Езекиел 9:1 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

¹ Дунедарӕг мын нӕргӕ хъӕлӕсӕй фехъусын кодта: «Ацы сахар бафхӕрын кӕмӕн бабар чындӕуыд, уыдон ӕрбацӕуӕнт, алкӕй къухы дӕр дзы хъуамӕ уа мӕлӕтхӕссӕг хӕцӕнгарз!»

Езекиел 9:1 ပူးပေါင်းရင်းမြစ်များ

4 Паддзахӕдтӕ 10:24

Ӕмӕ райдыдтой кусӕрттӕгтӕ кӕнын, иууылсудзинӕгтӕ хӕссын. Ныр Йегу та кувӕндоны ӕдде ӕрӕвӕрдта цыппарыссӕдз лӕджы ӕмӕ сын бафӕдзӕхста: «Баалы адӕмӕй уӕ иунӕджы дӕр удӕгасӕй чи ауадза, уый йӕ бӕсты амӕлдзӕн!»

1 Азфыстытӕ 21:15

Хуыцау мӕлӕтхӕссӕг зӕд арвыста Йерусалим бабын кӕнынмӕ, фӕлӕ уый адӕмы цӕгъдын куы райдыдта, уӕд Дунедарӕг ӕркаст ӕмӕ фӕтӕригъӕд кодта сахарӕн, нал Ӕй бафӕндыди бӕллӕх ӕруадзын. Зӕдӕн загъта: «Ӕгъгъӕд фӕуӕд! Ӕруадз дӕ къух». Уыцы уысм мӕлӕтхӕссӕг зӕд уыди йевусаг Орнаны мусы сӕрмӕ.

Рацыд 12:23

Дунедарӕг Мысырыл Йӕ азар бафтауынмӕ куы рацӕуа ӕмӕ уын уӕ уӕлкъӕсӕртӕ ӕмӕ уӕ тӕрвӕзтыл туг куы фена, уӕд мӕлӕтхӕссӕг зӕды нӕ бауадздзӕн уӕ хӕдзӕрттӕм бацӕуын, цӕмӕй уӕ ма амара.

Исайа 6:8

Уый фӕстӕ ӕз фехъуыстон Дунедарӕджы хъӕлӕс: «Кӕй арвитон? Чи Нын суыдзӕни минӕвар?» Ӕмӕ ӕз дзуапп радтон: «Мӕнӕ дӕн, мӕн арвит!»

Йеремиа 4:6

Уӕ тырыса сисут нысанӕн, цӕмӕй адӕм ӕрбацӕуой Сионмӕ! Ӕвӕстиатӕй лидзут, уымӕн ӕмӕ уӕм Ӕз цӕгатӕй ӕрбауадздзынӕн ӕбуалгъ фыдбылыз!

Езекиел 43:3

Ацы цӕстылуайӕн дӕр уыди, Кевары доны цур, стӕй ма иу хатт дӕр кӕй федтон, ахӕм. Ӕмӕ ныддӕлгом дӕн зӕххыл.

Ӕргомад 14:7

Зӕд хъӕрӕй дзырдта: «Тӕрсут Хуыцауӕй ӕмӕ Йын кад скӕнут, уымӕн ӕмӕ ралӕууыд Йӕ тӕрхоны рӕстӕг. Бакувут арв ӕмӕ зӕхх, денджыз ӕмӕ донгуырӕнтӕ Сфӕлдисӕгмӕ».