4 Паддзахӕдтӕ 2:1 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

¹ Ӕрӕввахс ис, Дунедарӕг Илийайы уаддымгӕйы мидӕг уӕларвмӕ куы систа, уыцы бон. Ӕмӕ иуахӕмы Илийа рацыди Гилгалӕй, Елисей дӕр йемӕ.

4 Паддзахӕдтӕ 2:1 ပူးပေါင်းရင်းမြစ်များ

Райдиан 5:24

Фӕцарди Хуыцауӕн коммӕгӕсӕй, стӕй зӕххыл нал уыди — Хуыцау Йӕхимӕ айста Енохы.

3 Паддзахӕдтӕ 18:12

Ӕз ардыгӕй куы ацӕуон, уӕд дӕу, чи зоны, Дунедарӕджы Уд ахӕсса, кӕдӕм, уый нӕ зонын. Ӕмӕ Ахавӕн куы зӕгъон дӕу тыххӕй, ӕмӕ дӕ уый куы не ссара, уӕд мӕ амардзӕн. Ӕз та, дӕ цагъар, ме ’взонгӕй нырмӕ дӕр Хуыцауӕн аргъуыц кӕнын.

3 Паддзахӕдтӕ 19:11

Дунедарӕг ын загъта: «Ӕддӕмӕ рацу ӕмӕ хохы сӕрыл Дунедарӕджы раз ӕрлӕуу!» Уалынмӕ тӕссаг ӕмӕ тыхджын дымгӕ сыстад, ӕмӕ хӕхтӕ фаркгай фӕхаудысты, къӕдзӕхтӕ базгъӕлӕнтӕ сты, фӕлӕ Дунедарӕг дымгӕйы мидӕг нӕ разынд. Уый фӕстӕ зӕхх нынкъуысти, фӕлӕ уым дӕр нӕ разынди Дунедарӕг.

3 Паддзахӕдтӕ 19:4

йӕхӕдӕг дарддӕр ахӕцыд ӕмӕ ӕдзӕрӕг быдыры иу бонцауы бӕрц куы бауади, уӕд уым иу ран ӕхсӕлыйы къутӕры бын ӕрӕнцад ӕмӕ мӕлӕт куырдта йӕхицӕн: «Ӕгъгъӕд мын фӕуӕд, Дунедарӕг! Мӕ бон нал у, айс мын мӕ уд! Ӕз дӕр мӕ фыдӕлтӕй хуыздӕр куынӕ дӕн».

4 Паддзахӕдтӕ 1:18

Ахазиайы иннӕ хабӕрттӕ фыст ӕрцыдысты «Израилаг паддзӕхты азфыстыты чиныджы».

4 Паддзахӕдтӕ 2:11

Фӕндагыл ныхасгӕнгӕ куыд фӕцӕйцыдысты, афтӕ фӕзынди пиллонкалгӕ уӕрдон артуадзгӕ бӕхтимӕ, сӕ дыууӕйы ’хсӕн фестадысты, ӕмӕ Илийа тымыгъы мидӕг уӕларвмӕ ацыд.

4 Паддзахӕдтӕ 4:38

Елисей дӕр аздӕхти Гилгалмӕ. Уӕд уыцы зӕххыл скодта ӕххормаг рӕстӕг, ӕмӕ уырдыгон пехуымпартӕ Елисеймӕ куы ӕрӕмбырд сты, уӕд уый йӕ лӕггадгӕнӕгӕн бафӕдзӕхста: «Стыр аг бауӕларт кӕн ӕмӕ пехуымпартӕн хъӕрмхуыпп афыц!»

Иовы чиныг 38:1

Уӕд Иовмӕ уадтымыгъӕй радзырдта Хуыцау, загъта йын:

Лука 9:51

Уӕлӕрвтӕм Йӕ сисыны афон куы ӕрӕввахс, уӕд Йесо сфӕнд кодта Йерусалиммӕ фӕцӕуын.

Апостолты хъуыддӕгтӕ 1:9

Уыцы ныхӕсты фӕстӕ Йесойы систӕуыд уӕлӕрвтӕм, ӕмӕ йӕ ӕврагъ бамбӕхста.

Дзуттӕгтӕм 11:5

Енохмӕ уырнындзинад кӕй уыдис, уымӕ гӕсгӕ хаст ӕрцыдис арвмӕ, мӕлӕт нӕ федта, афтӕмӕй. Агуырдтой йӕ ӕмӕ йӕ не ссардтой — Хуыцау ӕй айста Йӕхимӕ. Фӕлӕ йӕ цалынмӕ нӕ айста, уӕдмӕ дзы Хуыцау, куыд адӕймагӕй, афтӕ разы уыди.

Нуны фырт Йешуа 4:19

Адӕм Иорданы сӕрты ахызтысты фыццаг мӕйы дӕсӕм бон ӕмӕ рӕсӕнуаты ӕрлӕууыдысты Гилгалы, Йерихоны бӕстӕйы скӕсӕйнаг арӕныл.

Нуны фырт Йешуа 5:9

Уый фӕстӕ Дунедарӕг Йешуайӕн загъта: «Мысыры худинаджы уаргъ уын абон уӕ рагъӕй систон». Уӕдӕй фӕстӕмӕ уыцы бынат схуындӕуыди Гилгал.

Ӕргомад 11:12

Сӕ дыууӕ дӕр фехъуыстой, уӕларвӕй сын хъӕрӕй цы загъдӕуыд, уый: «Ссӕут ардӕм». Уыдон ӕврагъы фӕцыдысты уӕларвмӕ, ӕмӕ уый федтой се знӕгтӕ.