4 Паддзахӕдтӕ 2:6 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

⁶ Илийа йын загъта: «Ды ам лӕуу! Дунедарӕг мӕн Иорданмӕ ӕрвиты». Фӕлӕ та йын Елисей расомы кодта: «Сомы кӕнын Дунедарӕгӕй ӕмӕ дӕуӕй, ӕз дӕ нӕ ныууадздзынӕн!» Ӕмӕ иумӕ ацыдысты.

4 Паддзахӕдтӕ 2:6 ပူးပေါင်းရင်းမြစ်များ

4 Паддзахӕдтӕ 2:2

Илийа йын загъта: «Ды ам лӕуу! Мӕн Дунедарӕг Вефилмӕ ӕрвиты». Фӕлӕ йын Елисей расомы кодта: «Сомы кӕнын Дунедарӕгӕй ӕмӕ дӕуӕй, нӕ дӕ ныууадздзынӕн!» Ӕмӕ иумӕ араст сты Вефилмӕ.

Нуны фырт Йешуа 3:15

Хуымгӕрдӕнты заман куыд вӕййы, афтӕ та ныр дӕр Иордан ивылд уыдис, йӕ былтӕй ӕнхъӕвзта. Фӕлӕ йӕм, Фидыды Чырын чи хаста, уыцы сауджынтӕ куыддӕр бахӕццӕ сты ӕмӕ доны балӕгӕрстой,

Нуны фырт Йешуа 3:8

Чырынхӕссӕг сауджынтӕ куыддӕр Иорданы донмӕ бахизой, афтӕ-иу сӕ ӕрлӕууын кӕн».

1 Паддзахӕдтӕ 20:3

Давид ард бахордта ӕмӕ загъта: «Дӕ фыд, бӕгуыдӕр, зоны, хорз зӕрдӕ мӕм кӕй дарыс, уый. Уымӕ гӕсгӕ йӕхицӕн фӕзӕгъы: „Ионатан мацы базонӕд, науӕд ын хъыг уыдзӕни“. Фӕлӕ сомы кӕнын Дунедарӕгӕй ӕмӕ дӕуӕй: мӕ цард ӕрдуйыл хӕцы».

Райдиан 22:6

Авраам йӕ фырт Исаакы ӕккой сӕвӕрдта, иууылсудзинаг нывонд ӕрхӕссынӕн сӕм цы суг уыди, уый, райста зынг ӕмӕ кард, ӕмӕ араст сты дыууӕйӕ.

Райдиан 22:8

Авраам дзуапп радта: «Хуыцау Йӕхӕдӕг сбӕрӕг кӕндзӕн, иууылсудзинаг нывондӕн цы уӕрыкк хъӕуы, уый». Ӕмӕ цыдысты дарддӕр.

Руфы чиныг 1:16

Фӕлӕ Руф загъта: «Ӕвӕндонӕй дӕ цӕмӕн хъуамӕ ныууадзон? Куыд хъуамӕ ацӕуон дӕуӕй? Фӕлтау, ды кӕдӕм ацӕуай, ӕз дӕр уырдӕм фӕцӕудзынӕн; ды кӕм ӕрӕнцайай, ӕз дӕр уым ӕрӕнцайдзынӕн; дӕ адӕм суыдзысты мӕ адӕм, дӕ Хуыцау та — мӕ Хуыцау.

1 Паддзахӕдтӕ 1:26

Аннӕ загъта: «Ме ’лдар цӕра, ӕз, ацы ран чи лӕууыд ӕмӕ Дунедарӕгмӕ чи куывта, уыцы сылгоймаг дӕн.

4 Паддзахӕдтӕ 4:30

Сабийы мад загъта: «Сомы кӕнын Дунедарӕгӕй ӕмӕ дӕуӕй, нӕ дӕ ныууадздзынӕн иу ран!» Ӕмӕ Елисей сылгоймаджы фӕдыл ацыд.