3 Паддзахӕдтӕ 8:6 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

⁶ Уый фӕстӕ сауджынтӕ Кувӕндоны рӕбинаг уатмӕ, Рухсмонуатмӕ, бахастой Фидыды Чырын ӕмӕ йӕ ӕрӕвӕрдтой херувимты базырты бын.

3 Паддзахӕдтӕ 8:6 ပူးပေါင်းရင်းမြစ်များ

2 Паддзахӕдтӕ 6:17

Дунедарӕджы Фидыды Чырын бахастой ӕмӕ йӕ, Давид ын цы цатыр сарӕзта, уым нысангонд бынаты сӕвӕрдтой. Давид Дунедарӕгӕн иууылсудзинаг нывӕндтӕ ӕмӕ фидыды нывӕндтӕ ӕрхаста.

2 Паддзахӕдтӕ 6:2

ӕмӕ семӕ ацыд иудейаг сахар Бааламӕ, цӕмӕй уырдыгӕй ӕрбахӕссой Хуыцауы Фидыды Чырын, херувимтыл Ӕнцайӕджы, Уӕларвӕфсады Бардарӕджы ном чи хаста, уый.

3 Паддзахӕдтӕ 6:16

Фӕстаг къулӕй размӕ ссӕдз ӕлмӕрины ранымадта ӕмӕ уыцы ран кедры хъӕдӕй цӕхгӕрмӕ суагъта ног къул, цӕмӕй йын йӕ фӕстӕ сараза Рухсмонуат.

3 Паддзахӕдтӕ 6:19

Рухсмонуат Соломон уый тыххӕй скодта, цӕмӕй дзы Дунедарӕджы Фидыды Чырын сӕвӕра.

3 Паддзахӕдтӕ 6:27

Соломон базыртыгъд херувимты сӕвӕрдта Рухсмонуаты мидӕг, кӕрӕдзийы фарсмӕ. Сӕ кӕройнаг базырты кӕрӕттӕ ӕндзӕвыдысты Кувӕндоны фӕйнӕ къулыл, сӕ иннӕ базырты кӕрӕттӕ та — кӕрӕдзиуыл.

3 Паддзахӕдтӕ 8:3

Израилы хистӕртӕ куы ӕрӕмбырд сты, уӕд сауджынтӕ Фидыды Чырын се уӕхсчытӕм систой.

3 Паддзахӕдтӕ 8:4

Сауджынтӕ ӕмӕ левиттӕ ахастой Дунедарӕджы Фидыды Чырын ӕмӕ Фембӕлды Цатыр, стӕй, Цатыры цы уаз дзауматӕ уыди, уыдон иууылдӕр.

3 Паддзахӕдтӕ 8:7

Херувимтӕн сӕ базыртӕ уыдысты Фидыды Чырыны сӕрмӕ тыгъд ӕмӕ йӕ ӕмбӕрзтой йӕ хӕссӕн хъилтимӕ.

1 Азфыстытӕ 22:19

Гъемӕ уӕдӕ уӕ зӕрдӕ ӕмӕ уӕ уды ӕппӕт хъаруйӕ агурут Дунедарӕджы, уӕ Хуыцауы, саразут Ын Кувӕндон. Йӕ номыл цы хӕдзар сырӕза, уырдӕм-иу бахӕссут Фидыды Чырын ӕмӕ Хуыцауы уаз мигӕнӕнтӕ».

2 Азфыстытӕ 5:7

Уый фӕстӕ сауджынтӕ Фидыды Чырын бахастой, цы бынат ын снысан кодтой, уырдӕм — Кувӕндоны Рухсмонуатмӕ, ӕмӕ йӕ ӕрӕвӕрдтой херувимты базырты бын.

Псаломтӕ 80:1

Зарӕггӕнджыты къорды разамонӕгӕн. «Ха-гиттит»-ы зӕлтӕм гӕсгӕ. Асафы псалом.

Псаломтӕ 80:2

Цингӕнгӕ зарут Хуыцауӕн — Уый нӕ тых у! Цины хъӕр сисут Йаковы Хуыцауы кадӕн!

Псаломтӕ 99:1

Стауӕн псалом. Ӕгас зӕхх, Дунедарӕджы сыстау!

Рацыд 37:9

Херувимтӕн сӕ базыртӕ уыдысты хӕрдмӕ тыгъд ӕмӕ афтӕмӕй ӕмбӕрзтой Фидыды Чырыны сӕр, сӕ цӕсгӕмттӕ уыдысты кӕрӕдзимӕ арӕзт, се ’ргом та — Чырыны сӕры ’рдӕм.

Исайа 37:16

«Уӕларвӕфсады Бардарӕг, Израилы Хуыцау, херувимтыл Ӕнцайӕг! Ды дӕ дунейы ӕппӕт паддзахӕдты иунӕг Хуыцау. Ды сфӕлдыстай арв ӕмӕ зӕхх.

Езекиел 10:5

Херувимтӕн сӕ базырты уынӕр хъуысти суанг ӕддаг кӕртмӕ, уыцы уынӕр уыдис Ӕппӕтхъомысы хъӕлӕсы ӕнгӕс, Уый дзургӕ куы фӕкӕны, уӕд.

Езекиел 41:4

Рӕбинаг агъуыстӕн сбарста йӕ дӕргъ ӕмӕ йӕ уӕрх, ӕмӕ дыууӕрдӕм дӕр уыди фӕйнӕ ссӕдз ӕлмӕрины, Кувӕндонӕн йӕ уӕрхы хуызӕн. Загъта мын: «Уый у Рухсмонуат».

1 Паддзахӕдтӕ 4:4

Адӕм арвыстой Силоммӕ ӕмӕ Фидыды Чырын, йӕ сӕрмӕ херувимтыл — Уӕларвӕфсады Бардарӕг, уырдыгӕй ӕрбахастой. Хуыцауы Фидыды Чырынимӕ ӕрбацыдысты Елиайы дыууӕ фырты дӕр, Хофни ӕмӕ Пинхас.