Езекиел 48:10 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

¹⁰ Ацы уаз зӕхх у сауджынты хай; цӕгатӕрдӕм дӕргъмӕ у фондз ӕмӕ ссӕдз мин ӕлмӕрины, ныгуылӕнӕрдӕм та уӕрхмӕ у дӕс мин ӕлмӕрины; скӕсӕнӕрдӕм уӕрхмӕ у дӕс мин ӕлмӕрины, хуссарӕрдӕм та дӕргъмӕ — фондз ӕмӕ ссӕдз мин ӕлмӕрины. Йӕ астӕу уыдзӕни Дунедарӕджы Кувӕндон.

Езекиел 48:10 ပူးပေါင်းရင်းမြစ်များ

Райдиан 13:14

Лот ӕмӕ Аврам куы байуӕрстой, уӕд Дунедарӕг Аврамӕн загъта: «Кӕм лӕууыс, уырдыгӕй-ма дӕ цӕст ахӕсс цӕгатыл, хуссарыл, скӕсӕныл ӕмӕ ныгуылӕныл.

Езекиел 44:28

Сауджынты фыдӕй-фыртмӕйы исбоны кой куы кӕнӕм, уӕд Ӕз Мӕхӕдӕг дӕн сӕ исбон. Зӕххы хай сын ма раттут Израилы: Ӕз Мӕхӕдӕг дӕн сӕ хай.

Езекиел 45:4

Ацы уаз зӕххы хай лӕвӕрд уыдзӕни Дунедарӕджы Кувӕндоны лӕггадгӕнӕг сауджынтӕн. Ам уыдзысты Кувӕндон ӕмӕ сауджынты хӕдзӕрттӕ.

Езекиел 48:9

Дунедарӕгӕн-иу рауӕлдай кӕнут, йӕ дӕргъ фондз ӕмӕ ссӕдз мин ӕлмӕрины кӕмӕн уа, йӕ уӕрх та — дӕс мин ӕлмӕрины, ахӕм зӕххы хай.

Матфей 10:10

нӕдӕр хордзен, нӕдӕр ивӕн дарӕс, нӕдӕр дзабыртӕ, нӕдӕр лӕдзӕг. Уымӕн ӕмӕ кусӕг уый аккаг у, цӕмӕй йын къӕбӕр бахӕрын кӕной.