Амос 5:25 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

²⁵ Израилӕгтӕ! Дыууиссӕдз азы ӕдзӕрӕг быдыры Мӕ размӕ нывӕндтӕ ӕмӕ хуынтимӕ цыдыстут?

Амос 5:25 ပူးပေါင်းရင်းမြစ်များ

Неемиа 9:18

Кӕд сӕхицӕн джиппы рауагътой уӕныджы ӕмӕ загътой, мӕнӕ нӕ Мысырӕй чи ракодта, уыцы хуыцау, зӕгъгӕ, ӕмӕ кӕд ӕвирхъау цъыфкалӕн кодтой,

Неемиа 9:21

Дыууиссӕдз азы сӕ фӕхастай ӕдзӕрӕг быдыры, хъуаг ницӕмӕй ӕййӕфтой. Сӕ дарӕс нӕ ихсыди, сӕ къӕхтӕ нӕ рӕсыдысты.

Езекиел 20:16

Уымӕн ӕмӕ Мын суӕлӕхох сты Мӕ амындтытыл, Мӕ уагӕвӕрдтӕ Мын не ’ххӕст кодтой, фӕчъизи Мын кодтой Мӕ сабӕттӕ, ӕппӕт зӕрдӕйӕ се ’ргом гуымирыты ’рдӕм сарӕзтой.

Езекиел 20:24

Уымӕн ӕмӕ Мын не ’ххӕст кодтой Мӕ амындтытӕ, суӕлӕхох сты Мӕ уагӕвӕрдтыл ӕмӕ фӕчъизи кодтой Мӕ сабӕттӕ. Се ’ргом аздӕхтой, сӕ фыдӕлтӕ кӕмӕ куывтой, уыцы гуымирытӕм.

Езекиел 20:8

Фӕлӕ уыдон Мӕ ныхмӕ фесты ӕмӕ Мӕм нӕ байхъуыстой. Ничи сӕ аппӕрста, сӕ мондӕгтӕ кӕмӕй истой, уыцы гуымирытӕ, ӕмӕ сӕ Мысыры хуыцаугӕндтыл ничи атигъ кодта йӕхи. Ӕмӕ уӕд загътон, Мӕ маст сыл ныккалдзынӕн ӕмӕ сыл Мӕ азар ныххуырсдзынӕн Мысыры зӕххыл, зӕгъгӕ.

Левит 17:7

Цы цӕуӕнгӕс дӕлимонтимӕ хӕтынц, уыдонӕн мауал хӕссӕнт нывӕндтӕ. Уый сын уӕд мыггагмӕйы уагӕвӕрд, фӕлтӕрӕй-фӕлтӕрмӕ.

Захариа 7:5

«Ацы бӕстӕйы ӕппӕт цӕрджытӕн ӕмӕ сауджынтӕн афтӕ зӕгъ: „Дӕс ӕмӕ ӕртиссӕдз азы дӕргъы фӕндзӕм ӕмӕ ӕвдӕм мӕйты, хъынцъымгӕнгӕйӕ, ком куы дардтат, уӕд уыдӕттӕ Мӕн тыххӕй кодтат?

Нуны фырт Йешуа 24:14

«Гъемӕ, — дзырдта дардӕр Йешуа, — аргъуыц кӕнут Дунедарӕгӕн, лӕггад Ын кӕнут сыгъдӕгзӕрдӕйӕ, ӕнӕхинӕй! Доны фале ӕмӕ Мысыры уӕ фыдӕлтӕ кӕмӕн лӕггад кодтой, уыцы хуыцӕуттыл уӕ къух ауигъут, ӕмӕ лӕггад кӕнут ӕрмӕстдӕр Дунедарӕгӕн!