Езекиел 41:12 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

¹² Кувӕндонӕн йӕ ныгуылӕнварс цы фӕз уыд, уый ӕмарӕн цыди бӕстыхай, йӕ уӕрх — ӕвдай ӕлмӕрины, йӕ дӕргъ та — нӕуӕдз ӕлмӕрины. Уыцы бӕстыхайӕн йӕ къулты бӕзн уыди фондз ӕлмӕрины.

Езекиел 41:12 ပူးပေါင်းရင်းမြစ်များ

Езекиел 42:1

Уыцы лӕг мӕ ракодта ӕддаг кӕртмӕ, цӕгатварсмӕ. Уым кӕрт ӕмӕ цӕгатварсы стыр бӕстыхайы ныхмӕ лӕууыд иу бӕстыхай, йӕ мидӕг — цалдӕр агъуысты.

Езекиел 42:10

Хуссарӕрдыгӕй дӕр ӕддаг кӕрты быруйы ӕмкъул, Кувӕндоны ӕмӕ фӕзы чъылдыммӕ, уыди, цалдӕр агъуысты кӕм уыд, ахӕм бӕстыхай.

Езекиел 42:13

Кӕимӕ уыдтӕн, уыцы лӕг мын загъта: «Фӕзы цур цӕгатӕрдӕм ӕмӕ хуссарӕрдӕм чи кӕсы, уыцы агъуыстытӕ сты уаз, Кувӕндоны мидӕг, Дунедарӕгӕн чи кусы, уыцы сауджынтӕн лӕвӕрд сты. Ам фӕхӕрынц, нывӕндтӕй сӕм цы хӕйттӕ хауы, уыдон. Ам ӕрӕвӕрынц иууылсыгъдӕг мысайнӕгтӕ, хойраджы хуынтӕ, тӕригъӕды нывонд ӕмӕ фиддоны нывонд, уымӕн ӕмӕ ацы бынат уаз у.

Ӕргомад 21:27

Чъизи цы уа, ахӕмӕй йӕм ницы бацӕудзӕн, ӕлгъаг ӕмӕ фӕливӕн митӕ чи кӕны, уыдонӕй дӕр ӕм фӕндаг никӕмӕн уыдзӕн, фӕлӕ йӕм бацӕудзысты, Уӕрыкмӕ царды чиныджы фыст чи у, ӕрмӕстдӕр уыдон.