Езра 6:1 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

¹ Уыйадыл, Дарийы бардзырдмӕ гӕсгӕ, сӕ хӕзнатӕ кӕм ӕфснайдтой, уым, Вавилоны, чингуыты ӕвӕрӕндоны, агурынтӕ райдыдтой.

Езра 6:1 ပူးပေါင်းရင်းမြစ်များ

Езра 4:15

Рафӕлдахын кӕн дӕ фыдӕлты зӕрдылдарӕн хабӕртты чиныг ӕмӕ дзы бакӕсдзынӕ, Йерусалим, змӕнтгӕ чи кӕны, паддзӕхтӕн дӕр ӕмӕ бӕстӕйы алы кӕрӕттӕн дӕр зиан чи хӕссы, ахӕм сахар кӕй у, уый. Рагӕй-ӕрӕгмӕ дӕр уисӕн нӕ кӕны ӕмӕ дӕрӕнгонд дӕр уый аххосӕй ӕрцыдис.

Езра 4:19

Мӕ фӕндонмӕ гӕсгӕ сбӕлвырд кодтой, уыцы сахар рагӕй-ӕрӕгмӕ дӕр паддзӕхты ныхмӕ растынмӕ цӕттӕ кӕй уыд ӕмӕ-иу дзы уымӕ гӕсгӕ змӕстытӕ ӕмӕ хъӕлӕбатӕ кӕй рауадис, уый.

Езра 5:17

Кӕд паддзахӕн фӕндон уа, уӕд уым, Вавилоны, паддзахӕн цы чингуыты ӕвӕрӕндон ис, уым бацагурын кӕнӕд паддзах Киры уынаффӕ ӕмӕ нын, ӕцӕгӕйдӕр радта Кир Хуыцауы ацы хӕдзар аразыны бар Йерусалимы ӕви нӕ, уый фехъусын кӕнӕд».

Езра 6:22

Авд боны цин кодтой Донгонд дзулты бӕрӕгбоныл. Уымӕн ӕмӕ сын Дунедарӕг арфӕ ракодта, Ассирийы паддзахы зӕрдӕ сӕм раздӕхта, ӕмӕ сын уый йе ’ххуысы руаджы Израилы Хуыцауы хӕдзар аразынмӕ сӕ къухтӕ сфидар кодта.

Езра 7:13

бафӕдзӕхстон, цӕмӕй, мӕ паддзахады Израилы адӕм, сауджынтӕ ӕмӕ левиттӕй чи ис, уыдонӕй Йерусалиммӕ кӕйдӕриддӕр бафӕнда, уыдон ацӕуой йемӕ.

Иовы чиныг 29:16

Фӕхӕцӕг кӕмӕн нӕй, уыдонӕн фыд уыдтӕн, ӕнӕзонгӕйӕн-иу йӕ хъаст равзӕрстон лӕмбынӕг.

Псаломтӕ 40:7

Рынчынфӕрсджытӕ мын цурон ныхӕстӕ акӕнынц, сӕ зӕрдӕты та — марг: мӕ разӕй куы ацӕуынц, уӕд ракӕнынц мӕ фыдгой.

Ӕмбисӕндтӕ 25:2

Кадджын у Хуыцау — сусӕгтӕ ’мбӕхсӕг, цытджын у паддзах — сусӕгдзинӕдтӕ сгарӕг.

Йеремиа 36:29

Иудейы паддзах Иоакимӕн та зӕгъ: „Афтӕ зӕгъы Дунедарӕг: ды ацы чиныг басыгътай ӕмӕ загътай: ‚Дзӕгъӕлы ныффыстай, Вавилоны паддзах ӕнӕмӕнг фӕзындзӕн, ацы зӕхх сафтид кӕндзӕн ӕмӕ адӕмӕй, цӕрӕгойӕ се ’ппӕты дӕр ныццӕгъддзӕн!‘

Йеремиа 36:32

Йеремиа ӕндӕр тухгӕ чиныг райста ӕмӕ йӕ Нериайы фырт Барухмӕ радта. Ӕмӕ та Барух Йеремиайы ныхӕстӕм гӕсгӕ, иудейаг паддзах Иоаким кӕй басыгъта, уыцы чиныджы цыдӕриддӕр фыст уыди, уыдон ногӕй ныффыста ӕмӕ ма йӕм бафтыдта бирӕ ахӕм ныхӕстӕ.

Езекиел 2:9

Ӕз акастӕн ӕмӕ федтон: къух радардӕуыд мӕнӕрдӕм, къухы та — тухгӕ чиныг.

Езекиел 3:1

Ӕмӕ мын загъта: «Адӕймаджы фырт! Бахӕр дӕ разы уыцы тухгӕ чиныг, уый фӕстӕ цу ӕмӕ дзургӕ кӕн Израилы адӕмӕн».

Даниил 9:25

Байхъус ӕмӕ бамбар: Йерусалимы сахар ногӕй саразыны бардзырд куы рацӕуа, уыцы заманӕй Байсӕрст Фӕтӕджы онг рацӕудзӕни авд хатты ӕвдгай азтӕ ӕмӕ авд хатты дӕс ӕмӕ ӕртиссӕдз азы. Уый фӕстӕ сахары уынгтӕ арӕзт ӕрцӕудзысты, фӕлӕ рӕстӕг уыдзӕни тынг уӕззау.

Ӕргомад 5:1

Уӕд паддзахы бадӕны Бадӕджы рахиз къухы ӕз федтон, дыууӕрдыгӕй дӕр фыст кӕуыл уыд, ахӕм тухгӕ чиныг; ӕхгӕд уыдис авд мыхуырӕй.