Езекиел 23:3 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

³ Се ’взонгӕй фӕстӕмӕ хӕтыны къахыл ныллӕууыдысты Мысыры бӕсты. Уым ӕууӕрст цыдысты сӕ риутӕ, сӕ чызгон дзидзитӕ.

Езекиел 23:3 ပူးပေါင်းရင်းမြစ်များ

Йеремиа 3:9

Йе ’нӕуромгӕ хъахбай митӕй фӕчъизи кодта зӕхх, дуртӕ ӕмӕ бӕлӕстимӕ хъахбай митӕ кодта.

Езекиел 16:15

Фӕлӕ ды, рӕсугъд кӕй дӕ, ууыл зӕрдӕ дардтай ӕмӕ, дӕ намысӕй пайдагӕнгӕйӕ, райдыдтай хӕтын. Дӕ цурты-иу чидӕриддӕр рацӕйцыд, уыдонимӕ хъахбай митӕ кодтай.

Езекиел 16:22

Де ’лгъаг ӕмӕ хъахбай митӕ кӕнгӕйӕ, никуы ӕрымысыдтӕ, де ’взонджы бонты мадард бӕгънӕг кӕй уыдтӕ ӕмӕ дӕ туджы кӕй мӕцыдтӕ, уый.

Езекиел 20:7

Уыимӕ сын загътон: ‚Алчидӕр уӕ аппарӕд, кӕсынӕй кӕмӕ не ’фсӕдут, йӕ уыцы гуымирытӕ ӕмӕ уӕхи ма чъизи кӕнут Мысыры хуыцаугӕндтӕй. Ӕз дӕн Дунедарӕг, уӕ Хуыцау‘

Езекиел 20:8

Фӕлӕ уыдон Мӕ ныхмӕ фесты ӕмӕ Мӕм нӕ байхъуыстой. Ничи сӕ аппӕрста, сӕ мондӕгтӕ кӕмӕй истой, уыцы гуымирытӕ, ӕмӕ сӕ Мысыры хуыцаугӕндтыл ничи атигъ кодта йӕхи. Ӕмӕ уӕд загътон, Мӕ маст сыл ныккалдзынӕн ӕмӕ сыл Мӕ азар ныххуырсдзынӕн Мысыры зӕххыл, зӕгъгӕ.

Езекиел 23:19

Йе ’взонджы бонты Мысыры зӕххыл куыд хатти, уый мысгӕйӕ, райдыдта ноджы фылдӕр хӕтын.

Езекиел 23:21

Афтӕмӕй ногӕй байдыдтай де ’взонджы бонты ӕнӕуаг митӕ кӕнын. Уӕд дын мысырӕгтӕ ӕууӕрстой дӕ риутӕ, дӕ чызгон риутӕ».

Езекиел 23:34

Йӕ тӕккӕ бынтӕм ӕй бануаздзынӕ, стӕй йӕ базгъӕлӕнтӕ кӕндзынӕ ӕмӕ дӕ риутӕ ныттондзынӕ, уымӕн ӕмӕ афтӕ загътон Ӕз», — зӕгъы Дунедарӕг Хуыцау.

Езекиел 23:4

Хистӕр хойӕн йӕ ном уыди Охола, кӕстӕрӕн та — Охолива. Уыдон Мӕ къухы уыдысты, ныййардтой Мын фырттӕ ӕмӕ чызджытӕ. Охола у Самари, Охолива та — Йерусалим.

Езекиел 23:43

Ӕз загътон, йӕ фыр хъахбайӕ чи ӕрхӕррӕгъ, уыцы Охолива ныр йе ’нӕуаг митӕ ныууадздзӕни, зӕгъгӕ.

Езекиел 23:8

Мысырӕгтимӕ хъахбай митӕ кӕнынӕй дӕр не ’нцад. Уыдон йемӕ ӕмуат цыдысты йе ’взонджы бонтӕй фӕстӕмӕ, ӕууӕрстой йын йӕ чызгон дзидзитӕ, фӕчъизи-иу ӕй кодтой, сӕ хъахбай мондӕгтӕ дзы исгӕйӕ.

Осиа 1:2

Дунедарӕг Осиайы уылты ныхас кӕнын куы райдыдта, уӕд ын ӕппӕты фыццаг загъта: «Бавдӕл, хъахбай сылгоймаджы ракур ӕмӕ хъахбай цот рауадз, уымӕн ӕмӕ ацы зӕхх Дунедарӕгыл йӕхи атигъ кодта ӕмӕ схъахбай ис».

Осиа 2:15

Уым ын Ӕз фӕстӕмӕ ратдзынӕн йӕ сӕндӕттӕ, Ахоры дӕлвӕз фестдзӕни ныфсы дуар. Ӕмӕ уым райхъуысдзӕни йӕ зарӕг, ӕвзонг ма куы уыд ӕмӕ Мысыры зӕххӕй куы рацыд, уӕд куыд уыдис, афтӕ.

Левит 17:7

Цы цӕуӕнгӕс дӕлимонтимӕ хӕтынц, уыдонӕн мауал хӕссӕнт нывӕндтӕ. Уый сын уӕд мыггагмӕйы уагӕвӕрд, фӕлтӕрӕй-фӕлтӕрмӕ.

Фӕлхатгонд ӕгъдау 29:16

Уӕхӕдӕг ӕй зонут, Мысыры куыд цардыстӕм ӕмӕ уый фӕстӕ алы бӕстӕтыл куыд цыдыстӕм, уый.

Нуны фырт Йешуа 24:14

«Гъемӕ, — дзырдта дардӕр Йешуа, — аргъуыц кӕнут Дунедарӕгӕн, лӕггад Ын кӕнут сыгъдӕгзӕрдӕйӕ, ӕнӕхинӕй! Доны фале ӕмӕ Мысыры уӕ фыдӕлтӕ кӕмӕн лӕггад кодтой, уыцы хуыцӕуттыл уӕ къух ауигъут, ӕмӕ лӕггад кӕнут ӕрмӕстдӕр Дунедарӕгӕн!

Ӕргомад 11:8

Сӕ мӕрдтӕ баззайдзысты, сӕ Бардарӕджы сын кӕм байтыгътой, фӕсномыгӕй Содом ӕмӕ Мысыр кӕй хонынц, уыцы стыр сахары уынджы.