Езекиел 18:6 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

⁶ Израилы адӕмы гуымирытӕм чи нӕ кувы ӕмӕ сын кувӕн къуыбыртыл сӕ нывӕндтӕй чи нӕ аходы, йӕ хионы усы чи нӕ ӕгад кӕны ӕмӕ йӕхи усимӕ йӕ туг цӕуыны заман чи нӕ ӕрӕмуат вӕййы,

Езекиел 18:6 ပူးပေါင်းရင်းမြစ်များ

Псаломтӕ 121:1

Уӕлвонг Кувӕндонмӕ цӕуджыты зарӕг. Сарӕзта йӕ Давид. Дунедарӕджы хӕдзармӕ цомут, зӕгъгӕ, куы фехъуыстон, уӕд ныццин кодтон.

Рацыд 34:15

Уыцы зӕххы цӕрджытимӕ макуы бафидаут. Кӕннод, сӕ хуыцӕуттӕм кувгӕйӕ, нывӕндтӕ сын хӕсгӕйӕ, фӕхондзысты сымах дӕр, ӕмӕ сын сӕ нывӕндты дзидзайӕ хӕрдзыстут.

Ӕмбисӕндтӕ 6:29

Уӕдӕ искӕй усимӕ ӕмуат чи ’рцӕуы, уый дӕр афтӕ — куы йыл бандзӕвы, уӕд ӕнӕ ’фхӕрдӕй нӕ баззайы.

Езекиел 18:15

ома Израилы адӕмы гуымирытӕм нӕ кувы ӕмӕ сын кувӕн къуыбыртыл сӕ нывӕндтӕй нӕ аходы, йӕ хионы усы не ’гад кӕны,

Езекиел 18:5

Рӕстгӕнӕг чи у, йӕ хъуыддӕгтӕ сыгъдӕг ӕмӕ раст кӕмӕн сты,

Езекиел 20:24

Уымӕн ӕмӕ Мын не ’ххӕст кодтой Мӕ амындтытӕ, суӕлӕхох сты Мӕ уагӕвӕрдтыл ӕмӕ фӕчъизи кодтой Мӕ сабӕттӕ. Се ’ргом аздӕхтой, сӕ фыдӕлтӕ кӕмӕ куывтой, уыцы гуымирытӕм.

Езекиел 20:28

Ӕз сӕ ӕрбакодтон, сомы сын ракӕнгӕйӕ, Мӕ къух уӕлӕмӕ сисгӕйӕ, зӕрдӕ кӕмӕй бавӕрдтон, уыцы зӕхмӕ, фӕлӕ адон сӕхицӕн бацагуырдтой алы къуыбыр ӕмӕ алы къабузджын бӕлас, ӕмӕ-иу ахӕм къуыбырыл, кӕнӕ ахӕм бӕласы бын аргӕвстой сӕ нывондӕгтӕ. Уыцы рӕтты-иу ӕрӕвӕрдтой сӕ хуынтӕ, хӕрздӕф буд-иу ссыгътой ӕмӕ калдтой сӕн“.

Езекиел 20:7

Уыимӕ сын загътон: ‚Алчидӕр уӕ аппарӕд, кӕсынӕй кӕмӕ не ’фсӕдут, йӕ уыцы гуымирытӕ ӕмӕ уӕхи ма чъизи кӕнут Мысыры хуыцаугӕндтӕй. Ӕз дӕн Дунедарӕг, уӕ Хуыцау‘

Езекиел 6:13

Цагъд адӕмы мӕрдтӕ куы лӕзӕрой сӕ гуымирыты раз, сӕ нывондхӕссӕнты алыварс, стӕй алы бӕрзонд къуыбырыл, ӕппӕт хӕхты цъуппытыл, ноджы алы дидинӕгкалӕг бӕласы бын ӕмӕ алы къабузджын тулдзы бын — сӕ гуымирытӕн хӕрздӕфгӕнӕнтӕ кӕмыты сыгътой, уымыты, уӕд базондзыстут, Ӕз Дунедарӕг кӕй дӕн, уый.

Левит 20:10

Исчи искӕй усимӕ куы ӕрӕмуат уа, уӕд дыууӕйӕ дӕр мард ӕрцӕуӕнт — нӕлгоймаг дӕр ӕмӕ сылгоймаг дӕр.

Левит 20:18

Исчи сылгоймагимӕ йе ’рвылмӕйон тугцыды рӕстӕг ӕмуат куы ’рцӕуа, уӕд ын уымӕй раргом кӕндзӕн йӕ тугцыд; сылгоймаг дӕр афтӕмӕй ӕвдисы йӕ тугцыд, ӕмӕ сӕ дыууӕйы дӕр амардзысты, сӕ адӕмы ’хсӕнӕй фӕхъӕудзысты.

Нымӕцтӕ 25:2

Уыдон адӕмы сӕ хуыцӕутты нывӕндтӕм хуыдтой, ӕмӕ дзы хордтой адӕм ӕмӕ сын куывтой сӕ хуыцӕуттӕн.

Матфей 5:28

Ӕз та уын зӕгъын: сылгоймагмӕ мондаджы цӕстӕй чи кӕсы, уый ныридӕгӕн йӕ мидзӕрдӕйы фӕхатти йемӕ.

1 Коринфӕгтӕм 10:20

Ницы, кӕй зӕгъын ӕй хъӕуы! Фӕлӕ муртаттӕгтӕ цы нывӕндтӕ ӕрхӕссынц, уыдон Хуыцауӕн нӕ, фӕлӕ дӕлимонтӕн хӕссынц. Мӕн та нӕ фӕнды, цӕмӕй дӕлимонтимӕ баст уат.

Фӕлхатгонд ӕгъдау 4:19

Арвыл хур, мӕй, стъалытӕ, ӕппӕт уӕларвӕфсады уындӕй уӕ зӕрдӕ ма бацыбӕл уӕд уыдонӕн кувынмӕ: арвы бын цыдӕриддӕр адӕмтӕ ис, уыдонӕн сӕ радта Дунедарӕг, уӕ Хуыцау.

Дзуттӕгтӕм 13:4

Алчидӕр къайадӕн кӕнӕд аргъ ӕмӕ уӕ хуыссӕн уӕд сыгъдӕг. Хӕлд адӕмӕн ӕмӕ хӕзгултӕн Хуыцау тӕрхон кӕндзӕн.