Езекиел 1:8 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

⁸ Сӕ базырты бын цыппарӕрдыгӕй уыдис адӕймаджы къухтӕ. Сӕ цыппарӕн дӕр уыди цӕсгӕмттӕ ӕмӕ базыртӕ,

Езекиел 1:8 ပူးပေါင်းရင်းမြစ်များ

Исайа 6:6

Уӕд мӕм серафимтӕй иу ӕрбатахти зынджы къӕрттимӕ — нывондхӕссӕны цӕхӕрӕй йӕ ӕртыскӕнӕй фелвӕста.

Езекиел 1:17

Куы-иу сызмӕлыдысты, уӕд-иу сӕ бон уыдис алырдӕм дӕр ацӕуын, сӕ цыппарӕй алкӕмӕн дӕр йе ’ргом кӕдӕм здӕхт уыд, уымӕ гӕсгӕ; цӕугӕ-цӕуын фӕстӕмӕ нӕ кастысты.

Езекиел 10:11

Цӕугӕ-иу куы кодтой, уӕд сӕ бон уыди, херувимтӕн се ’ргом кӕцырдӕм арӕзт уыди, уыцы цыппар фарсӕй кӕцыфӕндыйы ’рдӕм дӕр цӕуын. Херувимтӕ-иу куы сызмӕлыдысты, уӕд-иу цӕлхытӕ сӕ бынаты иннӕрдӕм не ’рзылдысты. Херувимтӕ цыдысты, се ’ргом кӕцырдӕм арӕзт уыди, уыцырдӕм, цӕугӕ-цӕуын фӕстӕмӕ нӕ кастысты.

Езекиел 10:18

Дунедарӕджы кад Кувӕндоны къӕсӕрӕй иуварс айста йӕхи ӕмӕ ӕрлӕууыди херувимты сӕрмӕ.

Езекиел 10:2

Дунедарӕг, гӕн хъуымацӕй дарӕс кӕуыл уыд, уыцы лӕгӕн загъта: «Цӕлхыты ’хсӕнты херувимты бынмӕ бацу, херувимты ’хсӕнӕй дыууӕ армы дзаг зынджытӕ райс ӕмӕ сӕ сахарыл фехс». Уыцы лӕг мӕ разы херувимты бынмӕ бацыди.

Езекиел 10:21

Алкӕмӕн дӕр сӕ уыди цыппар цӕсгомы, алкӕмӕн дӕр — цыппар базыры, базырты бын та адӕймаджы къухты хуызӕттӕ.

Езекиел 8:3

Ӕрбадардта мӕм къухы хуызӕн цыдӕр, мӕ сӕрыхъуынтӕй мӕ фелвӕста. Уд мӕ арв ӕмӕ зӕххы астӕумӕ систа ӕмӕ мӕ Хуыцауӕй лӕвӕрд цӕстылуайӕны ӕрхаста Йерусалиммӕ, йе ’ргом цӕгатӕрдӕм арӕзт кӕмӕн уыд, уыцы мидӕггаг кулдуары цурмӕ. Уым лӕууыди, Дунедарӕгӕн Йӕ маст кӕмӕ сыгъди, уыцы гуымиры.