Апостолты хъуыддӕгтӕ 18:18 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

¹⁸ Павел Коринфы дзӕвгар бафӕстиат, стӕй хӕрзбон загъта ӕфсымӕртӕн ӕмӕ Акилӕ ӕмӕ Прискиллӕимӕ науы ацыди Сиримӕ. Хуыцауӕн дзырд кӕй радта, уымӕ гӕсгӕ балцы размӕ Кенхрейы алвыдта йӕ сӕр.

Апостолты хъуыддӕгтӕ 18:18 ပူးပေါင်းရင်းမြစ်များ

Нымӕцтӕ 6:18

Фембӕлды Цатыры раз алвынӕд назир йӕ сӕры хил — йӕ сомыйы нысан — ӕмӕ йӕ, фидыды нывонд цы артыл фӕсудзынц, уым баппарӕд.

Нымӕцтӕ 6:2

«Зӕгъ израилӕгтӕн: нӕлгоймаг уа ӕви сылгоймаг, назир суӕвыны тыххӕй сӕ исчи куы басомы кӕна, мӕхи Дунедарӕгӕн нывонд кӕнын, зӕгъгӕ,

Матфей 4:24

Йӕ кой айхъуыст ӕгас Сирийыл, ӕмӕ Йӕм хастой, алы низтӕ кӕй бадомдтой, ахӕмты: хӕйрӕджджынты, суртӕгӕнджыты, ӕндзыгнизӕй хъыгдӕрдты, ӕмӕ сӕ Йесо дзӕбӕх кодта.

Марк 6:46

Куы сӕ ауагъта, уӕд хохмӕ ссыди скувынмӕ.

Апостолты хъуыддӕгтӕ 1:15

Уыцы бонты Петр ӕрлӕууыд ӕфсымӕрты раз

Апостолты хъуыддӕгтӕ 15:23

Ныффыстой ӕмӕ сын семӕ арвыстой ахӕм фыстӕг: «Апостолтӕй ӕмӕ аргъуаны хистӕртӕй, уе ’фсымӕртӕй — Антиохийы, Сирийы ӕмӕ Киликийы муртаттӕгтӕй Хуыцаумӕ чи аздӕхт, уыцы ӕфсымӕртӕм. Фӕрнджын ут.

Апостолты хъуыддӕгтӕ 15:41

Павел цыди Сири ӕмӕ Киликийыл ӕмӕ йӕ фӕндагыл фидар кодта аргъуантӕ.

Апостолты хъуыддӕгтӕ 18:2

Уым сӕмбӕлди, йӕ ном Акилӕ кӕмӕн уыд, ахӕм цавӕрдӕр понтаг иудейагыл йӕ ус Прискиллӕимӕ. Уыдон ӕрӕджы ӕрцыдысты Италийӕ, уымӕн ӕмӕ, кесӕр Клавдийы бардзырдмӕ гӕсгӕ, ӕппӕт иудейӕгтӕ дӕр хъуамӕ Ромӕй ацыдаиккой. Павел ӕрбацыди уыдонмӕ,

Апостолты хъуыддӕгтӕ 18:26

Аполлос ныфсджынӕй дзурын райдыдта синагогӕйы. Акилӕ ӕмӕ йӕм Прискиллӕ куы байхъуыстой, уӕд ӕй ахуыдтой сӕхимӕ ӕмӕ йын бӕлвырддӕр бацамыдтой Хуыцауы фӕндаг.

Апостолты хъуыддӕгтӕ 18:27

Ахаймӕ цӕуыны фӕнд ӕм куы фӕзынд, уӕд ын ӕфсымӕртӕ баххуыс кодтой, стӕй ныффыстой ахуыргӕнинӕгтӕм, цӕмӕй йыл баузӕлой. Уырдӕм куы ӕрцыд, уӕд тынг ахъаз фӕци, Хуыцауы хорзӕхы руаджы чи баууӕндыд, уыдонӕн.

Апостолты хъуыддӕгтӕ 21:23

Уӕдӕ байхъус, цы дын зӕгъӕм, уымӕ: не ’хсӕн ис, Хуыцауӕн дзырд чи радта, ахӕм цыппар лӕджы.

Апостолты хъуыддӕгтӕ 21:24

Акӕн сӕ ӕмӕ дӕхи ссыгъдӕг кӕн семӕ, сӕ хӕрдзтӕ сын дӕхимӕ райс. Уыдон адасдзысты сӕ сӕртӕ, ӕмӕ иууылдӕр фендзысты, дӕу тыххӕй цы фехъуыстой, уый ӕцӕг кӕй нӕу, ды дӕхӕдӕг дӕр Ӕгъдаумӕ гӕсгӕ кӕй цӕрыс.

Апостолты хъуыддӕгтӕ 21:3

Баввахс стӕм Кипрмӕ ӕмӕ йӕ фӕуагътам галиуӕрдыгӕй. Нӕ ных сарӕзтам Сиримӕ ӕмӕ бацыдыстӕм Тирмӕ. Ам хъуыди равдӕлон кӕнын нау.

Ромӕгтӕм 16:1

Базонгӕ ут нӕ хо Фивӕимӕ, Кенхрейы аргъуаны уазлӕггадгӕнӕгимӕ.

1 Коринфӕгтӕм 9:20

Иудейӕгты ӕрхоныны тыххӕй ӕз мӕхи дардтон, куыд иудейаг; Моисейы Ӕгъдауы дӕлбар уӕвджыты тыххӕй — куыд Ӕгъдауы дӕлбар адӕймаг, кӕд Ӕгъдауы дӕлбар нӕ дӕн, уӕддӕр.

Галатӕгтӕм 1:21

Уый фӕстӕ ацыдтӕн Сири ӕмӕ Киликимӕ.