Езекиел 40:6 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

⁶ Уый фӕстӕ рацыди кулдуармӕ, йе ’ргом скӕсӕнӕрдӕм арӕзт кӕмӕн уыд, уымӕ, схызт ын йӕ асинтыл ӕмӕ йын сбарста йӕ къӕсӕры бӕзн — уыди барӕн хъилы йас.

Езекиел 40:6 ပူးပေါင်းရင်းမြစ်များ

3 Паддзахӕдтӕ 6:8

Ӕфтуанагъуыстӕн йӕ бинаг уӕладзыгмӕ Кувӕндоны хуссарварсӕрдыгӕй уыди дуар. Бинаг уӕладзыгӕй дыккагмӕ, дыккагӕй та ӕртыккагмӕ цыди здыхсгӕ асин.

1 Азфыстытӕ 9:18

Ныронг дӕр сӕ мыггӕгтӕ хъалагъур хӕссынц Паддзахы кулдуары цур, Кувӕндоны скӕсӕнварс. Сӕ фыдӕлтӕ кӕддӕр уыдысты левитты рӕсӕнуӕтты хъахъхъӕнджытӕ.

1 Азфыстытӕ 9:24

Дуаргӕстӕ хъалагъур хастой цыппарӕрдыгӕй: скӕсӕнӕрдыгӕй, ныгуылӕнӕрдыгӕй, цӕгатӕрдыгӕй ӕмӕ хуссарӕрдыгӕй.

Неемиа 3:29

Сӕ фарсмӕ, йӕ хӕдзары акомкоммӕ, амадта Иммеры фырт Цадок. Уый фарсмӕ та — Шеханиайы фырт Шемайа, скӕсӕйнаг кулдуары хъахъхъӕнӕг.

Псаломтӕ 84:10

Чи Дзы тӕрсы, уыдоны рӕхджы фервӕзын кӕндзӕн, ӕмӕ нӕ бӕстӕйы Хуыцауы кад ӕрцӕрдзӕн.

Йеремиа 19:2

ӕмӕ ацу Хинномы фырты дӕлвӕзмӕ, Дурынгӕнӕджы кулдуары фалемӕ. Уыцы ран Мын Мӕ ныхӕстӕ фехъусын кӕн:

Езекиел 10:18

Дунедарӕджы кад Кувӕндоны къӕсӕрӕй иуварс айста йӕхи ӕмӕ ӕрлӕууыди херувимты сӕрмӕ.

Езекиел 11:1

Хуыцауы Уд мӕ систа ӕмӕ мӕ бакодта Дунедарӕджы Кувӕндоны скӕсӕйнаг кулдуармӕ. Кулдуары цур лӕууыди фондз ӕмӕ ссӕдз лӕджы. Се ’хсӕн сын федтон Аззуры фырт Иазанийы ӕмӕ Бенайайы фырт Пелатиайы, адӕмы фӕтӕгты.

Езекиел 40:20

Ӕмӕ уыцы лӕг сбарста ӕддаг кӕрты цӕгатварс кулдуары уӕрх.

Езекиел 40:22

Сӕ рудзгуыты, сӕ къуыпп цӕджындзгӕндты ӕмӕ сӕ пальмӕты ас уыди скӕсӕнварс кулдуары уӕтты халдих. Кулдуармӕ цыди авд къӕпхӕны.

Езекиел 40:24

Стӕй мӕ уыцы лӕг бакодта хуссарварс кӕртмӕ, йӕ кулдуары ’рдӕм. Уым дӕр сбарста ӕппӕт дӕр, цӕджындзӕй, тыргъӕй, ӕмӕ уыдон дӕр уыдысты иннӕты халдих. Ам дӕр кулдуармӕ цыди авд къӕпхӕны. Кулдуарӕн йӕ дӕргъ уыди фӕндзай ӕлмӕрины, йӕ уӕрх та — дыууын фондз ӕлмӕрины. Бацӕуӕны фӕйнӕфарс алы цӕджындзы цъуппыл дӕр — пальмӕ.

Езекиел 40:5

Ӕз Кувӕндоны алыварс федтон быру. Уым цы лӕг лӕууыд, уый йӕ барӕн хъилӕй — йӕ дӕргъ ӕхсӕз ӕлмӕрины (хуымӕтӕг ӕлмӕринӕй армытъӕпӕны бӕрц стырдӕртӕ) — сбарста быруйӕн йӕ фӕтӕн ӕмӕ йӕ бӕрзӕнд, ӕмӕ дыууӕрдӕм дӕр уыди барӕн хъилы йас.

Езекиел 40:7

Мидӕгӕй, скӕсӕнварс цы кулдуар уыди, уый фӕйнӕфӕрсты, йӕ бакомкоммӕ фаллаг кулдуары ’рдӕм дыууӕ рӕнхъӕй цыдысты фӕрссаг хатӕнтӕ, ӕртыгӕйттӕ. Уыцы лӕг сӕ сбарста, ӕмӕ алы хатӕнӕн дӕр йӕ дӕргъ дӕр ӕмӕ йӕ уӕрх уыдысты барӕн хъилы йӕстӕ. Хатӕнӕй хатӕны ’хсӕн уыди фондз ӕлмӕрины. Фаллаг кулдуарӕн дӕр, скӕсӕнварс цы кулдуӕрттӕ уыди, уыдонау йӕ къӕсӕры бӕзн уыди барӕн хъилы йас. Кулдуарӕн йе ’ргом — тыргъы ’рдӕм, тыргъӕн йӕ дӕргъ уыдис аст ӕлмӕрины, йӕ разӕй дыууӕ цӕджындзӕн та сӕ бӕзн уыди фӕйнӕ дыууӕ ӕлмӕрины. Тыргъ лӕууыди кулдуарӕй Кувӕндоны ’хсӕн.

Езекиел 41:16

астӕрдӕй хӕрдмӕ, рудзгуыты онг чи ссыд, уыцы хъӕдын уӕлхуыд фӕлыст, ӕртывазыг фӕлгӕтджын рудзгуытӕ,

Езекиел 42:15

Уыцы лӕг Кувӕндон ӕд кӕртытӕ куы сбарста, уӕд мӕ скӕсӕнварс кулдуарыл ӕддӕмӕ ракодта ӕмӕ райдыдта барын Кувӕндоны систӕ.

Езекиел 43:1

Уый фӕстӕ мӕ уыцы лӕг ӕрбакодта скӕсӕнварс кулдуармӕ.

Езекиел 43:17

Нывондхӕссӕн цы къӕпхӕныл лӕууы, уый дӕр — цыппаркъуымон, йӕ уӕрх ӕмӕ йӕ дӕргъ — цыппӕрдӕсгай ӕлмӕринтӕ. Бындуры кӕрӕтты алырдыгӕй цы цыхцырӕг къахт ис, уый у ӕмбисӕлмӕрины ӕрфӕн, бындурӕн йӕ бӕрзӕнд та у иу ӕлмӕрин».

Езекиел 43:8

Сӕ къӕсӕртӕ ӕвӕрдтой Мӕ къӕсӕрты цур, сӕ тарвӕзтӕ — Мӕ тарвӕзты цур ӕмӕ ӕмкъул цардысты Мемӕ. Афтӕмӕй Мын се ’наккаг митӕй ӕгад кодтой Мӕ уаз ном ӕмӕ сӕ Мӕ фыр мӕстӕй бабын кодтон.

Езекиел 44:1

Уыцы лӕг мӕ ногӕй скӕсӕнварс кулдуары цурмӕ ӕрбакодта. Кулдуар уыди ӕхгӕд.

Езекиел 46:12

Адӕмы фӕтӕг Дунедарӕгӕн иууылсудзинаг кӕнӕ фидыды нывонд бархийӕ ӕрхӕссинаг куы уа, уӕд-иу ын байгом кӕнӕнт скӕсӕйнаг кулдуар, ӕмӕ-иу, сабаты куыд бакодта, афтӕ ӕрхӕссӕд йӕ иууылсудзинаг ӕмӕ йӕ фидыды нывонд, уый фӕстӕ-иу рацӕуӕд. Куы рацӕуа, уӕд-иу кулдуар ӕхгӕд ӕрцӕуӕд йӕ фӕдыл.

Езекиел 47:1

Уый фӕстӕ мӕ уыцы лӕг фӕстӕмӕ ӕрбакодта Кувӕндоны дуармӕ, ӕмӕ федтон, Кувӕндоны къӕсӕры бынӕй скӕсӕнӕрдӕм дон куыд цӕуы, уый — Кувӕндонӕн йе ’ргом арӕзт уыди скӕсӕнӕрдӕм. Дон Кувӕндоны рахиз фисыны ’рдыгӕй калди нывондхӕссӕны хуссарвӕрсты.

Езекиел 8:16

Дунедарӕг мӕ бакодта Кувӕндоны мидӕггаг кӕртмӕ, ӕмӕ дын мӕнӕ Дунедарӕджы Кувӕндоны къӕсӕрмӕ, тыргътӕй нывондхӕссӕны ’хсӕн, фондз ӕмӕ ссӕдз лӕджы лӕууы. Сӕ чъылдымтӕ сарӕзтой Дунедарӕджы Кувӕндонмӕ, се ’ргом та хурыскӕсӕнмӕ ӕмӕ хурыскӕсӕнӕрдӕм хурӕн куывтой.