Езекиел 41:1 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

^1-2 Уый фӕстӕ мӕ уыцы лӕг бакодта Кувӕндонмӕ ӕмӕ йӕ сбарста. Йӕ бацӕуӕны уӕрх уыди дӕс ӕлмӕрины, бацӕуӕнӕн йӕ фӕйнӕфарс къулты дӕргъ — фӕйнӕ фондз ӕлмӕрины, йӕ цӕджындзты бӕзн та — фӕйнӕ ӕхсӕз ӕлмӕрины. Кувӕндонӕн мидӕгӕй йӕ дӕргъ уыди цыппор ӕлмӕрины, йӕ уӕрх та — ссӕдз ӕлмӕрины.

Езекиел 41:1 ပူးပေါင်းရင်းမြစ်များ

3 Паддзахӕдтӕ 6:1

Израилӕгтӕн Мысыры цагъарадӕй се ссӕрибарыл цыппарсӕдӕ ӕстай азы куы рацыд, уӕд Соломон йӕ паддзахиуӕджы цыппӕрӕм азы дыккаг мӕйы, зивы мӕйы, Дунедарӕгӕн Кувӕндон аразын райдыдта.

3 Паддзахӕдтӕ 6:2

Соломон Дунедарӕгӕн цы Кувӕндон саразын кодта, уымӕн йӕ дӕргъ уыдис ӕртиссӕдз ӕлмӕрины, йӕ уӕрх — ссӕдз ӕлмӕрины, йӕ бӕрзӕнд та — дӕс ӕмӕ ссӕдз ӕлмӕрины.

Езекиел 40:17

Уыцы лӕг мӕ бакодта ӕддаг кӕртмӕ, йӕ алыварс — ӕртын агъуысты. Кӕрт уыди дурӕй астӕрд.

Езекиел 41:21

Кувӕндонмӕ бацӕуӕны дуарӕн уыди цыппаркъӕпхӕнон тарвӕзтӕ, иу тарваз — иннӕйы мидӕг, Рухсмонуаты бацӕуӕны дӕр афтӕ.

Езекиел 41:23

Кувӕндонмӕ ӕмӕ Рухсмонуатмӕ бацӕуӕнтӕн уыди дывӕлдах дуӕрттӕ, ӕвдузӕнтыл зилгӕ дыгай базыртимӕ.

Езекиел 41:3

Уыцы лӕг бацыди Кувӕндоны рӕбинаг агъуысты размӕ ӕмӕ йын сбарста йӕ бацӕуӕны цӕджындзтӕ. Сӕ уӕрх уыдис ӕхсӕз ӕлмӕрины, бацӕуӕнӕн йӕ фӕйнӕфарс къулты дӕргъ — фӕйнӕ авд ӕлмӕрины, сӕ бӕзн та, къултӕн дӕр ӕмӕ бацӕуӕны цӕджындзтӕн дӕр, — дыууӕ ӕлмӕрины.

Езекиел 42:1

Уыцы лӕг мӕ ракодта ӕддаг кӕртмӕ, цӕгатварсмӕ. Уым кӕрт ӕмӕ цӕгатварсы стыр бӕстыхайы ныхмӕ лӕууыд иу бӕстыхай, йӕ мидӕг — цалдӕр агъуысты.

1 Петр 2:5

Ӕмӕ сымах дӕр цардӕгас дуртау уӕхи раттут Хуыцауӕн, уӕхицӕй лӕггады хӕдзар самайынӕн; уыдзыстут дзы сыгъдӕг кусджытӕ ӕмӕ Йын Йесо Чырыстийы фӕрцы хӕсдзыстут фӕндиаг нывӕндтӕ — лӕггад Ын кӕндзыстут Сыгъдӕг Удӕй разӕнгардӕй.

Ӕргомад 21:15

Сахарӕн йӕхи, йӕ къул ӕмӕ йӕ дуӕрттӕ барынӕн, мемӕ чи дзырдта, уыцы зӕдмӕ уыди сыгъзӕрин лӕдзӕг.

Ӕргомад 21:3

Паддзахы бадӕнӕй ӕз фехъуыстон тыхджын хъӕлӕс: «Мӕнӕ ис Хуыцауы Уаз Цӕрӕн, Уый цӕрдзӕнис адӕмимӕ! Уыдон уыдзысты Йӕ адӕм, Хуыцау Йӕхӕдӕг уыдзӕни семӕ ӕмӕ уыдзӕн сӕ Хуыцау.

Ӕргомад 3:12

Уӕлахиздзауы скӕндзынӕн Мӕ Хуыцауы Кувӕндоны астӕуккаг цӕджындз, ӕмӕ дзы никуыуал рацӕудзӕн. Ныффысдзынӕн ыл Мӕ Хуыцауы ном, уӕларвӕй, Мӕ Хуыцауӕй, чи ӕрцӕудзӕн, Мӕ Хуыцауы уыцы ног сахары — Йерусалимы ном ӕмӕ Мӕ ног ном.