Езекиел 40:5 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

⁵ Ӕз Кувӕндоны алыварс федтон быру. Уым цы лӕг лӕууыд, уый йӕ барӕн хъилӕй — йӕ дӕргъ ӕхсӕз ӕлмӕрины (хуымӕтӕг ӕлмӕринӕй армытъӕпӕны бӕрц стырдӕртӕ) — сбарста быруйӕн йӕ фӕтӕн ӕмӕ йӕ бӕрзӕнд, ӕмӕ дыууӕрдӕм дӕр уыди барӕн хъилы йас.

Езекиел 40:5 ပူးပေါင်းရင်းမြစ်များ

Псаломтӕ 125:2

Нӕ цины хъӕр хъуысти, зарыдыстӕм, махмӕ кӕсгӕйӕ, адӕмтӕ дзырдтой: «Дунедарӕг сын стыр диссаг сарӕзта!»

Исайа 26:1

Уыцы бон Иудейы зӕххыл ахӕм зарӕг сисдзысты: «Нӕ сахар хъомысджын у, фидар! Хуыцау нӕ фервӕзын кодта, сахары алыварс сис ӕмӕ сыджытбыру самайӕгау.

Исайа 60:18

Дӕ зӕхх никуыуал бавзардзӕн тыхми, гӕныстон ӕмӕ заууатмӕ никуыуал ӕрцӕудзӕн. Дӕ систӕ дын суыдзысты ирвӕзынгӕнӕг, дӕ кулдуӕрттӕ та — кад хӕссӕг.

Езекиел 41:8

Кувӕндоны бындуры ӕз федтон бӕрзондӕвӕрд астӕрд, фӕрссаг хатӕнтӕн дӕр сӕ бындуры уый уыди, йӕ бӕрзӕнд — ӕхсӕз ӕлмӕрины.

Езекиел 42:15

Уыцы лӕг Кувӕндон ӕд кӕртытӕ куы сбарста, уӕд мӕ скӕсӕнварс кулдуарыл ӕддӕмӕ ракодта ӕмӕ райдыдта барын Кувӕндоны систӕ.

Езекиел 42:20

Афтӕмӕй йын сбарста йӕ цыппар фарсы дӕр, ӕмӕ Кувӕндоны систӕн сӕ дӕргъ алырдыгӕй дӕр уыди фӕйнӕ фондзсӕдӕ ӕлмӕрины. Уыцы систӕ уаз зӕххы хай хицӕн кодтой, уаз чи нӕ уыд, уыцы зӕххӕй.

Езекиел 43:13

Мӕнӕ нывондхӕссӕны арӕзт, йӕ ас, ӕлмӕринтӕй баргӕйӕ (хуымӕтӕг ӕлмӕринӕй армытъӕпӕны бӕрц стырдӕртӕ). Йӕ бындуры тигъы уӕрх у иу ӕлмӕрин, бындурӕн йӕ бӕрзӕнд дӕр — иу ӕлмӕрин. Бындуры кӕрӕтты алырдыгӕй ис цыхцырӕг къахт, уылынджы йас. Уый у нывондхӕссӕны бындур.

Захариа 2:5

Ӕз сахары алыварс ӕхсидгӕ сис фестдзынӕн, — зӕгъы Дунедарӕг, — ӕмӕ йӕ адӕмы ’хсӕн скадджын уыдзынӕн. Лидзгӕут цӕгатӕй, — зӕгъы Дунедарӕг, — уымӕн ӕмӕ уӕ Ӕз, дымгӕмӕ фӕйлауӕгау, алы рӕтты ныххӕлиу кодтон, — зӕгъы Дунедарӕг.

Фӕлхатгонд ӕгъдау 3:11

Рефаимтӕй ма фӕстагмӕ ӕрмӕстдӕр Ог, Башаны паддзах, баззади. Йӕ хуыссӕнуат уыдис ӕфсӕйнагӕй конд, йӕ дӕргъ — фараст ӕлмӕрины, йӕ уӕрх — цыппар ӕлмӕрины. Уый ныр дӕр ис аммонӕгты зӕххыл, Раввайы.

Ӕргомад 21:12

Сахары къул уыди стыр ӕмӕ бӕрзонд, уыди дзы дыууадӕс дуары, дуӕрттыл лӕууыдысты дыууадӕс зӕды. Дуӕрттыл фыст уыдысты израилаг адӕмы дыууадӕс мыггаджы нӕмттӕ.