Фӕлхатгонд ӕгъдау 15:11 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

¹¹ Бӕстӕйы кӕддӕриддӕр мӕгуыр адӕм уыдзӕни, ӕмӕ дын уымӕ гӕсгӕ фӕдзӕхсын ӕз: рӕдаукъух у де ’фсымӕрӕн, дӕ бӕстӕйы цӕрӕг ӕфхӕрд ӕмӕ мӕгуырӕн.

Фӕлхатгонд ӕгъдау 15:11 ပူးပေါင်းရင်းမြစ်များ

Рацыд 23:11

фӕлӕ-иу сӕ ӕвдӕм аз мауал байтаут. Йӕхигъӕдӕй уӕ хуымты цы ’рзайа, уый-иу хӕрӕнт уӕ адӕмы мӕгуыртӕ, уыдоны уӕлдӕйттӕ та — сырдтӕ. Афтӕ-иу бакӕнут уӕ сӕндӕттӕ ӕмӕ уӕ оливӕ бӕлӕстӕн дӕр.

Ӕмбисӕндтӕ 19:17

Мӕгуыр лӕгӕн чи ӕххуыс кӕны, уый Дунедарӕгӕн ӕфстау дӕтты, йӕ хорздзинад ын Дунедарӕг бафиддзӕн.

Ӕмбисӕндтӕ 22:2

Хъӕздыг ӕмӕ мӕгуыр фӕрсӕй-фӕрстӕм ӕрлӕудзысты, уымӕн ӕмӕ сӕ дыууӕйы дӕр Дунедарӕг сфӕлдыста.

Ӕмбисӕндтӕ 31:20

Мӕгуыр лӕгӕн йӕ арм байгом кӕны, ӕххуысхъуагмӕ йӕ къух бадары.

Езекиел 18:7

чи никӕй ӕфхӕры, йӕ хӕсджынӕн йӕ цъынды фӕстӕмӕ чи ратты, чи никӕй стигъы, йӕ къӕбӕрӕй ӕххормагӕн чи бахай кӕны ӕмӕ бӕгънӕгыл дарӕс чи скӕны,

Матфей 26:11

Уымӕн ӕмӕ мӕгуыртӕ ӕдзух уӕ фарсмӕ сты, Ӕз та ӕдзух уемӕ нӕ уыдзынӕн.

Матфей 5:42

Курӕгӕн ратт, ӕфстау агурӕгыл дӕхи ма атигъ кӕн.

Марк 14:7

Мӕгуыртӕ ӕдзух уӕ фарсмӕ сты, ӕмӕ уӕ кӕд бафӕнда, уӕд-иу сын баххуыс кӕнут, Ӕз та ӕдзух уемӕ нӕ уыдзынӕн.

Лука 12:33

Ауӕй кӕнут уӕ мулк ӕмӕ мӕгуыртӕн феххуыс кӕнут. Уӕхицӕн, хӕррӕгъ чи нӕ кӕны, ахӕм ӕвӕрӕндӕттӕ саразут; ӕрӕмбырд кӕнут ӕнӕихсигӕ хӕзнатӕ уӕлӕрвты — уырдӕм сӕм хуыснӕг нӕ баирвӕздзӕн ӕмӕ сӕ рӕмпӕг нӕ бахӕрдзӕн.

Иоанн 12:8

Мӕгуыртӕ ӕдзух уӕ фарсмӕ сты, Ӕз та ӕдзух уемӕ нӕ уыдзынӕн».

Апостолты хъуыддӕгтӕ 2:45

Уӕй кодтой сӕ мулк ӕмӕ ӕхца уӕрстой алкӕуыл дӕр, чи цас хъуаг ӕййӕфта, уымӕ гӕсгӕ.

Фӕлхатгонд ӕгъдау 15:7

Дунедарӕг, уӕ Хуыцау, сымахӕн кӕй дӕтты, уыцы бӕстӕйы сахартӕй искӕцыйы де ’фсымӕртӕй исчи мӕгуыр у, зӕгъгӕ, уӕд дӕ зӕрдӕ ма ныддур кӕн ӕмӕ йын йӕ размӕ афтид арм ма дар.

Фӕлхатгонд ӕгъдау 15:8

Дзагармӕй ӕрбалӕуу дӕ тыхст ӕфсымӕры фарсмӕ ӕмӕ йын, хъуаг цӕмӕй ӕййафы, уый ратт ӕфстау.