Фӕлхатгонд ӕгъдау 12:16 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

¹⁶ Фӕлӕ туджы хъӕстӕ ма фӕкӕнут уӕхи, зӕхмӕ-иу ӕй акалут донау.

Фӕлхатгонд ӕгъдау 12:16 ပူးပေါင်းရင်းမြစ်များ

Райдиан 9:4

Фыдызгъӕл хӕрыны бар уын ис, фӕлӕ туджы хъӕстӕ ма фӕут, уымӕн ӕмӕ туджы ис цард.

Езекиел 24:7

Уымӕн ӕмӕ туг ныккалдтой ацы сахары цӕрджытӕ, уыимӕ зӕххыл нӕ, фӕлӕ айнӕг къӕдзӕхыл, ӕндӕра рыджы бын фӕуыдаид зӕххыл.

Езекиел 33:25

Уымӕ гӕсгӕ сын фехъусын кӕн: „Дунедарӕг Хуыцау афтӕ зӕгъы: сымах дзидза тугимӕ хӕрут, уӕ гуымирытӕм уе ’ргом аздӕхтат, туг калут ӕмӕ ма ноджы зӕхх дӕр уӕхи бакӕнинаг стут?

Левит 19:26

Дзидза тугимӕ ма хӕрут. Дӕсны ма фӕрсут ӕмӕ кӕлӕнтӕ ма кӕнут.

Левит 3:17

Уый уын — мыггагмӕйы уагӕвӕрд, фӕлтӕрӕй-фӕлтӕрмӕ: кӕмдӕриддӕр цӕрат, кусарты фиутӕ ӕмӕ тугӕй уӕхи макуы фӕхъӕстӕ кӕнут».

Апостолты хъуыддӕгтӕ 15:20

Фӕлӕ сӕм ныффыссӕм, ӕмӕ сӕхи бахизӕнт, мӕнгхуыцӕуттӕн нывондӕн кӕй ӕрхастой ӕмӕ уый аххосӕй чи фӕчъизи, уыцы хойраг хӕрынӕй, хъахбайдзинадӕй, хӕдмӕл дзидза ӕмӕ туг хӕрынӕй [стӕй, сӕхицӕн сӕ цы нӕ фӕнды, уый иннӕтӕн дӕр ма кӕнӕнт].

Апостолты хъуыддӕгтӕ 15:29

мӕнгхуыцӕуттӕн хаст нывӕндтӕ, туг ӕмӕ хӕдмӕл дзидза хӕрынӕй, стӕй хъахбайдзинадӕй хи хизын [ӕмӕ, уӕхицӕн уӕ цы нӕ фӕнды, уый искӕмӕн нӕ кӕнын]. Уыдӕттӕй уӕхи куы хизат, уӕд раст бакӕндзыстут. Хӕрзбон».

Фӕлхатгонд ӕгъдау 15:22

Дӕ сахары йӕ хӕр. Уыцы дзидзайӕ, сӕгуыт ӕмӕ фысы фыдау, хӕрыны бар ис сыгъдӕг адӕймагӕн дӕр ӕмӕ, йӕхи чи фӕчъизи кодта, уымӕн дӕр.

Фӕлхатгонд ӕгъдау 15:23

Ӕрмӕст ын йӕ тугӕй макуы фӕхъӕстӕ кӕнут уӕхи, зӕхмӕ-иу ӕй акалут донау.

1 Тимофеймӕ 4:4

Хуыцау цыдӕриддӕр сфӕлдыста, уый у хорз ӕмӕ аппаринаг нӕу, бузныгӕй дзы куы хӕрай, уӕд,

1 Паддзахӕдтӕ 14:32

Тӕлӕттаг фыстӕ, стуртӕ ӕмӕ родтыл сӕхи ныццавтой ӕмӕ-иу сӕ зӕххыл ӕрбаргӕвстой. Сӕ туг-иу нӕма рацыди, афтӕмӕй сӕ хордтой.

1 Паддзахӕдтӕ 14:33

Саулмӕ фӕхабар чындӕуыд: «Мӕнӕ адӕм Дунедарӕджы раз тӕригъӕды цӕуынц — фыдызгъӕл тугимӕ хӕрынц». Саул загъта: «Тӕригъӕд ми бакодтат. Ӕрбатулут-ма мӕм стыр дур».