорздзинад ын Дунедарӕг бафиддзӕн.

Левит 25:35

Де ’фсымӕр, израилаг, куы смӕгуыр уа, йӕхи дарынхъом куынӕуал уа, уӕд-иу ӕм фӕкӕс, ӕрцӕуӕггагмӕ кӕнӕ, уе ’хсӕн рӕстӕгмӕ чи ’рцӕра, уымӕ куыд фӕкӕсис, афтӕ. Уадз ӕмӕ дарддӕр цӕра дӕ разы.

Матфей 5:42

Курӕгӕн ратт, ӕфстау агурӕгыл дӕхи ма атигъ кӕн.

Лука 6:34

Йӕ бафидынӕй уӕ ныфс кӕмӕй ис, кӕд ӕфстау уыдонӕн дӕттут, уӕд уый тыххӕй цавӕр хорзӕхы аккаг стут? Тӕригъӕдджынтӕ дӕр ӕфстау фӕдӕттынц тӕригъӕдджынтӕн, цӕмӕй, цас радтой, уый бӕрц фӕстӕмӕ райсой.

Галатӕгтӕм 2:10

Ӕрмӕст куырдтой, цӕмӕй ма рох кӕнӕм мӕгуырты, ӕмӕ ӕз зӕрдиагӕй архайын уый сӕххӕст кӕныныл.