Езекиел 40:44 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

⁴⁴ Цӕгатварс кулдуары ӕмӕ хуссарварс кулдуары цур уыди фӕйнӕ агъуысты. Фыццаг агъуыстӕн йе ’ргом уыд хуссарӕрдӕм, дыккагӕн та — цӕгатӕрдӕм.

Езекиел 40:44 ပူးပေါင်းရင်းမြစ်များ

Езекиел 40:27

Мидӕггаг кӕрты хуссарварс кулдуарӕн дӕр йе ’ргом уыди дӕллаг кулдуары ’рдӕм арӕзт, ӕмӕ уыцы лӕг дыууӕ кулдуары ’хсӕн банымадта сӕдӕ ӕлмӕрины.

Езекиел 40:23

Цӕгатварс кулдуарӕн дӕр, скӕсӕнварс цы кулдуар уыди, уыйау йе ’ргом арӕзт уыди мидӕггаг кӕрты кулдуары ’рдӕм. Кулдуӕртты ’хсӕн та уыди сӕдӕ ӕлмӕрины.

Колоссӕгтӕм 3:16

Чырыстийы ныхас парахатӕй цӕрӕд уӕ зӕрдӕты. Ӕмӕ уын цы бирӕ зонд дӕтты, уый фӕрцы зонд амонут ӕмӕ ахуыр кӕнут уӕ кӕрӕдзийы. Хорзӕхӕй хайджынӕй Хуыцауӕн зӕрдиагӕй зарут псаломтӕ, гимнтӕ ӕмӕ удварны зарджытӕ.

Эфесӕгтӕм 5:19

Куы ӕрӕмбырд вӕййут, уӕд зарут псаломтӕ, гимнтӕ ӕмӕ монон зарджытӕ; зӕрдиагӕй зарут ӕмӕ стаут Бардарӕджы.

Езекиел 40:38

Цӕгатварс кулдуары раз уыд иу агъуыст, тыргъӕй йӕм уыди дуар. Уым донӕй ныхсынц иууылсудзинаджы уӕнгтӕ.

Езекиел 40:29

Уым дӕр уыд иннӕты хуызӕн фӕрссаг хатӕнтӕ, цӕджындзтӕ, тыргътӕ, алырдыгӕй — рудзгуытӕ. Уым дӕр фӕзахсты дӕргъ уыди фӕндзай ӕлмӕрины, йӕ уӕрх та — дыууын фондз ӕлмӕрины.

Езекиел 40:17

Уыцы лӕг мӕ бакодта ӕддаг кӕртмӕ, йӕ алыварс — ӕртын агъуысты. Кӕрт уыди дурӕй астӕрд.

Езекиел 40:7

Мидӕгӕй, скӕсӕнварс цы кулдуар уыди, уый фӕйнӕфӕрсты, йӕ бакомкоммӕ фаллаг кулдуары ’рдӕм дыууӕ рӕнхъӕй цыдысты фӕрссаг хатӕнтӕ, ӕртыгӕйттӕ. Уыцы лӕг сӕ сбарста, ӕмӕ алы хатӕнӕн дӕр йӕ дӕргъ дӕр ӕмӕ йӕ уӕрх уыдысты барӕн хъилы йӕстӕ. Хатӕнӕй хатӕны ’хсӕн уыди фондз ӕлмӕрины. Фаллаг кулдуарӕн дӕр, скӕсӕнварс цы кулдуӕрттӕ уыди, уыдонау йӕ къӕсӕры бӕзн уыди барӕн хъилы йас. Кулдуарӕн йе ’ргом — тыргъы ’рдӕм, тыргъӕн йӕ дӕргъ уыдис аст ӕлмӕрины, йӕ разӕй дыууӕ цӕджындзӕн та сӕ бӕзн уыди фӕйнӕ дыууӕ ӕлмӕрины. Тыргъ лӕууыди кулдуарӕй Кувӕндоны ’хсӕн.