3 Паддзахӕдтӕ 7:2 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

² Соломон сарӕзта ливайнаг хъӕдӕй фӕлыст галуан. Йӕ дӕргъ уыди фондзыссӕдз ӕлмӕрины, йӕ уӕрх — дӕс ӕмӕ дыууиссӕдз ӕлмӕрины, йӕ бӕрзӕнд та — дӕс ӕмӕ ссӕдз ӕлмӕрины. Йӕ цары хъайвантӕ, кедры хъӕдӕй, ӕнцадысты кедры хъӕдӕй конд цӕджындзты цыппар рӕнхъыл.

3 Паддзахӕдтӕ 7:2 ပူးပေါင်းရင်းမြစ်များ

3 Паддзахӕдтӕ 10:17

Ноджы ма скодта ӕртӕсӕдӕ чысыл уарты, уыдон дӕр дзӕбугӕй цагъд сыгъзӕринӕй астӕрд, сӕ сыгъзӕрины уӕз уыди фӕйнӕ ӕртӕ минӕйы. Паддзах уыцы уартытӕ иууылдӕр бафснайдта Ливайнаг хъӕдӕй фӕлыст галуаны.

3 Паддзахӕдтӕ 10:21

Соломонӕн йӕ нуазӕнтӕ уыдысты сыгъзӕринӕй конд, йӕ ливайнаг хъӕдӕй фӕлыст галуаны дзауматӕ та иууылдӕр — сыгъдӕг сыгъзӕринӕй конд. Ӕвзист дзаумайӕ йӕм ницы уыд, уымӕн ӕмӕ Соломоны заман ӕвзистӕн ницы кад уыди.

3 Паддзахӕдтӕ 7:3

Галуанӕн йӕ уӕлхӕдзары аххӕрджытӕ (уыдон дӕр кедрӕй конд) ӕвӕрд уыдысты фондз ӕмӕ дыууиссӕдз цӕджындзы ӕртӕ рӕнхъыл. Алы рӕнхъы дӕр уыди фынддӕс цӕджындзы.

3 Паддзахӕдтӕ 9:1

Соломонӕн Дунедарӕджы Кувӕндон, паддзахы галуан ӕмӕ, ноджыдӕр ма цы бӕстыхӕйттӕ саразинаг уыд, уыдон конд куы фесты,

3 Паддзахӕдтӕ 9:19

Уымӕй уӕлдай ма Соломон сарӕзта ӕфтауцуат сахартӕ: иуты дзы дардта хӕлц, иннӕты — тохуӕрдӕттӕ, аннӕты — бӕхджын ӕфсӕдтӕ. Ноджы ма Соломон Йерусалимы, Ливаны ӕмӕ йӕ паддзахады алы рӕтты сарӕзта ӕндӕр бӕстыхӕйттӕ дӕр, куыддӕриддӕр сфӕнд кодта, афтӕ.

2 Азфыстытӕ 9:16

Ноджы ма — ӕртӕсӕдӕ гыццыл уарты, алкӕмӕн дӕр дзы йӕ сыгъзӕрины уӕз — ӕртӕсӕдӕ шекелы. Паддзах уыцы уартытӕ бафснайдта Ливайнаг хъӕдӕй фӕлыст агъуысты.

Зарджыты зарӕг 7:4

Дӕ риутӕ — саджы дыууӕ лӕппыны, сычъийы фаззӕттӕ.

Исайа 22:8

Иудей ӕнӕхай фӕци йӕ фидӕрттӕй. Уыцы бон ма сымах уӕ ныфс дардтат, Ливайнаг хъӕдӕй фӕлыст галуаны уын цы хотыхтӕ ӕфснайд уыди, уыдоныл.