4 Паддзахӕдтӕ 22:9 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

⁹ Уый фӕстӕ Шафан паддзахмӕ ӕрбаздӕхт ӕмӕ йын рахабар кодта: «Дӕ цагъартӕ, сауджынтӕ, Кувӕндоны мысайнаг ӕвзист райстой ӕмӕ йӕ бӕрнылӕгты къухмӕ радтой».

4 Паддзахӕдтӕ 22:9 ပူးပေါင်းရင်းမြစ်များ

Езекиел 8:11

Израилы хистӕртӕй ӕвдайы бӕрц лӕууыдысты сӕ разы, Шафаны фырт Иазани дӕр се ’хсӕн, афтӕмӕй. Алкӕй къухы дӕр сӕ уыди будсудзӕн, ӕмӕ буды хӕрздӕфы къуыбылӕйттӕ хӕрдмӕ цыдысты.

Йеремиа 41:2

уӕд Нетаниайы фырт Измаел ӕмӕ, йемӕ цы дӕс лӕджы уыди, уыдон ӕвиппайды фестадысты ӕмӕ Ахикамы фырт Гедалиайы, Шафаны фырты фырты, кардӕй барӕхуыстой — Вавилоны паддзах бӕстӕйы хицауӕй кӕй сӕвӕрдта, уый амардтой.

Йеремиа 40:11

Моавы, Аммоны, Едомы ӕмӕ иннӕ бӕстӕты цы иудейӕгтӕ цардысты, уыдон дӕр фехъуыстой, Вавилоны паддзах адӕмы иу хай Иудейы бӕстӕйы кӕй ныууагъта ӕмӕ сын Шафаны фырты фырт, Ахикамы фырт Гедалиайы, хицауӕй кӕй сӕвӕрдта, уый.

Йеремиа 39:14

Йеремиамӕ арвыстой ӕмӕ йӕ хъахъхъӕнджыты кӕртӕй рацӕуын кодтой. Ахикамы фырт, Шафаны фырты фырт Гедалиайӕн, йӕ хӕдзармӕ йӕ акӕн, зӕгъгӕ, бафӕдзӕхстой. Афтӕмӕй Йеремиа йӕ адӕмы ’хсӕн цӕргӕйӕ баззади.

Йеремиа 29:3

Фыстӕг йӕ бынатыл сӕмбӕлын кӕнын бабар кодта Шафаны фырт Еласа ӕмӕ Хилкиайы фырт Гемариайӕн, Иудейы паддзах Цедекиа вавилойнаг паддзах Навуходоносормӕ кӕй арвыста, уыдонӕн.

Йеремиа 26:24

Шафаны фырт Ахикам Йеремиайы сӕрыл рахӕцыд, цӕмӕй адӕмы къухтӕм марынмӕ лӕвӕрд ма ӕрцӕуа.

4 Паддзахӕдтӕ 25:22

Вавилоны паддзах Навуходоносор ма Иудейы цы адӕмы ныууагъта, уыдонӕн сӕ сӕргъы сӕвӕрдта Шафаны фырты фырт, Ахикамы фырт Гедалиайы.

4 Паддзахӕдтӕ 22:12

Стӕй бафӕдзӕхста алчер Хилкиайӕн, Шафаны фырт Ахикамӕн, Михайы фырт Ахборӕн, нымӕрдар Шафанӕн ӕмӕ йӕ лӕггадгӕнӕг Асайайӕн:

4 Паддзахӕдтӕ 22:3

Йӕ паддзахиуӕджы ӕстдӕсӕм аз Иосиа Дунедарӕджы Кувӕндонмӕ арвыста Мешулламы байзӕддаг Ацалиайы фырт Шафаны, йӕ нымӕрдары. Бафӕдзӕхста йын:

4 Паддзахӕдтӕ 18:18

Паддзахмӕ фӕдзурын кодтой, фӕлӕ сӕм йӕ бӕсты рацыдысты йӕ галуаны уагдар Елиаким, Хилкиайы фырт, нымӕрдар Шевна ӕмӕ фидиуӕг Йоах, Асафы фырт.

4 Паддзахӕдтӕ 22:8

Нымӕрдар ацы ныхӕстӕ Хилкиайӕн куы рафӕзмыдта, уӕд ын уый загъта: «Дунедарӕджы Кувӕндоны ӕз ссардтон Ӕгъдауы чиныг». Ӕмӕ Хилкиа уыцы чиныг Шафанмӕ радта, ӕмӕ йӕ уый бакасти.

4 Паддзахӕдтӕ 22:10

Шафан паддзахмӕ равдыста, Хилкиа йӕм цы чиныг радта, уый ӕмӕ йын ӕй бакасти.